مطلوب معلومات عن ماركات فيلتر هواء وفيلتر زيت

**a7madramadan** · 05-04-2011 09:57 PM

بسم الله الرحمن الرحيم

انا هأغير فيلتر الهواء وفيلتر الزيت الصغير الي داخل على الاينجيكشن

الميكانيكي الي باتعامل معاه بيقولي الفيلتر بتاع الزيت بيعمله 25 جنيه تقريبا ونصحني أجيب الأحمر (طبعا انا مش فاهم حاجة)

وقالي فيلتر الهواء هيعمل 25 جنيه تقريبا برضه

----------------------------

الي عاوز أعرفه هل في حاجات أفضل تتجاب بدل الأنواع الي قال عليها دي .... يعني فيلتر هواء يركب في نفس المكان المربع ده بس نوع نظيف K&N Simota والماركات النظيفة دي ....وهكذا برضه لو في بدائل لفيلتر الزيت الصغير ....... ولا اللادا مش قد المقام :D

وكمان لو في نصائح عن شراء الفيلتر يــــاريت تقولولي وبارك الله فيكم جميعا

**abokoko** · 08-04-2011 05:21 PM

انا جبت فلتر هوا علبته شكلها اخضر تقريبا وعليها كتابة روسي
بس الفلتر من جوه شبكه حديد ومن بره بدون شبكه مش زى اللى كان راكب
وكان ب15 جنيه

**mohamed2002** · 08-04-2011 08:59 PM

انا بحط فلتر زيت فاك فلتر وبغيره غالبا كل غيار زيت وبجيب كذا واحد من الشركة الواحد ب 14 جنية وفلتر الهواء مغيرتوش من ساعة ما جبت العربية

**a7madramadan** · 09-04-2011 02:14 AM

تمام كده هأجيب فيلتر فاك للزيت الصغير والكبير الي تحت ..... وكمان فيلتر هواء عادي لإن يظهر ان مافيش فلاتر هواء من ماركات كبيرة ..... و بالنسبة لفيلتر الهواء الميكانيكي قالي يــــاريت تنفخه كل فترة والتانية بــ بلاور و تغيره نظافة كل سنة ولا حاجة او لو بعد سفرية في تراب جامده و حسيت ان بعد النفخ ما نضفش ولسه مسدود ...... وقالي ده عبارة عن الرئة بتاعة العربية لازم يخش هواء كويس للموتور علشان يدي أداء كويس و قالي انه مش غالي أساسا ..... فأنا جاه في بالي لو في نوع غالي او نظيف ومشهور بس يظهر مش فارق خــالص النوع علشان مافيش ليها زي العربيات الياباني والكوري K&N & Simota والحاجات دي....

متشكر جدا جدا على ردود حضراتكم وان شاء الله هأبقى أقول على تفاصيل الصيانة الجاية بالتكاليف للإخوة لو حد ممكن يستفيد منها :)

**mohamed2002** · 09-04-2011 01:16 PM

المشاركة الأصلية كتبت بواسطة thediesel

تمام كده هأجيب فيلتر فاك للزيت الصغير والكبير الي تحت ..... وكمان فيلتر هواء عادي لإن يظهر ان مافيش فلاتر هواء من ماركات كبيرة ..... و بالنسبة لفيلتر الهواء الميكانيكي قالي يــــاريت تنفخه كل فترة والتانية بــ بلاور و تغيره نظافة كل سنة ولا حاجة او لو بعد سفرية في تراب جامده و حسيت ان بعد النفخ ما نضفش ولسه مسدود ...... وقالي ده عبارة عن الرئة بتاعة العربية لازم يخش هواء كويس للموتور علشان يدي أداء كويس و قالي انه مش غالي أساسا ..... فأنا جاه في بالي لو في نوع غالي او نظيف ومشهور بس يظهر مش فارق خــالص النوع علشان مافيش ليها زي العربيات الياباني والكوري k&n & simota والحاجات دي....

متشكر جدا جدا على ردود حضراتكم وان شاء الله هأبقى أقول على تفاصيل الصيانة الجاية بالتكاليف للإخوة لو حد ممكن يستفيد منها :)

شكرا لردك ياباشا و وهل انت عندك فلتر بنزين ولو كدة غيره بالمرة

**a7madramadan** · 10-04-2011 09:03 AM

أنا فعلا هأغير فيلتر البنزين بالمرة ما اتغيرش بقاله سنة من ساعة ما جيبت العربية ...... وإنشاء الله على قدر المستطاع هأحاول آخد صور للفلاتر او العلب الي جايين فيهم و هأحط بيانات الصيانة بالأسعار يمكن حد يستفاد بيها :) و أشكرك يا استاذ محمد على تواصلك الدائم معايا ونصائحك العظيمة :)

**ahmedalramy** · 18-04-2011 02:03 AM

هو انا ممكن اغيير فلتر الهوا بنفسى ولا يستحسن عند الميكانيكى

**a7madramadan** · 18-04-2011 11:13 PM

تغيير الفيلتر أعتقد سهل جدا ..... أنا آخر مرة لما نفخته من شهر ونصف الراجل فك أربع مسامير و شال الفيلتر و بعد ما حطه ربط أربع مسامير وخلاص ........ الموضوع سهل جدا وأي إستفسارات تانية أنا فالخدمة

**SYD** · 19-04-2011 05:30 AM

السلام عليكم ورحمة الله وبركاته
انا كان معايا لادا 2107 موديل 2005
العربية دى حلوة اوي
بص يا باشا فلتر الزيت تجيب القصير عشان مايخبطش في الشاسيه وسعره حوالي 18 جنيه فاك بعلبة حمرا
اما فلتر الهواء فهات اي حاجة