الفرامل

**mahgoup** · 08-05-2011 11:03 PM

السلام عليكم/انا ملاحظ بقالى قتره كل ما ادوس فرامل اسمع صوت جرجره يعنى صوت غريب كده بس مش صفاره يا ريت حد يقولى ايه الحل وشكراااا

**ayad2007** · 08-05-2011 11:56 PM

شوف تيل الفرامل لما بيتغير بيختفي الصوت ده

**a7madramadan** · 09-05-2011 10:26 PM

يمكن التيل خلص روح عند ميكانيكي يبص عليه و بسيطة ان شاء الله بس لو فعلا خــالص المفروض يتغير اسرع ما يمكن والله الموفق

**mahgoup** · 10-05-2011 12:19 AM

شكرااا جداا وان شاء الله حروح بكره

**mahgoup** · 10-05-2011 08:28 PM

رحت النهارده وطلع تيل الفراما خاااالص على الحديده لدرجة انه كان بياكل فى الطنبوره واشتريته ب30جنيه ومصنعيه 10ج

**a7madramadan** · 13-05-2011 02:40 AM

الحمد لله انك ما طولتش إلا كان هيحصل مشكلة والطنبورة تبوظ و تبقى حووووسة :)) ربنا بيسترها معانا جميعا

**nimox** · 19-05-2011 07:05 PM

المشاركة الأصلية كتبت بواسطة thediesel

الحمد لله انك ما طولتش إلا كان هيحصل مشكلة والطنبورة تبوظ و تبقى حووووسة :)) ربنا بيسترها معانا جميعا

بس هوا الطنبورة المفروض تتغير كل قد ايه أنا سمعت كل 60 الف المفروض تتغير
و بالنسبة لموضوع بيض الدريكسيون المفروض يتغير كل قد ايه؟

**blazer** · 20-05-2011 01:04 AM

الطنابير بتتغير لما تبوظ خالص ومينفعش معاها انها تتخرط
واعتقد دا مش قبل 100 الف

**a7madramadan** · 20-05-2011 08:05 PM

والبيض بظروفه .... في بيض بيبوظ في 5000 كيلو و في بيض بالبركة يقعد 70000 كيلو .... على حسب استخدامك في الممطبات و الهبد في العربية و نوعية البيض أساسا و صيانتك ليه بالتشحيم و تربيط العفشة بشكل دوري ....

أنا أعرف واحد جايب لادا 2008 لحد دالوقتي ما بيغيرش غير سوائل و غير مرة تيل فرامل و صيانة دورية كل شهر عمره ماغير بيض ولا مقصات ولا أي حاجة فالعفشة ولا لمس الموتور ما شاء الله ... بس هوه غشيم شوية بيحك فالركنة كتير فغير الإكصدام الأمامي و الخلفي مع بعض من فترة قصيرة ....
وأنا ما باغيرش غير سوائل و تربيط دوري و حاجات تافهة من أول ما جيبت عربيتي في يناير 2010 ....
وليا قريب ليا معاه 2008 غير بتاع نص العفشة الأمامي و الخلفي وحاجات في الجيربوكس تقريبا اسطوانة و ديسك و مبهدل الكاربيراتير صيانة

أنا باقولك الكلام ده مجرد تبقى واخد فكرة ان العربية تعاملها كويس و تعملها صيانة ما تبوظش تبهدلها هتتعب و هتدفع تصليح ...

من أشهر أنواع البيض هوه البلغاري و الألماني على قد ما انا فاكر من بعض المواضيع هنا ....بس مش متذكر السعر الصراحة

أتمنى اكون افدتك ... واي استفسارات احنا فالخدمة