تطبيق الشريعة الاسلامية مفهوم واسع محتاجين نعرف ايه التفاصيل
يعنى لو سالت المصريين هل توافقون على تطبيق قيم العدل والخير والمساواة هيوافقوا .. لكن ايه تفاصيل المشروع ده .. هو ده السؤال
تطبيق الشريعة الاسلامية مفهوم واسع محتاجين نعرف ايه التفاصيل
يعنى لو سالت المصريين هل توافقون على تطبيق قيم العدل والخير والمساواة هيوافقوا .. لكن ايه تفاصيل المشروع ده .. هو ده السؤال
إيه يا عم اللى خلاك تفتح الموضوع ده تانى
على العموم أشاركك الرأى و لكن بطريقة مختلفة
لا ينبغى طرح السؤال مجردا بهذه الطريقة : يجب أولا تحديد مفهوم التطبيق من وجهة نظر السائل ثم طرح السؤال ؟ يعنى إيه مفهوم الشريعة الإسلامية و كيفية التطبيق عند السائل ؟
و بعدين العنوان غلط خالص . كيف عرف أن أكثر من 90% من المصريين موافقين ( يعنى هو سأل 90 مليون علشان يحدد . و بعدين ليه مش 91.47% )
طبعا انا موافق . تم التصويت
أنت لو سألت المصريين اللى وافقوا على تطبيق الشريعه عن معنى الشريعه نفسها قسما بالله ما هتلاقى حد فيهم فاهم يعنى ايه شريعه أصلا كل اللى فاهمينه عن الموضوع ده هو قطع يد اللى بيسرق
طيب وايه الهدف من تطبيق الشريعه
أننا نبقى من الدول المتقدمه يعنى ده ملوش علاقه كل الدول المتقدمه مش بتطبق أى شريعه ومفيش بينهم دول اسلاميه واحده توحد ربنا وكل الدول اللى بتطبق الشريعه دول متخلفه ( من دول العالم التالت ) وعندها فساد واضطرابات ومشاكل ملهاش اخر ولا حتى المسئوليين عن الدوله دى اللى بيطبقوا الشريعه مفيش عندهم خطط واضحه ومححده بانهاء الفساد وتطوير بلدهم
لو كان الهدف هو تحسين الاخلاق ومعاملات الناس بين بعضها تطبيق الشريعه ملوش علاقه بالكلام
أنا مش موافق طبعا على الموضوع ده الاسلام اخلاق ومعامله ولو صلحنا ده بلدنا ساعتها هتبقى فى أحسن حال
بلاش نتمسك بالشكليات والمظاهر وبس والداخل عندنا فاسد ومفضوحيين قدام العالم كله
خلاص تاهت ولقيناها
احنا نكفر بربنا ونعبد الصليب زي الأمريكان والأوربيين أو البقر زي دول جنوب شرق آسيا عشان نبقى متقدمين زيهم
شريعة ايه يا راجل اللي هتخلينا متخلفين زي الصومال وأفغانستان احنا عايزين نبقى دول متقدمة والإسلام هو اللي مرجعنا لورا ومخلينا دول عالم تالت وربك غفور رحيم !
تصدق بالله ان ما مرجعنا لورا فعلا غير الناس اللي بتفكر زي حضرتك كده ؟!
ربنا يرحمنا برحمته
آبو آسر
الموضوع لا كفر و إيمان . العيب ليس فى الشريعة سواء طبقت أم لا . العيب في من يطبق الشريعة و من ستطبق عليه الشريعة . بالضبط كما قال الإمام محمد عبده عندما رأى إسلاما بلا مسلمين فى بلاد الغرب
العيب فينا إحنا كمسلمين نأخذ بظاهر الدين و لا نلتفت لجوهره و لا أخص المسلمين فى مصر فقط و لكن فى العالم الإسلامى كله
للاسف لو نظرنا للمشاركة دى بعقلانية هنلاقي نصها الأول سليم ما عدا آخر سطرين غير متفق معهم
وده لان اللى قالك قال هطبق الشريعة مش فكره او برنامجه لتطبيق الشريعة، وبالتالى لو واحد غير مسلم نظر للامر هيقولك الدول اللى قالتلك هنطبق الشريعة وصلت لفين والدول الغربية وصلت لفين ..
يعنى انت عاوز توصل للحكم تقول هتطبق الشريعة وتفشل تكون الشريعة فشلت.. لكن في حقيقة الامر فكرك وتطبيقك هو اللى فشل
يا ريت اللى يطرح هذا الأمر يطرح تصور للتطبيق وقابل للحكم عليه مش يقول دى الشريعة ولا تعقب عليا واذا خالفتنى فانت كاره للاسلام..
ويكون هو في حقيقة الامر بيطرح مجرد شعار وما خفي كان اعظم
أعتقد ان الشريعه الاسلاميه في مصر مطبقه بالفعل ما عدا الحدود
لا و ألف لا