السلام عليكم ورحمة الله وبركاته
فيه حد من الاعضاء هنا يا جماعة ساكن او فى التجمع دلوقتى ناحية اكاديمية مبارك او مدارس مصر 2000 يقولى هو فيه ايه هناك؟
السلام عليكم ورحمة الله وبركاته
فيه حد من الاعضاء هنا يا جماعة ساكن او فى التجمع دلوقتى ناحية اكاديمية مبارك او مدارس مصر 2000 يقولى هو فيه ايه هناك؟
هو فية اخبار عن حاجة؟؟؟؟
انا مش عاوز اقول عن حاجة قبل ما اتاكد.فياريت لو فيه حد هناك يقولنا الاخبار
في ايه انا ساكن جنب جامعه المستقبل
بس ما اعرفش في ايه عند الاكاديميه لانها مش قريبه قوي مني
في ايه انا ساكن في الشويفات وقلقتني
انا مراتى شغالة فى مدرسة هناك وبتقولى فيه حالة قلق او خناقة كبيرة اودام المدرسة والجيش وصل والموضوع اللى اتقالهم جوا المدرسة ان فى محصل كهربا على كوتسيكل كان بيجرى من عربية واتحامى فى السواقين اللى هناك وبعدين اتخانقوا مع اللى فى العربية وفى ناس اتعورت.مش عارف انا بقى مراتى بتهدينى ولا ايه اللى بيحصل.وارجو من حد يعرف حاجة يقولى انا هتوجه من الهرم دلوقتى ليهم وربنا يستر.
بص
هو يوميا في 6 عربيات جيش مليانة بعساكر بتقف قدام اتصالات فلو في قلق هيتحركو في ثواني ماتقلقش
الجيش فعلا حاوط المدرسة كلها وقالولهم ان فى شرطة من الاكاديمية اتحركت ليهم وهى دقيقتين بعيدة عنهم.ربنا يستر.واتصالات بعيدة عن الاكاديمية ولا قريبة انا معرفش هناك غير المدرسة.واللى هيجننى وربنا يستر على الطريق ان ابنى معاها وعمره 6 شهور.
معلش الكلام ده قدام انهي مدرسة بالظبط
مصر 2000 الحديثة
ولا مصر 2000 بتاعت نيرمين ؟
وعلى العموم ما تخفش الجيش هناك موجود على طوول
وربنا يستر
الحديثة ويلا يا جماعة بامر الله هطمنكوا اول ما اطمن
اقتباس:
12:46:00 PM
كتب يوسف جمال
قتل شخص وأصيب اربعة اخرون في معركة بين الاهالي والشرطة والشرطة العسكرية من جانب ومجموعة من البلطجية من جانب اخر بالتجمع الخامس بالقاهرة..
بدأت الواقعة حينما اعترض 3 بلطجية يستقلون سيارة كيا سيراتو طريق محصل تابع لشركة الكهرباء يستقل دراجة نارية واوهموه انهم ضباط شرطة وسرقوا مبلغ 6500 جنيه كان بحوزته.
وعندما اكتشف المحصل حقيقة البلطجية فر بالدراجة النارية واستغاث بحراس وسائقي حافلات مدرسة مصر 2000 المتواجدين امامها.
وبالفعل قام السائقون والحراس بمطاردة البلطجية الذي اطلقوا عليهم النار فقتلوا سائقا يدعي ابراهيم مناع وأصابوا اثنين اخرين احدهم في حالة خطيرة.
وأثناء المطاردة سمع ضباط من اكاديمية الشرطة وقوات الشرطة العسكرية صوت تبادل اطلاق النار فتعاملوا مع البلطجية واطلقوا عليهم النار وألقلوا القبض على الثلاثة بعد اصابة 2 منهم.
وتسبب الحادث في اثارة حالة من الذعر بين سكان المنطقة وأهالي تلاميذ المدرسة الذي اعتقدوا ان ما حدث هو هجوم على المدرسة وتوجه عدد كبير منهم للاطمئنان على ابنائهم.
تم تحرير محضر بالواقعة وأحيل البلطجية الثلاثة للنيابة العسكرية.
يا سلام لو يتم اعدامهم في مكان عام...عشان الظروف اللي احنا فيها ديه
في السعودية كانوا بيقطعوا رقبة و يعلقوهم كام يوم
نجرب مرة
الصح بقى ان دول يضربوا بالنار وش كدة...
طبعا اكيد السيراتو دى مسروقة و السلاح كمان... و فى عز النهار يثبتوا المحصل و يسرقوة و يضربوا نار على الناس و يموتوا سواق و يعوروا التانى... دا الكفرة نفسهم مكانوش بالسواد دة
MMamdouh
انا لسه راجع من المدرسة هي قريبة جدا من اتصالات كنا بنجيب ابن زميلنا ...... الدنيا ظبطت خلاص و المكان كان مرشق جيش و الناس كانت بتروح عيالها خلاص و الجيش ماشي
المفروض ان قانون البلطجة بعد تشديد العقوبة فيه الشهر الماضي بيحكم بالاعدام في حالة التسبب بوفيات
المفروض يتحاكمو عسكريا ويعدمو في خلال اسبوع او اتنين
ولو رجالة .... يتم اعدامهم علنا ....او يتصور ع الهوا ..... زي ما روعو الناس علنا في عز الظهر .... علشان يبقو عبرة لغيرهم
...
من أمن العقوبة أساء الأدب
الله يلعنهم فى كل مكان مخلينا فى رعب على العيال اللى فى المدارس
فين اوم المحاكمات العسكرية والاحكام الرادعة
لو ناس زى دى قدام مدرسة مبخدوش اقل من اعدام
مرتين تلاتة حتلاقى الكلاب دول يتظبطوا
لكن مؤبد ولا 10 سنين والكلام الخايب ده مبياثرش مع النوعيات دى
عيب التجمع ان الطرق مفتوحة ممكن تعمل مصيبة وتجري
انا ايام القلق كان اخري شارع التسعين لكن تفكر تخش عند الجامعة الامريكية او عند كليوباترا انسي خالص
لا حول ولا قوة الا بالله
ربنا يستر على اولادنا
الحمد لله زى ما الخبر قال انهم بعربية كيا سيراتو سودا.والعربية واقفة عند الاكاديمية على الونش مدشملة.
اللى حصل بقى من كلام ظباط الجيش والسواقين اللى هناك:
كانوا 3 راكبين سيراتو بيجروا ورا الموتسيكل وراح المحصل جارى على مكان تجمع الباصات و السواقين كانوا قاعدين فى باص.الحقونى هيموتونى.مين دول يا جدع انت.3 فى عربية عاوزين يسرقوا الايراد.السواقين نزلوا والعربية طبعا اتضطرت تهدى على المطب.ايه فى ايه يا رجالة .عاوزين حد من هنا.انتوا مالكوا .جايين هنا لمين يعنى وانزلوا من العربية نجيب البوليس نشوف حكايتكوا ايه وطلع واحد فيهم طبنجة ودور الضرب عشوائى واصاب 3 سواقين.الله يرحم واحد فيهم والاتنين التانين فى حالة خطرة.بعد ضرب النار واحد من السواقين لما لقى زمايله بيموتوا كان معاه مسدس صوت.ضرب طلقتين فى الهوا جريوا .والحمد لله كان فى اللحظة ديه ظابط جيش موجود بالصدفة هناك واعتقد انه ساكن قريب من المدرسة لان معظم السواقين عارفينه.جرى وراهم وضرب نار لحد ما وصلوا عند الاكاديمية واتعاملت معاهم العساكر اللى عند الاكاديمية وموتوا واحد فيهم والاتنين التانين اتمسكوا.
مش فاهم بقى ايه كلام مصراوى ده فى اول الخبر : قتل شخص وأصيب اربعة اخرون في معركة بين الاهالي والشرطة والشرطة العسكرية من جانب ومجموعة من البلطجية من جانب اخر بالتجمع الخامس بالقاهرة..
اهالى مين اللى ضربت فى مين؟اخخخخ يا دماغى. :untitled 1:
والخلاصة بقى لما اتكلمت مع امناء شرطة هناك بالاتارى بتاعتهم ان الشرطة = 0 . الشرطة نفسيتها تعبانة ومش قادرين يتعاملوا بقسوة يا جماعة عشان خايفين الناس تبهدلهم زى ما حصل فى ظابط المعادى. واهم حاجة ان اول تعليق للامين.شفتوا بقى مش كانت الشرطة الاول احسن لما بتضرب بايد من حديد..طبعا اضطريت ارد عليه رد مش ولابد من 3 حروف.يعنى هو لا كدة لا كدة ولا ايه؟
لنا الله من قبل و من بعد وربنا يسترها علينا جميعا وعلى ما وهبنا اياه الله.
من اساسيات العمل الصحفي ( الأصفر )
ان لازم العنوان يشد عدد كبير من القراء
مش مهم بقى انهم اكتشفو ان الكاتب بيهول ويبالغ .... المهم انهم دخلوا وقرءوا واتحسبو من ضمن اعداد القراء او اعداد مشترين الجريدة
تلاقي خبر ..... مصرع واصابة 85 في حادث مروع بمكش عارف فين
وتدخل تلاقي مصرع واحد واصابة 84 .... ولما تكمل .... ال84.... 4 منهم مازالو في المستشفى وال80 اصابتهم طفيفة وروحوا علطول .... ومنهم 70 كانو مخضوضين بس يعني
اما ال 4 اللي في المستشفى فهما منتظرين بس ياخدو وجبة الغدا ويروحو في ساعتها
وممكن تلاقي اللي مات اتزحلق في قشرة موز أساسا
صحافة بقى :Oc_sun1[1]:
المفروض ياخدو اعدام زي زمان
علي خوازيق
---
انا بتكلم جد مش بهزر
اعدام علي خوازيق في ميدان عام
يتخزوقوا-يتقطعوا-يتنسلوا نسايل.بس هما والله لو كانوا سابوهم للسواقين ااو الاهالى اللى كانوا جايين مفزوعين كانوا اخدوا احسن ترويقة والله.
الراجل الجدع الشهم اللي مفيش كلمه تقدر توصفه اللي مات ده ياريت نقدمله ولو حاجه صغيره لان ده انسان شهم ضحي بحياته علشان خاطر غيره علشان جالهم المحصل بيستنجد بيهم هوا ده فعلا المصري اللي احنا عايزينه وياريت الاشكال القذرة دي تتعدم عايزين ننضف البلد مش عايزين دول يعيشوا مابينا كفايه بقي انحطاط لحد كده
كان المفرض ان البلطجية دول يتم تصفيتهم فى الحال... وكل مكان يتم الإمساك فيه ببلطجى يتم تشكيل فرقم إعدام ويتصفى وقتى... بجد ساعتها الكل هيفتكر مليون مرة قبل ماحتى الشيطان ييهوب من ودانه
انا بقترح لو يتعمل حفل تكريم للرجاله و لروح الشهيد في المدرسة و يحضرها اولياء الامور و الطلبة الكبار نسبيا, تقديرا و اعتزازا بموقفهم النبيل.