الموضوع: متابعة مرور القاهرة على التويتر

سلام عليكم
للي ما يعرفش

مقدمة بخصوص تويتر
موقع تويتر , هو موقع اجتماعي شبه الفيس بوك بس ابسط بمراحل , الموقع بيتلخص في ان الواحد بيكتب جملة , الجملة دي بتتشاف عند كل الناس المتصلة بيه , او ممكن نقول انه بيتلخص في ال Status اللي في الفيس بوك للناس اللي عارفينها, في التويتر بيبقى اسمها Tweet

ده ايه علاقته بالمرور ؟
نيجي للخاصية التانية في التويتر , ان فيه حاجة اسمها Hash Tag , بتبقى شبه اللينك , لما حد بيدوس عليها , بيطلع له كل الTweets اللي فيها الكلمة دي

و الهاش تاج اللي تخص مرور القاهرة اسمها #CairoTraffic

و دي عينة من التويتس اللي طالعة قدامي دلوقت على التويتر كنتيجة الضغط على لينك كايرو ترافيك انا هانقلها من غير اسماء اصحابها لأنها طبعا ما تهمناش

• it's cairo's traffic torture #CairoTraffic
• RT http://yfrog.com/gyhw6mrj ring road accident #CairoTraffic
• إلى كل بني أدم عمّال يزَمّر: مش واخد بالك إن الشارع واقف يعني؟ همشي إزاي ؟ أطير مثلاً؟ و لا إنت بتزمر تسلية ؟! #cairotraffic #Egypt
• TO EVERYONE coming from or going to KATAMEYA, STAY AWAY FROM RING ROAD. Trust me you don't want to take your chances. #cairotraffic
• Ring Road from Tagamo3 heading to 6th of October is moving very slowly. Other direction is absolutely fine #cairotraffic
• Roxy to suez road awesome #cairotraffic #bey2ollak
• Suez Rd. To Heliopolis is crowded due 2 accident in front of English School.other accident over brg. #cairotraffic #cairo #egypt
• Ring road;infront of shooting club,from tagamo3,oil truck &another,oil spil, other side blocked too (matafy), road de toured #cairotraffic
• #CairoTraffic is nightmare you never wake up from. Downtown = Zeft right now

طبعا اللي طالع بيبقى ناتج عن مشاركة كل واحد كاتب , اللي بيحذر الناس من حادثة دلوقت على الدائري (ده بجد) , و اللي كاتب انه مش طايق نفسه و اللي كاتب ان طريق السويس زحمة بسبب حادثة تانية

المهم يعني , انا شايف ان حاجة زي دي مفيدة جدا بالنسبة للي عايز يتحرك و أشبه بخدمة مجانية بتقدمها الناس لبعضها , و يا ريت لو نقدر نشارك فيها كلنا

ده لينك الموقع Twitter

المشاركة الأصلية كتبت بواسطة eagle2009

هل الهنتات دى بتطلع اتوماتيك على الموبيل
ولا على الكمبيوتر
وهل لازم ادخل على النت واطلبها ام بتطلع رسائل تلقائية على الموبايل

وكيفية الاشتراك فى الخدمة والتسجيل بها لو سمحت

وشكرا جزيلا

بخصوص الاشتراك هو بيبقى عن طريق الدخول على موقع تويتر و التسجيل بإيميلك و باسورد , كده بقيت مشترك على تويتر
عشان تشوف ما يخص مرور القاهرة بتدوس على اللينك اللي اسمها كايرو ترافيك
الكلام ده على الكمبيوتر على الانترنت

بخصوص الموبايل انا عارف ان فيه ناس بتبعت لتويتر من موبايلاتها , انما مش عارف امكانية الاستقبال بصراحة