لانسر يابانى ولا كورولا جنوب افريقى

**limo** · 18-04-2008 10:29 AM

المشاركة الأصلية كتبت بواسطة ramylancer

عاوز اعرف ليه توكيل تويوتا اختار انه يجيب لنا كورولا من جنوب افريقيا بالذات مع ان فيه مصانع كتير بتصنع كورولا زى استراليا ودة اكبر من مصنع جنوب افريقيا وكذلك مصنع الصين والولايات المتحددة وكان نفسى اعرف رأيكم جدا فى حكايه هل شركه تويوتا فى اليابان اللى قالتله متخدش كورولا يابانى ولا التوكيل اللى حب يغير من العربيه وقال ان الجنوب افريقى كمالياتها اعلى من اليابانى وكمان ليه فى السعودية والامارات وقطر عندهم اليابانى هل لانهم مش مقتنعين باى تويوتا مش يابانى

-علشان طائفه الناس الى بتشرى فوق 140 الف يتدور على كماليات فلما تبيع عربيه ب145 الف يابانى وفيها الكماليات اساسيه بس اكيد مش هتبيع خاصه ان فيه عربيات منافسه ونفس الجوده فيها كماليات كتير مثل السيفك والانسر
-التوكيل منزل الكورولا اليابانى عنده ب165 الف جنيه تقريبا منغير فتحه سقف بس فيها جنوط سبور وفرامل abs وسبويلر ومفيهاش rbm
فلما اوصل 165 قى كورولا وبرضو فيها الكماليات الاساسيه اكيد حتى لو ايه مش هجيبها لانى ممكن اجيب اوكتافيا a5
-الكورولا االيابانى متاح منها 1600 فقط والجنوب افريقى متاح منها 1400 الى جانب 1600
كل ده اسباب دعت التوكيل انه ينزل الجنوب افريقى

**som3aa** · 18-04-2008 05:15 PM

المشاركة الأصلية كتبت بواسطة tutankhamoun

مشكلة مستفحلة و خطيرة في عقول الشعب المصري

و هي بلد المنشأ
...............................
اليابان دولة متقدمة جدا ........... نعم
و لكن هل اليابان وحدها التي تصنع أفضل المنتجات ......... لا
يوجد منتجين كثيرين ممتازين مثل اليابان و إن كانوا أقل تقدما من اليابان
----------------
في أوروبا مثلا مفيش حاجة أسمها بلد المنشأ و مفيش حاجة أسمها ياباني و عفريت تيلندي و بقرة هندي

الناس تيجي تشتري منتج ........ تنزل تشتريه مادام ذو سمعة جيدة فقط لا غير و لا أحد ينظر إلى بلد المنشأ مثلما نفعل في مصر
-----------------
يا راجل ده أنت لو سألت حد و تقولوه أيه رأيك في المُنتج الفُلاني ؟؟

سيكون الرد التلقائي و بدون خبرة
ده ياباني ........... أشتري و أنت مغمض ......... ( مع إن اليابان بتعمل حاجات وحشة )

و لو كان حاجة ميعرفهاش و سألته نفس السؤال
يقولك
ده معفن ........... ده وحش
طيب يا عم جربته
الناس كلها جربته
لأءة .... أنت .... أنت جربته ....... لاءه
طيب ليه بتفتي ؟؟؟

-----------------------------------
مفيش حد يقول معرفش على حاجة فعلا ميعرفش عنها حاجة ؟؟
-----------------------------------
و بصراحة الكلمة دي بتغظني قوي
دي ياباني ........ دي ايطالي ............ دي الماني ........... دي مش عارف أيه
---------------------------------
و نتيجة لذلك
انتشار سيارات ذات جودة معقولة في السوق المصري و بسعر مُبالغ فيه جدا ( ممكن تشتري بيه عربيتين ) لمجرد وجود اسم اليابان عليه
و طبعا هناك سيارات أفضل و لكن شهرتها أقل ....... فلا تجد من يشتريها مع أنها أفضل من سيارات أخرى منتشرة
----------------------------------
يا جدعان الناس دي لما بدأت برضه بدأت بجودة على أدها و كل مُنتج يتم اكتشاف أخطاؤه و تصحيحها
--------------------------------

و تحيا جمهورية المهلبية .......... و طبق البالوظة ببلاش عند سلومة الأقرع و الكل معزوم يا رجاله :D :D :D

يا سلام عليك
بجد الراجل دا بيفهم!!!!!

**Ramy.Gamal** · 19-04-2008 10:36 AM

سمعتوا عن النتشه اللى فى فتيس الكورولا الجنوب افريقى بالذات واضحة جدا والناس بتشتكى منها والتوكيل بيقول هى العربيه كدة واللى هى مش موجودة خالص فى اللانسر الشكل الجديد وكمان لو فى التسارع مفروض ان الكورولا 1600 واللانسر 1500 و الكورولا 142 و اللانسر 109 يعنى نظريا فهد بيسابق سحلفاة بس على ارض الواقع هتلاقوا العكس اللانسر رياضيه اكتر

**tutankhamoun** · 19-04-2008 10:45 AM

المشاركة الأصلية كتبت بواسطة ramylancer

سمعتوا عن النتشه اللى فى فتيس الكورولا الجنوب افريقى بالذات واضحة جدا والناس بتشتكى منها والتوكيل بيقول هى العربيه كدة واللى هى مش موجودة خالص فى اللانسر الشكل الجديد وكمان لو فى التسارع مفروض ان الكورولا 1600 واللانسر 1500 و الكورولا 142 و اللانسر 109 يعنى نظريا فهد بيسابق سحلفاة بس على ارض الواقع هتلاقوا العكس اللانسر رياضيه اكتر

النتشة دي مش عيب صناعة
النتشة موجودة في الأسترا ........... و معظم العربيات اللي فيها نوعية الفتيس اللي راكب في التويوتا كورولا
الفتيس أسمه تيب ترونيك
و راكب في الموديلات التالية
تويوتا كورولا ( جنوب أفريقيا )
أوبل أسترا ( ألمانيا )
سكودا أوكتافيا ( التشيك )
رينو ميجان ( فرنسا )
------------------------------------------------------
و تظهر هذه النتشة بقوة في الأوبل أسترا
و هذا كان للتوضيح

**tutankhamoun** · 19-04-2008 11:01 AM

المشاركة الأصلية كتبت بواسطة som3aa

يا سلام عليك
بجد الراجل دا بيفهم!!!!!

شكرا يا عسل
ده من بعض ما عندكم

**rafeee2** · 19-04-2008 11:24 AM

المشاركة الأصلية كتبت بواسطة ramylancer

وكمان لو فى التسارع مفروض ان الكورولا 1600 واللانسر 1500 و الكورولا 142 و اللانسر 109 يعنى نظريا فهد بيسابق سحلفاة بس على ارض الواقع هتلاقوا العكس اللانسر رياضيه اكتر

على فكرة موضوع 140 حصان ده مش داخل دماغى لسببين:
1) مافيش موتور 1600 بيطلع 140 حصان من نفسو كده، لأ و كمان عند 6000 لفة بس!! ال BMW MINI 1600 فيها سوبر شارجر و مطلعة تقريبا 167 حصان، و مثلا السيفيك 125 حصان عند 6200 لفة.
2) موقع تويوتا جنوب أفريقيا كاتب انها 91KW، يعنى 122 حصان بس :D

http://www.toyota.co.za/models/features.aspx?id=1

**tutankhamoun** · 19-04-2008 12:06 PM

المشاركة الأصلية كتبت بواسطة rafeee2

على فكرة موضوع 140 حصان ده مش داخل دماغى لسببين:
1) مافيش موتور 1600 بيطلع 140 حصان من نفسو كده، لأ و كمان عند 6000 لفة بس!! ال BMW MINI 1600 فيها سوبر شارجر و مطلعة تقريبا 167 حصان، و مثلا السيفيك 125 حصان عند 6200 لفة.
2) موقع تويوتا جنوب أفريقيا كاتب انها 91KW، يعنى 122 حصان بس :D

http://www.toyota.co.za/models/features.aspx?id=1

مفيش عربية 1600 أو 1500 تعطيك كمية الأحصنة دي من غير توربو
و ده طبعا
مسلسل ........... كدب X كدب من التوكيلات المصرية للسيارات و خصوصا اليابانية ........... و مش عارف هما ليه بيكدبوا ؟؟؟؟
بجد مش عارف ؟؟؟؟ أيه الفايدة من كدا ؟
و على فكرة الشركات اليابانية ......... بريئة تماما من هذا الموضوع

**hesham2004** · 19-04-2008 12:30 PM

على فكرة ال 140 حصان بتوع موتور السيفيك او الكورولا بدون اية احمال على الأطلاق ، يعنى موتور بيدور حر حتى من غير جيربوكس او اية تجهيزات ملحقى به .
و لما يركب فى العربية و تتحرك ( برده بدون احمال او ركاب ) بتكون قدرته تقريبا 126 حصان كحد اقصى

**qwertyqwerty** · 20-04-2008 01:30 AM

نريد من احد ملاك تويوتا ان يشرح لنا موضوع النتش ده لانه مقلق جدا.
هل موجود فى الاوتوماتيك العادى ايضا.
ولماذا اللانسر مش منتشره ذى الكورولا.
هل فكرتم فى الهوندا.