اقتباس المشاركة الأصلية كتبت بواسطة mido_soliman مشاهدة المشاركة
ازيكوا يا اسود اتمنى تكونوا بخير
عندى صوت طقة بيظهر من العجلة الخلفية (اللى ناحية السواق) بتحصل مع كبس فرامل بس ساعات ساعات مش دايما يعنى لازم عند دوسة فرامل تكون قوية شوية
المهم الصوت دة مكنش بيظهر معايا الا من يومين تقريبا فانا عندى توقعين
1-الصوت دة من التيل التيت اللى راكب فى التوكيل وتقريبا كان فى شكوى قبل كدة من حاجة كدة ان التيل بيلق فى المكان او ان مقاسة مش مظبوط
2-الاحتمال التانى ضعيف جدا وان يكون المساعد وانا استبعد حاجة كدة لانى بحسس على العربية فى النقر والمطبات(ببقى هاين عليان انزل اشيلها اعديها المطب واكمل مشى )
عايز اقتراحات وتصورات ودردشة فى نفس الوقت
يعنى مش الاقى 5000 مشاهدة وردين :) كلة يدخل يشارك لان المنتدى بعافية بقالة فترة
تحياتى
شوف يا برنس يؤسفني اقولك اني كان عندي نفس الصوت بعد ما غيرت التيل في الوكيل و كمان يؤسفني اقولك انه كان تيل خلفي بس وكمان كان التيل المصري بس الاختلاف ان العجلة اللى بتطرقع يمين مش شمال زي عندك

وعلى فكرة رحت التوكيل و اشتكيت للمهندس محمد عبد الهادي و لعبوا في العربية شوية -اه و الله لا اسميه الا لعب و يضحك عليك ويقولك جرب- و بعد ما مشيت من عندهم بحوالي 10 او 15 كيلو سمعت صوت الطرقعة تاني و مسكتش لفيت و رجعتلهم و اتكلمت مع المهندس محمد عبدالهادي وبعد كلام كتير ونقاش طويل فهمت منه ان التيل المصري به عيب صناعي ان حجم الباده بتاعته اصغر من التيل الاصلي وده بيعمل مشكلة في السوسته بتاعته عشان كده بيطرقع.... مع العلم ان لو انت لسه مدور العربية ماشي بيها وهي لسه بارده مش حتسمع اي اصوات قبل حوالى 10 كيلو على ما يكون التيل سخن !!

اي ان كان هو برضه قالى ان ده مش بيأثر في اداء الفرامل ...

انت عاييز رأي منظومة الفرامل كلها في بروتون عايزة تتراجع كويس...
لما يبقى ضمان الطنابير لحد 20 الف كيلو ... ده يبقى ضمان ده !!!

ده ضمان توك توك ده يا مان


تحياتي وربنا يعينك