سؤال .. ايه علاقة فلتر الهوا بالسحب

**ABO_MAREM** · 07-04-2011 05:25 PM

ايه علاقة فلتر الهوا بسحب العربية فى الزيادة

سمعت ان لما اركب فلتر اسبور بيعمل سحب اعلى للعربية .

ولو كده هل بيأثر على الماتور ولا عادى وايه احسن نوع فلتر اسبور وعندى مين وبكام

مع العلم انى معايا فليشيا 96

ياريت حد يفدنى

**SAMEH_FOUAD** · 07-04-2011 08:43 PM

فلتر الهواء دة المنفذ اللى العربية بتتنفس منة عشان يدخل الهواء لكى تتم عملية الاحتراق فلازم طبعا يكون نسبة الهواء كافية جدا لاتمام عملية الاحتراق بصورة سليمة ودة بيبان اكثر فى وقت الصباح لان الماتور بيبق محتاج نسبة هواء وبنزين عالية عشان تسخن الماتور , واللى بيقوم بالدور دة المانيفولد بتاع العربية بس لازم يكون الهواء اللى داخلة نقى عشان مايسدش البيجات فى الكربراتير او الرشاشات فى الانجيكشن , ففلتر الهواء بيقوم بالوظيفة دية وطبعا بينقى التراب فاكيد لية عمر افتراضى فكل ماكان فتحاتة سليمة ونظيفة هيقوم بوظيفتة بصورة كويسة

بالنسبة لفلتر الهواء الاسبور فهو كويس بالنسبة للسيارات الانجيكشن وذات الاداء العالى عشان يديها نسبة هواء اعلى من النسبة بتاعة الفلتر العادى بس دة مش هيبان غير بعد 3000 لفة

ومن عيوبة بيعلى صوت العربية شوية

من احلى مميزاتة بيتغير كل 100 الف كيلو شرط تنظيفة كل شهر بالبلاور فقط

**beshomilan** · 08-04-2011 05:35 PM

هو ده فلتر الهوا اللى بيبقى تحت العمة؟؟؟ولا فيه فلتر تانى؟؟

**dr_radioooooo** · 08-04-2011 06:34 PM

المشاركة الأصلية كتبت بواسطة beshomilan

هو ده فلتر الهوا اللى بيبقى تحت العمة؟؟؟ولا فيه فلتر تانى؟؟

ايون

**ABO_MAREM** · 08-04-2011 07:22 PM

جزاك الله خيرا على المعلومات الوافيه . بس انا عندى كربيرتير مش انجكشن فهل كده يبقى ملوش لازمه

**beshomilan** · 09-04-2011 12:03 AM

شكر للرد استاذ dr_radioooooo
بس ليا استفسار مهم
هو بياخد الهوا منين لانى العمة طالع منها خرطوم تخين واصل لفتحة فى جنب العربية (وليس المقدمة) ومنفده لجسم العربية الداخلى فأزاى الهوا هيدخل للفلتر وهو مغلق كده ومفتوح من الجانب كده بس والجانب الداخلى اصلا معزول بنسبة كبيرة جدا عن الجو الخارجى
ودى صورة توضح سؤالى

**ABO_MAREM** · 09-04-2011 03:05 PM

ما زلت منتظر

**SAMEH_FOUAD** · 10-04-2011 02:28 AM

المشاركة الأصلية كتبت بواسطة beshomilan

شكر للرد استاذ dr_radioooooo
بس ليا استفسار مهم
هو بياخد الهوا منين لانى العمة طالع منها خرطوم تخين واصل لفتحة فى جنب العربية (وليس المقدمة) ومنفده لجسم العربية الداخلى فأزاى الهوا هيدخل للفلتر وهو مغلق كده ومفتوح من الجانب كده بس والجانب الداخلى اصلا معزول بنسبة كبيرة جدا عن الجو الخارجى
ودى صورة توضح سؤالى

شوف ياباشا دلوقتى حضرتك بتقول ان عندك الماسورة واصلة بالرفرف فكدة تبقى معزولة عن الهواء

لأ دلوقتى عشان تحصل على افضل حرق للمكنة لازم يكون الهواء اللى داخل للماتور هواء بارد ليس ساخن ودة مش هيتحقق لو الماسورة بقت جنب المحرك مع حرارة الماتور هتلاقى الماسورة بتسحب هواء ساخن مش بارد فمش هيدى اداء للمكنة الا ضعيف , عشان كدة فكروا بوضع ماسورة سحب الهواء بعيدا عن المحرك , وماتقلقش بتسحب الهواء بحرية كاملة وبدون عوائق