تصليح علبة دركسيون (خالد رباب)

**semam** · 07-04-2011 05:41 PM

السلام عليكم ورحمة الله وبركاتة

من حوالى اسبوع روحت لمركز ظبط زوايا واتزان علشان العربية فيها حدفة ناحية الشمال والكاوتش بيعمل صوت سحفة

كدة مع الفرامل لما بكون بجرى

بس بتاع ظبط الزوايا قالى ان عندى مشاكل فى العفشة ومنها البارات وعلبة الدركسيون والمساعدين

فتوكلت على الله ورحت للاسطى خالد رباب وبص على العربية وقالى ان كل المشاكل دى من علبة الدركسيون

وسألتة اذا كانت المساعدين سليمة ولا لا قالى انها سليمة ورحتلة امبارح علشان اعمل العفشة وبالفعل شاف

البارات وقالى انها سليمة وشاف البيض لاقاة كويس ماعدا البيضة بتاعة الجنب الشمال ( بيضة مثلث) فغيرلهالى وصلح علبة

الدركسيون وقفل العربية وخرجنا جربنها فى شارع كلة مطبات قالى انا عايزك تجرى فى الشارع دة طبعا انا شفت

منظر الشارع قولتلة طيب يا عم خالد ما نرجع الورشة نجيب عدة بدل ما نلاقى نفسنا على الارض والعربية مكملة

لوحدها قالى اجرى ومكلش دعوة انا عايز اتأكد من شغلى وفعلا اخدت الشارع برطعة وبسم الله ماشاء الله العربية

ادائها بقة زى الفل بس الدركسيون اصبحت حركتة تقيلة وهو قالى انها هتخف مع الوقت وهروحلة كمان 20 يوم

علشان نربط العفشة ( استشارة يعنى ) واخد مصنعية 350 جنية

**smsmxxxxxx** · 07-04-2011 05:55 PM

الف مبروك يا باشا على تظبيط العربية

كويس انه بيصلح علبة الدريكسيون الراجل دا فعلا استاذ كبير

انا بفكر اروحله يصلح لي علبة الدريكسيون بتعتى لان فيها بوش

---------------
محمد سالم

**dr_radioooooo** · 07-04-2011 07:38 PM

بس 350 مصنعية على الكلام ده كتير

**smsmxxxxxx** · 08-04-2011 05:29 AM

علبة الدريكسيون المستعملة للموديلات 1302 و 1303 ثمنها استيراد بيوصل 1000 جنيه ومتلقيش حاجة كويسة بسهولة

هو خالد رباب كان بيلم من بتوع قطع الغيار الاستيراد فى الفترة الاخيرة العلب دى

فهو لو غير الجزء البايظ فيها ب 350 يبقي كدة وفر ثمن علبة ثانية

**abowaleed** · 08-04-2011 09:26 PM

يت جماعة حد يدلني علي صانيعي عافشه كويس بمعني كويس
عاوز أصلح عافشة عربيتي بيتلز 1302

**semam** · 10-04-2011 11:50 AM

عموما يا محمد لو عايز تروحلة ابقة قولى وهروح معاك

**mmoneim** · 10-04-2011 12:26 PM

صباح شريف على الاخوه الافاضل
طبعا انا من اصحاب العلبه اللى بتوصل لالف جنيه استيراد وطبعا لازم تكون حله ممتازه وده للاسف مش موجود علشان الناس اللى بتلم العلب من السوق وطبعا ابقى انا وغير مضطريين نروح عندهم وطبعا انتوا فاهمين الحجز بقى والمصنعيه ومعليش اصلى مش فاضى واقعد طول النهار وممكن اروح تانى علشان العلبع بوشت بادرى ...... الخ
ولانى دماغى طأه .... زاى منتو عارفين فأنا اخترت التعديل الجديد على العربيه وهو علبه دركسيون اسكاتره
طبعا الكل بيقول عادى ماهى موجوده فى موديلات 75 ان شاء الله انا ناوى على تعديل علبه اسكاتره باور كهربا زاى العربيات الحديثه
يعنى مش محتاج طلمبه زيت ولا خراطيم ولا علبه معقده
كلى مافى الامر علبه دريكسيون اسكاتره باور كهربا وعمود تاره سيتى باور والتكلفه ممكن تكون برضه فى حدود الالف جنيه
بس

**mmoneim** · 10-04-2011 12:27 PM

والصيانه بتكون فى البارات والبيض بعد كده
جارى التنفيذ ان شاء الله

**ahmed2y** · 10-04-2011 12:35 PM

المشاركة الأصلية كتبت بواسطة mmoneim

صباح شريف على الاخوه الافاضل
طبعا انا من اصحاب العلبه اللى بتوصل لالف جنيه استيراد وطبعا لازم تكون حله ممتازه وده للاسف مش موجود علشان الناس اللى بتلم العلب من السوق وطبعا ابقى انا وغير مضطريين نروح عندهم وطبعا انتوا فاهمين الحجز بقى والمصنعيه ومعليش اصلى مش فاضى واقعد طول النهار وممكن اروح تانى علشان العلبع بوشت بادرى ...... الخ
ولانى دماغى طأه .... زاى منتو عارفين فأنا اخترت التعديل الجديد على العربيه وهو علبه دركسيون اسكاتره
طبعا الكل بيقول عادى ماهى موجوده فى موديلات 75 ان شاء الله انا ناوى على تعديل علبه اسكاتره باور كهربا زاى العربيات الحديثه
يعنى مش محتاج طلمبه زيت ولا خراطيم ولا علبه معقده
كلى مافى الامر علبه دريكسيون اسكاتره باور كهربا وعمود تاره سيتى باور والتكلفه ممكن تكون برضه فى حدود الالف جنيه
بس

عاليا النعمة انت راجل كويس وافكارك تمام وحل التعديل دة باستبدال العلبة بقطع تانية ولا فى تعيدل جامد وخراطة وقص ولصق وكدة

وعلى فكرة بقى انا لو شوفتك الصبح تانى عند الزهراء مش هسيبك

تحياتى يا باشا

**mmoneim** · 10-04-2011 02:17 PM

المشاركة الأصلية كتبت بواسطة ahmed2y

عاليا النعمة انت راجل كويس وافكارك تمام وحل التعديل دة باستبدال العلبة بقطع تانية ولا فى تعيدل جامد وخراطة وقص ولصق وكدة

وعلى فكرة بقى انا لو شوفتك الصبح تانى عند الزهراء مش هسيبك

تحياتى يا باشا

الله يخليك يا باشا
انت بس زمر وانا اركن وطلما احنا جيران فى الزهراء انا كل يوم من الساعه 9 صباحا تلاقين على الطريق من الزهراء الى الكليه الحربيه على الدائرى
والشرف ليا بمعرفتك

الموضوع: تصليح علبة دركسيون (خالد رباب)

LinkBack

أدوات الموضوع

عرض

-

-

-

-

-

-

المواضيع المتشابهه

=== صيانة علبة دركسيون 1302 عند الدكتور خالد رباب ===

كبوت .. علبة abs .. علبة دركسيون

صوت عاااالى , علبة دركسيون

تصليح علبة الدركسيون

جنوط و علبة دركسيون

الكلمات الدلالية لهذا الموضوع

المفضلات

المفضلات

ضوابط المشاركة