الموضوع: تصليح علبة الدركسيون

المشاركة الأصلية كتبت بواسطة Aymsad

يا جماعه عايز حد يصلح علبة الدركسيون لرينو كليو 2001 لاحسن الباور فاصل والعربية خنقتني
العلبه الجديدة واحد قلي ب 5500 جنيه والاستيرا ب 1000 ومش مضمون أعمل ايه يا ريت حد يدلني
مين بيصلح علبة الدركسيون للرينو؟

السلام عليكم

اهم حاجة دلوقتى ان انت تفك سير الباور عشان الطلمبة ماتتحرقش

ايه المشكلة بظبط الى موجودة فى العلبة؟؟؟...الخراتيم بتسرب زيت ولا العلبة نفسها بتسرب؟؟

حد كشافلك عليها والك ان العلبة بايظة؟؟
دى نمرة تليفون الميكانيكى بتاعى اسمه محمد 0104667284 اسأله ممكن يفيدك
هو اصلا كان شغال فى التوكيل ودلوقتى شغال ميكانيكى فى Eurocar للسياحة الى كل عربياتهم ميجان فماتئلأش منه هو فاهم كويس جدا وممكن يفكلك العربية دى حتة حتة ويجمعهالك تانى

انا معتقدش ان المستورد هايبقى فى مشكلة وده امر واقع لان الخيارات الى قدامك صعبة ( علبة جديدة ب5500 جنيه )

السلام عليكم
عمرو عمارة

نسيت اقولك لما تكلم الميكانبكى قوله ان انت من ترف عمرو عمارة بتاع الكليو الفسدقى

عمرو عمارة

شكرا يا أستاذ عمرو اولا على الرد السريع

مافيش حاجه بتسرب ولا حاجه وزيت الباور زي الفل مبينقص
المشكله كلها ان الباور فاصل وساعات وانا بلف يجي مره واحده في ناحيه وناحيه لأ
انا غيرت طرمبه الباور من سنه كده المشكله راحت ورجعت تاني دلوقتي
رحت لبتوع رينو صقر قريش قالوا لي انها من علبة الدركسيون وعايزه تتغير من غير ما يفكوا ولا حاجه كشفوا بس وهيه دايره يمين وشمال
انا مش عارف اعمل ايه ! تعرف حد بيصلح علبة الدركسيون

المشاركة الأصلية كتبت بواسطة Aymsad

شكرا يا أستاذ عمرو اولا على الرد السريع

مافيش حاجه بتسرب ولا حاجه وزيت الباور زي الفل مبينقص
المشكله كلها ان الباور فاصل وساعات وانا بلف يجي مره واحده في ناحيه وناحيه لأ
انا غيرت طرمبه الباور من سنه كده المشكله راحت ورجعت تاني دلوقتي
رحت لبتوع رينو صقر قريش قالوا لي انها من علبة الدركسيون وعايزه تتغير من غير ما يفكوا ولا حاجه كشفوا بس وهيه دايره يمين وشمال
انا مش عارف اعمل ايه ! تعرف حد بيصلح علبة الدركسيون

السلام عليكم

بص انا بعد الى حصلى فى الميكانكيون العرب ما بثقش فى اى مركز معتمد غير الوكيل والميكانيكى بتاعى:D

كلم الميكانيكى بتاعى يا اما تروح التوكيل الى فى العبور هما ناس محترمة اوى

خد بالك ان تمن تصليح العلبة ( ان امكن ) هيكون مكلف وعلى حسب توافر قطع غيار العلبة لان المشكلة الى عندك دى ( لو مش عيب فى الطلمبة ) هيكون فى الجزء الخاص بتوزيع الزيت ( الRam ) ودى اغلى حاجة فى علبة الدركسيون ( لو لقتها بتباع لوحدها اصلا )

كان الله فى عونك

السلام عليكم
عمرو عمارة

المشاركة الأصلية كتبت بواسطة Ahmed A.Maksoud

طب مش تقولنا حصلك ايه يا باشا؟؟؟؟

السلام عليكم

ما انت عارف يا باشا...حطولى زيت فتيس غلط ومش بتعها(80W90) وكمان مش عارفين درجته كام ( ماشي فى التوكيل نفس الزيت..بس عارف الدرجة فلك الخيار...ودي من العيوب الي انا ذكرتها عن التوكيل..بس ده ما يمنعش انهم ناس محترمة جداا:D)
وسافرت بورسعيد مخصوص عشان اجيب الدرجة الصحيحة ( Total 75W80 )

السلام عليكم
عمرو عمارة