حصريا لنايل موتورز... أول تقرير مصور لبروتون بيرسونا اليجانس 2011

**BlackEagle1985** · 08-04-2011 01:29 AM

[QUOTE=Raul_7;3873408950]هو انهارده أستاذ محسن قال لي لسة منزلهاش بروشور ليه!؟

المهم حضرتك هي medium line, الفرق في ال high line بيبقى فرش جلد وعتب وكساحات. ومش عارف ليه مصرين ماينزلوهاش هنا.

آه يا فندم كل ال options ده موجودة زي البيرسونا اللي قبلها بالضبط, الفروق في ال high line زي ما وضحت فوق, بالنسبة للون الأحمر برده ده مش هينْزل في الغالب عشان تبع ال high line بس.

بالنسبة للريموت مشفتوش للأسف.

ممكن تنزل البروشور من الموضوع التالي

http://www.nilemotors.net/Nile/16544...brochures.html
بس طبعا البروشور اللي هنا اللي منزلاه بروتون ماليزيا نفسها و فيه جدول بيوضح الاوبشن و مواصفات كل موديل من التلاتة الهاي و الميديم و البيز لاين

**didos323** · 08-04-2011 01:30 AM

الله ينور يا محمود باشا ..

**elzamalek** · 08-04-2011 02:46 AM

المشاركة الأصلية كتبت بواسطة Raul_7

السلام عليكم ورحمة الله...

اعضاء المنتدى الكرام, تحية طيبة وبعد..

بما إني كنت قريت امبارح من عضو معانا في المنتدي (elzamalek) إن البروتون البيرسونا اليجانس نزلت, قلت أروح التوكيل انهارده بما إني بشتغل جمبه في القرية الذكية.

المهم رحت ابص وفعلا لقيت العربية واقفة بره, وطبعا قابلت الأستاذ محسن صالح بما إنه كان بيفرج العربية لزبون, وقال لي إن السعر 89000 للمانيوال, و 95000 للأوتو.

طبعا العربية Medium Line مش High Line كالعادة, بس بتختلف عالبيرسونا القديمة في كام حاجة هبينهالكم في الصور إن شاء الله.

نبدأ مع الصور.

أول اختلاف واضح في الشكل وهو تَغيير الفوانيس و الاكصدام و الشبكة الأمامية عشان تبقى أقرب للجين 2 في الشكل.

صورة للموتور, طبعا غني عن التعريف, كامبرو 110 حصان.

الفوانيس الخلفية الجديدة بعد مابقت ليدات.

السبويلر الخلفي الجديد, مدي شكل حلو قوي بصراحة.

مرايات الجوانب بعد مابقى فيها فوانيس إشارات.

الجنط الجديد, شكله مش عاجبني وشايف إن القديم بتاع البيرسونا أحلى.

التابلوه الجديد, مش عاجبني برده وكنت شايف إن الأول انسيابي أكتر, بس ده زودوا في الكاسيت مدخل AUX و USB. ايضا تم تَغيير لون الجزء السفلي من التابلوه لرمادي.

العدادات الجديدة, شكلها حلو قوي بصراحة ونورها أبيض في أحمر وبينور و يطفي بـ fade.

خامة الفرش بتاع الأبواب بقت أفضل وبقت شبه الشامواه شوية.

فرش الكراسي الجديد, قماش برده عشان Medium Line.

صورة لكابينة السيارة من الخلف.

وأخيرًا صورة لشنطة العربية.

أنا ناسي حاجة مش كده؟ آه مثبت السرعة معلش نسيت أصوره

بس ماتقلقوش لأني صورت فيديو للعربية من بره وجوه موضح كل الإختلافات اللي في العربية سواء من بره أو جوه.

رأيي الشخصي في التغييرات, حسيت إن اللون الرمادي الجديد اللي من جوه زاد شكل التابلوه مش مدي فخامة للعربية من جوه زي القديم.

مثبت السرعة والعدادات الجديدة وفرش الأبواب الجديد تغييرات كويسة قوي.

التغييرات الخارجية في الشكل كويسة برده وإن كنت شايف الجنط كان لازم يبقى شكله أحسن من كده.

أسيبكم مع الفيديو.

YouTube - Proton Persona Elegance 2011 -- Egypt

في النهايةاعتذر لو جودة الصور مش قد كده عشان متصورة بموبايل... وإن شاء الله كل اللي حاجز يستلم على خير.

تحياتي.

تم التثبيت بواسطتي

مشرف القسم 1ب

8-4-2011 01:02am

شكرا يا برنس يا كبييييييييييييييييييييييي ر

بس انا شايف انها Hi Line علشان فيها 2 air bags & abs & ebd & cruise control و كل دة مش موجود في Medium Line

بس غيروا الفرش و شالو navigator

**Eslam.Elrefaey** · 08-04-2011 02:55 AM

جميلة بس حاسسها ناقصة عن الهاى لاين كتير

**mido_soliman** · 08-04-2011 03:20 AM

مبرووووووووووووك التثبيت يا معلم يا معلم يا معلم :)

**ahmad alshaaer** · 08-04-2011 06:19 AM

شكرا اخي الكريم

**Osama.shihata** · 08-04-2011 07:03 AM

الف شكر تعبت نفسك
تقرير جميل

**midosalah** · 08-04-2011 12:32 PM

تسلم ايديك يا حودة مجهود رائع
انا مشفتش الموضوع على طول علشان اتثبت بسرعه عادة الواحد مش بيبص على المواضيع المثبته لانه حافظها
معلش بقى انا شيرت الفيديو فى توبك تانى لانى شوفتو على اليوتيوب الاول بالصدفه قبل ما أقرا موضوعك

**Raul_7** · 08-04-2011 08:04 PM

شكرا يا برنس يا كبييييييييييييييييييييييي ر

بس انا شايف انها Hi Line علشان فيها 2 air bags & abs & ebd & cruise control و كل دة مش موجود في Medium Line

بس غيروا الفرش و شالو navigator

العفو يا معلم, بص هو أنا مقلش عالعربية high line الا لو نازلة بالضبط زي بره من غير مايتشال منها أي حاجة, غير كده يبقى بيقلل في قيمتها.

المشاركة الأصلية كتبت بواسطة Eslam.Elrefaey

جميلة بس حاسسها ناقصة عن الهاى لاين كتير

لا يا فندم يادوب بس فرش الجلد والعتاب والكسحات, حاجات بسيطة. :)

المشاركة الأصلية كتبت بواسطة mido_soliman

مبرووووووووووووك التثبيت يا معلم يا معلم يا معلم :)

هييييييييييه... الله يبارك فيه يا معلم. تصدق مكنتش واخد بالي وقلت الموضوع اتشال ولا ايه :D

المشاركة الأصلية كتبت بواسطة tweety26980

شكرا اخي الكريم

العفو يا أحمد باشا.

المشاركة الأصلية كتبت بواسطة Osama.shihata

الف شكر تعبت نفسك
تقرير جميل

العفو يا أستاذ أسامة لا تعب ولا حاجة ده يادوب محاولة لرد جزء بسيط من مواضيع الاعضاء المتميزة.

المشاركة الأصلية كتبت بواسطة midosalah

تسلم ايديك يا حودة مجهود رائع
انا مشفتش الموضوع على طول علشان اتثبت بسرعه عادة الواحد مش بيبص على المواضيع المثبته لانه حافظها
معلش بقى انا شيرت الفيديو فى توبك تانى لانى شوفتو على اليوتيوب الاول بالصدفه قبل ما أقرا موضوعك

الله يسلمك يا ميدو, وصدقني أنا نفسي ماخدتش بالي من الموضوع لما اتسابت وافتكرتو اتشال, ههههههه.

وبراحتك يا معلم اعمل شير للفيديو.