إلى خبراء لانسر كيرستالة

**ehabnew2004** · 08-04-2011 09:10 PM

السلام عليكم يا أجمد منتدى
بعد أذن الآعضاء الكرام كان عندى سؤال عن الكريستالة 98 أو 99 أيهما أفضل المانويل و لا الاتوميتك وهل لهما أى عيوب ؟
انا بدور على كرستالة تكون مو 98 / 99 بس تكون فبريكة من جوه حوض و قوايم و شنطة يا ترى تكون فى حدود كام ؟
لو حد من الأعضاء عنده سيارة بالموصفات دى للبيع يقولى لو سمحتوا لأنى بصراحة تعبت من كتر التدوير
أنا بعشق الكرستالة و أسف على الإطالة .

**world_of_kill** · 09-04-2011 04:45 AM

عندي ومش رشه بس فيها شنب مرضوض علي البارد

**Eslam.Elrefaey** · 09-04-2011 05:38 AM

المانيوال والاوتو الاتنين حلوين بس طبعا الاوتو اريح والمانيوال اشد فى السحب وكده شوف انت عايز ايه من العربية وحدد انت هتجيب ايه طبعا العربية جميلة جدا عيبها انها واطية وبتحك بس مصفحة من تحت يعنى متخفش عليها خالص ان شاء الله

**devilishtigers** · 09-04-2011 06:38 AM

احسنت الاختيار

**SHERIF2009BHIT** · 09-04-2011 09:59 AM

العربية جميلة واصيلة جدا ومريحة والتكيببف رائع انا كانت معايا مانيوال والسحب جميل بس عيبها واطية وكنت بغير مساعدين كتير علشان كنت بمشى فى طرق مكسرة شوية الاتوماتك مجربتهاش بس اعتقد 1300 سى سى اتوماتك وتكيف كتير على الموتور ربنا يوفقك

**HOSSAM99** · 09-04-2011 10:15 AM

و عليكم السلام و رحمة الله
المانيوال و الأوتوماتيك جمال جدا ولم يظهر فيهما مشاكل حتي بعد مرور 12 سنه
ولكن لو الأختيار اختياري أختار المانيوال لأنه أكيد هايفرق في السحب و الاداء وخصوصا ان معظمها 1300 وقليل و نادر 1500 الجامبو منها
اما بخصوص السعر فهو بيختلف حسب حالة العربيه وبتدرج و معظم الكرستاله في الاربيعينات

ربنا يوفقك

**Memo_Lancer** · 10-04-2011 10:58 AM

عربيه ممتازه يا باشا
انا معايا واحده و مش هفرط فيها ان شاء الله
و انت لوبتحب الشد هاتها مانيوال بس الاووتو جميل برده
انا دلوقتي مسقطلها موتور 1600 كامتين 120 حصان ماشاء الله عليها
و تكيفها ممتاز
كامله فتحت سقف احسن حاجه

**ehabnew2004** · 10-04-2011 09:23 PM

و الله يا جماعة الواحد مش عارف يشكركم أذى بارك الله لكم جميعا
انا و الحمد لله وفقت فى شراء كريستالة 98 1300 سى سى مانويل فابريكا من الداخل تكييف شغال جنوط اسبور اندونيسى مقاس 15 كاوتش سرعات الموتور معموله عمره من 10 شهور و لكنها تحتاج بعض السمكرة الخارجية و أكيد دوكو كمان + الغيار التالت مش بيجى قولت أغير فتيس بس مش دلوقتى لانى معرفش سعره كام و كمان صاحبها قلى الكربيراتير عاوز يظبط قلت ابقى اغيرو بردو - خلصت فيها بـــ 37 ألف ياترى أيه رأى الأعضاء الأفاضل فى السعر و الحالة ؟
سؤالى للاعضاء الكرام ماهو تمن الفتيس و الكربيراتير استيراد ؟ و منين ممكن أجيبهم ؟

**ehabnew2004** · 10-04-2011 09:37 PM

معلش يا جماعة نسيت اسأل عن كام حاجة كده
لاقيت تحت القايم عند باب السواق لوحة معدنية مكتوب عايها مواصفات خليجية . يعنى أيه الكلام ده ؟
هل قطع غيارها متوفرة ؟ و هل هى رخيصة ؟ و ممكن ألقيها فين ؟
أسف على الإطالة و اشكركم جميعا .