الموضوع: واحد من جوه التوكبل كلاكيت تانى مره

المشاركة الأصلية كتبت بواسطة top_10group

باشمهندس هانى ربنا يجازيك خير على خدمتك للمنتدى وانا كنت متابع مواضيعك وردودك قبل كدة.

انا معايا النترا 2009 عاملة دلوقت 26000 وعندى بعض المشاكل اللى ظهرت من ال 10000 ومتحلتش ولا مرة فى الصيانة:
1- صوت تزييق فى دواسة الدبرياج مسموع من بره عند الكبوت مع احساس برعشة فى البدال من التزييق نفسه. وكل مرة بيعملوها وتظهر تانى فى اقل من اسبوع ( انا خايف طبعا ليكون طقم دبرياج وهما مش عايزين يصلحوه ) دى المرة التالتة ولسة هروع صيانة ال 25000 مش عارف اقولهم ايه ؟
2- صوت طقة فى الدركسيون لما بلف يمين بس وارجعه لكن لما ابتدى الف شمال من الوضع الوسط مبيعملش (قولتلهم عليها فى التوكيل وقالو عملوها بس بستلم العربية زى ما هى (انا خايف تكون قطمة الدركسيون دى اللى الاعضاء بيقوله عليها )
3-المارشدير مبيجيش من اول مرة (بس لقيت اعضاء كتير عندهم نفس الحكاية فقولت يمكن دة عادى ) والغيار الاول بيجى عادى فى وضع الثبات لكن لما تكون العربية ماشية هادى وعايز اجيب الغيار الاول ( مطب صناعى مثلا) بيجى بصعوبة جدا .
4- زجاج باب السائق لو فتحته للاخر مرة وقفلته المرة اللى بعديها يعمل صوت طرقعة فى الفتح.( عملوها برده فى الصيانة ورجعت تانى )

معلش اخر حاجة اخدت مطب نقرة فى طريق الفيوم والجنط اتعوج المهم جربت العربية الحمدلله مش بتحدف ومفيش تاثير ظاهر بس قلقان ليكون حاجة حصلت وتاثيرها مش هيبان دلوقت فكنت عايز اعرف من حضرتك اقولهم يكشفو على ايه فيها وانا فى الصيانة)

ارجو الافادة واسف على الاطالة اعمل ايه بقى العشم
شكرا ليك يا بشمهندس ولجميع الاعضاء

صديقي العزيز اشكر زوقك اللطيف
1= ده طقم دبرياج و خصوصا رعشه البدال دي بليه دبرياج
2=لازم اسمع الصوت بس لو في المطبات بتحس بدردره بالدركسيون نفسه دي قطمه
3=لما تغير الدبرياج هتروح العضه بس في حاجه عايز اقولهالك العربيه ماتاخدش الغيار الاول غير لمل العجل يقف تماما
4=روح للهياكل مش الصيانه في الزجاج
اخير لاتستلم السياره او تدفع فلوس غير لما تجرب العربيه مع المهندس و تحت امر حضرتك

المشاركة الأصلية كتبت بواسطة hima012

النهرده روحت التوكيل علشان اعمل صيانة ال40000 قالى انتى مش عامل حجز المهم انا العربية 40600 دلوقتي هي فيرنا 2009 وانا راجع حصل حاجه غريبه اوى بشغل التكيف لقتوا بجيب هواء مروح مش بارد المهم اتاكد ان زرار ac شغال بردو مافيش هواء ساقع ولاقيت العربية اول مره مؤاشر الحرار يعالى عن النقطتين روحت قافل التكيف وركنت وبصيت على الميه لقتهى نقصى خالص في القربة زوت مياه خضرا ومشيت الحرار ه ضبط قولت اجرب التكيف اول مره طلع هواء ساقه وبعدين رجع تاني هواء عادى وبعد شوية شغالتوا اشتغل كويس انا مش عارف ايه الموضوع ده حل في علاقة بين دوره التبريد والتكيف وهل نقص الميه ده ممكن يكون سبب لحاجه تاني مع انى مزود ميه من حاولى شهر كدا ودى كانت اول مره احط ميه للعربية من ساعت ماجت مش عارف انا قلقان ومحتار معلش طولت عليكما

صديقي العزيز
اولا لو العربيه سخنت التكييف مش هيطلع هواء ساقع بس مش كل واحد التكييف عنده مش مشحون و لا في مشكله في التكييف نفسه يقول العربيه بتسخن المهم
اولا ده اكيد فرع ابو رواش او قليوب لو انت جاي متاخر بس ماعتقدسش انه قليوب
المهم
اولا لا تشغل العربيه نهائيا بالتكييف
تانيا لو العربيه بتسخن بس مع التكييف بنسبه 90% حلجه من اتنين
الرداتير او وجود تراب كثيف علي سربنتينه التكييف فبتعمل عازل بين الهواء و انت ماشي و بين الرداتير
لكن خليهم يعملوا اختبار للجوان وش سلندر للامان
روحح بكره الصبح فرع قليوب الساعه تمانيه بدون حجز و نقص الميام ده طبعا لان العربيه بتسخن
طبعا احلي صباح للرجل المحترم د امير