الموضوع: واحد من جوه التوكبل كلاكيت تانى مره

المشاركة الأصلية كتبت بواسطة sss2000

اخي العزيز احب اولا اشكر حضرتك علي مجهودك الرائع
ثانيا انا عندي نيو اكسنت 2010 عاملة 20000كم من كام يوم حسيت في زنة في دواسة الدبرياج وانا ماشي وعاملة خشونة بسيطة تحت رجلي واما امور العربية وانا ماشي تروح اعشق واريح رجلي علي الدواسة والعربية بسرعتها الاقيها موجودة
دي سببها اية وشكرا

الاغ المحترم
روح التوكيل و اطلب مراجعه طقم الدبرياج (لو في رعشه او تنميله لما تحط رجلك علي دواسه الدبرياج) و شكرا

رحت توكيل ابو غالي وقالي دي خشونة بسيطة لا تؤثر علي العربية وقالولي لو روحت ابو رواش مش هيعمولك حاجة وهيقولك
العربية سليمة بس الخشونة دي من الاستعمال اية رايك

يا جماعه هيا لمبه البنزين عندكم بتنور امتى عشان عندى المؤشر نزل تحت حرف e بشويه ومنورتش هيا بايظه ولا طبيعتها كده انا خفت اصبر واشوف هتور ولا لا

المشاركة الأصلية كتبت بواسطة sss2000

رحت توكيل ابو غالي وقالي دي خشونة بسيطة لا تؤثر علي العربية وقالولي لو روحت ابو رواش مش هيعمولك حاجة وهيقولك
العربية سليمة بس الخشونة دي من الاستعمال اية رايك

اخي الكريم
سبق و قلت ان المراكز المعتمده لن تغير لاي عميل شيء في الضمان ارجو الحضور لفرع قليوب او ايو رواش و عرف سعادتك لو في حاجه بايظه بالسياره و هو اعطي لك تقرير نحن لا ناخذ به و نكشف نحن مره اخري --- اسمع نصيحتي و شكرا

المشاركة الأصلية كتبت بواسطة emo_ayman

ازيك يا مهندس هانى:

معلش عندى اسئلة يمكن تكون كتير شوية.

1- العربية نيو اكسنت 2010 -عاملة 23000 كم-اتوماتيك

2- من يوم ما اشتريت العربية وهى فيها تكة خفيفة ورا فى المساعدين على المطبات وكان تعليق مهندس الصيانة فرع ابو رواش انها تليين ومفيهاش قلق وعلى ال10000كم هتروح وطبعا ولا راحت وبعد كدة بدات اتعامل مع فرع قليوب ويبقى الوضع على ما هو عليه.؟

3-ظهر صوت غريب فى الموتور(لما عملت حوالى 15000كم) روحت لمركز معتمد لما ضهر الصوت وقاللى اطلع على التوكيل بسرعة لان السير مشدود.وفعلا طلعت على قليوب واكدوا الكلام بس قالوا حرام نفك الموتور وكدة كدة هيتفك على ال60000 فمتقلقش؟ ايه رايك؟

4-بستعمل بنزين 92 وعمرى ما عليت ولا قليت عن كدة وكنت استعملت مرتين منظف دورة الوقود ومعملتوش تانى.هل تنصحنى بيه لتحسين استهلاك الوقود واالسحب؟وتنصحنى باى نوع؟موبيل كويس ولا فيه نوع معين؟

5- غيرت التيل فى التوكيل على ال20000 كم ورجلاش وكله تمام الحمد لله وعلى ال22000 بدا يصفر متقطع وقلت للتوكيل عليه وفكوا الكاوتش والطنابير ونضفوا بالهوا ورجع الصوت تانى؟

6-صيانة ال30000 كم بيتعمل فيها ايه وبتتكلف كام تقريبا؟

مشكور على مساعدتك لينا وذوقك.

الاخ الكريم
1- النيو اكسنت و النيو الترا تعلقهم من ورا ناشف لانها علي دنجل مش مقصات زي الفيرنا او الماتركس لكن لو عايز تقلل الصوت ده املا هواء الاطارات نيتروجين و لكن هي طبيعه السياره كده و حضرتك قلت انك من يوم ما اشترتها +اني معايا نفس السياره :b4_033:
2- الصوت اللي قالوا لك عليه هو بس ان سير الكاتينه مشدود شويه و مالهاش اي ضرر و لو حضرتك عايز كلمني الصيانه الجايه و سيب الباقي عليا
3 - شوف منظف الدوره يتحط مره كل شهر بحد لقصي مع التفويله و هو بيحسن سحب العربيه و موبيل او شل
4- مفيش مشكله هو الصفاره بيتبقا من براده التيل بينه و بين الطمبوره يتنظف بس
6-صيانه عاديه اللي في الجدول بدون قطع غيار و بتتكلف 220 مصنعيات و لك الشكر

المشاركة الأصلية كتبت بواسطة jos

يا جماعه هيا لمبه البنزين عندكم بتنور امتى عشان عندى المؤشر نزل تحت حرف e بشويه ومنورتش هيا بايظه ولا طبيعتها كده انا خفت اصبر واشوف هتور ولا لا

بص سعادتك اللمبه بتنور لما يبقي في العربيه من 5 الي 8 لتر و بعدين بلاش تجيب لخر التانك علشان الطلمبه و الرشاشات و شكرا

المشاركة الأصلية كتبت بواسطة enghany

بص سعادتك اللمبه بتنور لما يبقي في العربيه من 5 الي 8 لتر و بعدين بلاش تجيب لخر التانك علشان الطلمبه و الرشاشات و شكرا

شكرا يا افندم على الرد بس ال5-8 لتر دول المفروض المؤشر يبقى فين؟؟ انا العربيه فيرنا 1600