الموضوع: ما هو تقييمك لوكيل هوندا و مراكز الخدمه

أنا بصراحة قرفان من التوكيل
أنا معايا سيفيك 2008 و عامل بيها 48000 كم
العربية من ساعة ما جبتها و هى فيا صوت التزييء العجيب بتاع البطاحة الأمامية شمال و تخبيط فى العفشة قدام يمين و غربلة مع الفرامل و صوت غريب بيحصل فى الفتيس (حشرجة) بين النقلة التانية و التالتة و العكس!!
بدأت أشتكيلهم من ال 20000 كم و فيييييييييييييييييييييييي يييييييين بقة عقبال ما عملوا حاجة فى صيانة ال 40000 كم،
المهندس بمنتهى الفخر قال: "إحنا غيرنا لحضرتك البطاحتين الأمامى و الطنابير الأمامى بس حضرتك حتدفع ثمن التيل (مش عارف ليه؟؟) أما بالنسبة للتخبيط فى العفشة فإحنا لازم نغير جلبة التيش الأمامى يمين بس هى مش موجودة دلوقتى ممكن حضرتك تحجز معاد تانى و نكمل الشغل، أما بالنسبة للصوت فى الجير بوكس فدة علشان لما بتبقى ماشى بالراحة و تحب تزود سرعتك فجأة طرمبة الباور ما بتلحقش #$@#$%)#$#&@! بس كدة لكن دة مش عيب صناعة ولا حاجة لا سمح الله"
بعد ما إستلمت العربية وجدت صوت البطاحة أسوأمن الأول و العجيب إن الصوت بئى من البطاحتين!! و لسة العربية بتغربل مع الفرامل (مستحيل يكون غير الطنابير طبعا)، صوت الفتيس زي ما هو، حسبى الله و نعم الوكيل
أنا حعملهم فضيحة المرة الجاية
و بحاول أجيب نمرة هوندا اليابان عشان أشتكيهم
حد عنده نف المشاكل بتاعتى؟

المشاركة الأصلية كتبت بواسطة horsepower

السلام عليكم,
أحب أشارك الإخوة الهونداوية بتقييمي للتوكيل.
أنا أملك سيفيك 2009 و حاليا عامل بيها حوالي 12,000 كم.
صيانة ال 1,000 كانت ممتازة.
صيانة ال 5,000 كانت ممتازة.
صيانة ال 10,000 كانت دون المستوى المعهود.
القصة إني أخدت معاد صيانة ال 10,000 الساعة 2:00 بعد الظهر, تم الإستقبال بالترحاب و الإبتسامة المعروفة,تم إستلام السيارة و أخذ كل الملاحظات مني و مهندس الصيانة كان معايا خطوة بخطوة لمراجعة ملاحظاتي و بعدين دخلت السيارة الورشة, بعد ساعة و نصف - يعني الساعة 3:30 تقريبا قام أحد العاملين بإبلاغي أن سيارتي جاهزة للإستلام, بس فوجئت إن المهندس اللي استلم مني العربية مشي, قلت عادي مدام فيه مهندس تاني هيسلمني العربية, بس الغير متوقع إن المهندس التاني ده إداني ورق الإستلام و الفاتورة علشان أدفع و إختفى بعدها, المركز كله إختفى منه المهندسين و العمال و الموظفين لدرجة إني شكيت يكون فيه عملية إخلاء للمركز, و لما خرجت من المبنى علشان أستلم عربيتي إللي معرفش إتعمل فيها إيه لقيت واحد سايبينو يجيب العربيات من الورشة و يسلمها للعملاء, أخدت عربيتي و سألت عن المهندسين و العمال و الناس, الراجل مشكورا قال لي إنهم روحوا كلهم, قلتلو المهم إنهم بخير و الحمد لله لحسن أنا قلقت عليهم
تاني يوم عملت شكوى بالتليفون و تم الإعتذار و عرفت من صديق لي عمل صيانة عربيتو بعديها بإسبوعين إن الناس إتشدت.
أنا مش زعلان من التوكيل بس من شدة إعجابي بالزيارتين الأولى والتانية للمركز إتصدمت في الزيارة الثالثة فعلا, زي ما يكون توكيل تاني.
على فكرة ,أنا بأبدي إعجابي بالمهندسين اللي في التوكيل أنا عملت ثلاث زيارات و كل مرة لما كنت باتكلم معاهم لقيتهم فاهمين و شاطرين و عارفين آخر أخبار الدنيا برة و نصائحهم محترمة جدا.
بس هية الزيارة إللي فاتت مكنتش أحب إنها تحصل بالصورة دي.

اشتكيهم لجهاز حماية المستهلك..بجد ناس ممتازين و هجبولك حقك..عن تجربة.

انا كمان احب اشاركم
صيانة 1000 كم كانت ممتازه
صيانة 5000 كم ممتازة
.
.
صيانة العشرين كانت بداية القرف. يعنى تقول لهم اعملوا حاجه ميعملوهاش. و هكذا.
صيانة 40,000 كانت زبالة الزباله قولت للمهندس التيل بيصفر غيروا .. تحت امرك و الكلام اياه ده و بعدين انا شايف الواد من فوق مفكش الكاوتش اصلا و بعدين نزلت للمهندس قاللى ده التيل زى الفل و هيعيش معاك كمان و انا مانوال ... قولتلوا امال الصفاره ده من ايه قاللى متقلقش....

بعد اسبوع من الصفير رحت تانى من غير حجز و دخلت على مهندس تانى قاللى ازاى يا فندم انت ماشى على التيل كده ده محتاج يتغير...:S قلتلوا طب العامل الزباله اللى عمل الصيانه المره اللى فاتت ميلمس العربيه تانى المره ده ..

خلوا بالكوم الواد العامل الل قدااااااااام خالص شمااااااال قبل الاخير ده مبيعملش شغله صح و بيلكلك ارجوكم سيبوكو من النيسكافيه و ركزوا مع العربيات ...

انا و الله لو معايا email honda japan لكنت هبعتلوهم حالا....

الموقع ده عليه ارقام خدمة العملاء لهوندا فى امريكا و اليابان
Customer Service - the Official Honda Web Site

و الموقع ده عليه اكتر المشاكل الموجوده فى موديلات الههوندا
Honda Problems.com - Honda Problems, Complaints, Recalls, Investigations, and Defects Information


Contact Us
For further assistance, feel free to contact Honda Automobile Customer Service. Business hours are Monday through Friday, 6:00 a.m. to 5:00 p.m., Pacific Time.
By Phone
At our toll-free number: 1-800-999-1009
By Fax
(310) 783-3023 (24 Hours)
By Mail
American Honda Motor Co., Inc.
Honda Automobile Customer Service
1919 Torrance Boulevard
Mail Stop: 500 - 2N - 7D
Torrance, CA 90501-2746

والله يا جماعه مش عارف اقول ايه انا كان قدامي هوندا 2007 للبيع قولت قبل متفق صاحبها علي حاجه اشوف اخبار التوكيل ايه معاكوا و شويه بيقولوا حلو و شويه بيقولوا زباله و مشكله الهوندا انو صعب تلاقي حد بره يصلحلك فيها فاعمل ايه ؟ وواحد كاتب ان فيها مشكله في البطاحات و دي مش اول مره اسمعها انا احترت و كنت بدور علي 307 و شوفت الهوندا صدفه --------------