محتاج رأيكم في جين 2 بسرعة

**saka** · 09-04-2011 12:09 PM

يا جماعة معروض عليا عربية جين 2 مانيوال موديل 2006 عاملة 130 ألف كيلوا و متغيرها إسطوانة و ديسك و كاوتش جديد و رشة نضافة بس كهربة المرايات و الزجاج مش شغال تمام و عاوز يتصلح و فيها نقرة في الكابوت و شرخ في الزجاج البريبيز لكن باقي العربية تمام و حالة الموتور تقريبا 90 % و الصالون ممتاز و سقف العربية من غير رش و من جوة العربية ممتازة و سحبها ممتاز و التكيف تمام و العدادات ممتازة و التابوة رائع و نظام الصوت تمام و نقل الغيارات تمام و الفرش حالتة 85 % و مفيهاش خبطات بس متغيرها إكسدامات أمامي و خلفي و البطارية تمام و دواخل فبريكة و صاحب العربية صاحبي من 23 سنة يعني مش حيغشني و رخصة العربية منتهية يعني يوم ما أشتريها هو حيدفعلي مصاريف نقل الملكية كلها و الرخصة الجديدة حتكون بإسمي و هو طالب فيها نهائي 45000 جنيه حاولت أنزل معاه ما وافقش يا جماعة أنا بثق في كل أعضاء المنتدي فياريت بالله عليكم لا تبخلوا بالرد أتوكل علي الله و أشتريها ولا لأ

**Abdelrahman.H** · 09-04-2011 04:59 PM

السعر قليل قوي و مثير للشك

**saka** · 09-04-2011 05:03 PM

المشاركة الأصلية كتبت بواسطة abdelrahman.h

السعر قليل قوي و مثير للشك

مثير للشك من ناحية ايه ؟
هو كان عارضها ب 50000 جنيه
بس نزلها للسعر ده علشان خاطر اننا صحاب من 23 سنة يا كبير
و برضه يهمني تقولي رأيك و تقولي هي اساسا مفروض تكون بكام ؟
و شكرا جدا لإهتمامك يا باشا

**Abdelrahman.H** · 09-04-2011 05:06 PM

المشاركة الأصلية كتبت بواسطة saka

مثير للشك من ناحية ايه ؟
هو كان عارضها ب 50000 جنيه
بس نزلها للسعر ده علشان خاطر اننا صحاب من 23 سنة يا كبير
و برضه يهمني تقولي رأيك و تقولي هي اساسا مفروض تكون بكام ؟
و شكرا جدا لإهتمامك يا باشا

العربيه لما كانت زيرو كان سعرها 82000

و متوسط سعرها الآن في حدود 55000

لكن 45000 ده سعر اول مره أسمعه للجين-2

تقبل تحياتي

**ahmed_h_g** · 09-04-2011 05:26 PM

سعرها قليل ليه ؟؟؟؟؟؟؟؟

**Boory** · 09-04-2011 11:32 PM

معرفش في الجين 2 لكن عموما 130 ألف كيلو كتير قوي

**HOSSAM99** · 10-04-2011 12:14 AM

السلام عليكم
طالما البايع صديق و حضرتك عارفه خلص فيها لو هي عاجباك
لكن اكشف عليها الاول و أرفعها
وعلي فكره أنا شوفت سعر الجين 2 كتير في الأربعينات 2006 علي كونتكت كارز

**spiderloking** · 10-04-2011 03:05 AM

السعر معقول علي فكره بالنسبه لعدد الكيلوهات و للموديل و الحاجات اللي متغيره في العربيه زي الاكصدامات و موضوع الرش بتاع النضافه و تغيير الديسك و الاسطوانه لو الموتور كويس و الفيتيس تمام و العربيه سحبها حلو و تكيفها تمام و مفيش اي حاجه في العفشه او الشاسيه اتوكل علي الله و اشتري