ياجماعة محتاج رأيكم بسرعة

**battot_2010** · 19-06-2011 03:02 PM

انا كنت حاجز جين 2 2011 من معرض ودفعت نص التمن ورحت امبترح عشان ادفع الباقى واخد العربية لقيت فيها شوية خرابيش مع انى ماشفتهاش قبل كدة المهم قعدت اتكلم مع الراجل قاللى كل اللى هاقدر اعمله انى انزل 350 جنيه وانا كنت واخدها ب 92000
مش عارف اعمل ايه الفكرة انى كمان عملت التامين معاهم وكدة لو لغيت هيلبسونى فى الوثيقة ديه ولا ايه
ولو اخدتها كدة ممكن تتكلف كام او عملتها فى التوكيل
بجد محتاج رأيكم اوى والصور انا رافعها عشان تحكموا
شكرا

تم إظهار الصور بواسطتي

مشرف 1ب

**Nistelrooy** · 19-06-2011 03:28 PM

ماتخدهاش انت لسة جايب عربية زيرو علشان تروح التوكيل تاني يوم او اي مكان علشان تعمل الخرابيش ..

الخرابيش مش واضحة في الصورة كويس علشان انعكاس الضوء بس شكلها في حتت مختلفة في العربية ..

ماتخدش العربية وقولهم هاخد عربية تاني او استني دفعة تانية او اشتكي بقي وده حلك الاخير واعتقد فية ورقة بنستلمها وتمضي عليها انك استلمت العربية فيها كل حاجة الكوريك كتيب الضمان .. الخ وخالية من الخرابيش او من عيوب ..

---------
وسؤال هو العرض كدا طبيعي في الصورة التالتة بين الرفرف والكبوت ..

**battot_2010** · 19-06-2011 03:53 PM

انا بصراحة مش عارف الفرق بين الكبوت والرفرف ده عادى ولا ده كدة غريب
ولو كدة هيرجعولى فلوس الوثيقة كاملة والمقدم ولا هيعدوا يقرفونى بقى وكدة عشان اخد الفلوس
وانا مامضيتش على ورق لسة ولا اى حاجة مفيش غير الوصولات اللى دفعت بيها معايا

**Nistelrooy** · 19-06-2011 04:11 PM

استني رائي الخبراء في موضوع المعارض ده لاني الصراحة ماعرفش ..

**ahmed_h_g** · 19-06-2011 04:16 PM

المفروض لو بتشترى عربيه زيرو تستلمها زيرو يعنى مفيهاش خدش

**Ghosts** · 19-06-2011 04:37 PM

المشاركة الأصلية كتبت بواسطة Nistelrooy

ماتخدهاش انت لسة جايب عربية زيرو علشان تروح التوكيل تاني يوم او اي مكان علشان تعمل الخرابيش ..

الخرابيش مش واضحة في الصورة كويس علشان انعكاس الضوء بس شكلها في حتت مختلفة في العربية ..

ماتخدش العربية وقولهم هاخد عربية تاني او استني دفعة تانية او اشتكي بقي وده حلك الاخير واعتقد فية ورقة بنستلمها وتمضي عليها انك استلمت العربية فيها كل حاجة الكوريك كتيب الضمان .. الخ وخالية من الخرابيش او من عيوب ..

---------
وسؤال هو العرض كدا طبيعي في الصورة التالتة بين الرفرف والكبوت ..

الراجل دة بيتكلم صح

**sayed911** · 19-06-2011 05:34 PM

اتصل بشركة التأمين واسئل هل ممكن تحول الوثيقة برقم ماتور وشاسيت تاني ؟ لو اه يبقى انتظر بقى عربية تانية فعلا .. لكن لو لأ انا من رأيي مفيش عربية مش بتتخرش في مصر فشوف حلولك معاهم ايه ..

**battot_2010** · 19-06-2011 05:40 PM

طب هو الفرق بين الكبوت والرفرف ده طبيعى؟؟؟
انا خايف لحسن يكون فيها حاجة وعلى فكرة هى ماشية 84 كم بالضبظ

**sayed911** · 19-06-2011 06:22 PM

هوة يمكن عشان انتا عامل زووم ومقرب الصورة قوي باين الفرق ده ولكن انتا ليك انك تفتح الكبوت لو مقلق وشوف شكل البوية طبيعي ولأ لأنه اكيد الواحد مش ها يروح يستلم العربية ومعاه سمكري وهي كمان زيرو !! ولو مقلق منهم كمان خليهم يدولك ورقة انه العربية خارجة من عندهم زيرو متعملش فيها اي نوع من انوع شغل السمكرة بتاتا !!

الموضوع: ياجماعة محتاج رأيكم بسرعة

LinkBack

أدوات الموضوع

عرض

-

-

-

-

-

المواضيع المتشابهه

محتاج رأيكم بسرعة أرجوكم

محتاج رأيكم في جين 2 بسرعة

محتاج رأيكم ضروري و بسرعة بخصوص الماتيز

محتاج رأيكم بسرعة جداً في لون مازدا3

مشكلة فى عربيتى و محتاج رأيكم بسرعة

الكلمات الدلالية لهذا الموضوع

المفضلات

المفضلات

ضوابط المشاركة