YouTube - The Attack @ Tahrir 2
YouTube - Talaat Harb April8, 2011
http://a2.sphotos.ak.fbcdn.net/hphot..._5402617_n.jpg
عرض للطباعة
يستاهلوا
قاعدين بالليل ليه
ربنا يستر علينا و على مصر
"التاريخ يكتبه المنتصرون"
تشرشل
شهدت منطقة وسط القاهرة ارتباكا مروريا صباح اليوم السبت إثر قيام المتظاهرين بميدان التحرير بإغلاق جميع الطرق المؤدية الى الميدان.
وقام المتظاهرون بتوسيع مناطق اغلاق الميدان ؛ حيث وضعوا الأسلاك الشائكة وسط شارع قصر النيل فى مواجهة النادى الدبلوماسى ، مما اضطر أتوبيسات النقل العام ونقل الموظفين التى فوجئت بالأسلاك الى الدوران مرة أخرى عكس الاتجاه للسير عبر شارع هدى شعرواى فميدان طلعت حرب والاتجاه الى شارع رمسيس ، مما سبب ارتباكا مروريا كبيرا.
وقد قام قائدو الحافلات والمركبات الخاصة بمحاولة اقناع المتظاهرين بإزالة الأسلاك الشائكة والسماح لهم بالمرور ، إلا أنهم أصروا على موقفهم بوضع الأسلاك مما أدى الى وقوع بعض المشادات اللفظية بين الجانبين.
أما داخل الميدان وفى الشوارع المؤدية اليه .. فقد عادت ظاهرت انتشار الدراجات البخارية التى كانت طاغية على المشهد فى بداية ثورة 25 يناير؛ حيث أخذ قائدو تلك الدراجات فى جلب الطعام والمياه للمتظاهرين داخل الميدان ، وتحذيرهم من أى تحركات أمنية لمحاصرة الميدان أو تطويقه.
وقام المتظاهرون بتجهيز كميات كبيرة من الطوب وكسر السيراميك والبدء فى تجميعها داخل أماكن معينة داخل الميدان تحسبا لوقوع أى مواجهات أو أعمال عنف أخرى، خاصة مع تأكيدهم عزمهم القيام باعتصام مفتوح داخل الميدان ، فيما خلا الميدان والشوارع المؤدية اليه من أى عناصر أمنية.
كما انتشرت داخل الميدان العديد من الحلقات النقاشية بين المتظاهرين حول أحداث العنف التى وقعت فجر اليوم ، واختلفت رؤى المتظاهرين حول المسئولين عن تلك الأحداث وعما إذا كان هناك عناصر مخربة قد اندست فى صفوفهم أمس أم لا.
مصراوى - اليوم
مش عارف ليه حوار ان المشير يمشي بيفكرني بموضوع الرئيس لو مشي الدنيا هتبوظ واسرائيل هتخش
طنطاوي مكروووووووووووووووووووه
والسكوت والكذب خليه يشوف اخرتو ايه
واضح ان الغباء السياسي و العجرفة و محاولة لي الذراع في الشارع لفرض اتجاهات معينة على اغلبية ترفضها ، هيفرغ الثورة من مضمونها و هيرجع البلد لوضع اسوء من الاول !
انا كنت في الميدان امبارح بس طبعا روحت مابيتيش..الحفاظ على علاقة غير متوترة بين الجيش والشعب هي خط احمر اخير للحفاظ على الدولة..الحل في الحوار او مجلس رئاسي..(دا مش رأي انا، دا رأي واحد مش هاقول اسمه بس انا مقتنع به)
يا عم مكروه ولا مش مكروه هو ده وقته تحاسبه متسيبه قاعد الشهرين الجايين دول وخلي البلد ماشية لحد مسعدك تروح تنتخب الرئيس اللي مش مكروه اللي أنت عايزه
هيبقى كويس يعني لما يطبقوا أحكام عرفية بشكل صح والدراسة و كل حاجة في البلد تقف وسعتها هيبقى الحظر من الطهر ولا هتعرف تنزل أصلاً من بيتك
الجيش مؤسسه من مؤسسات الدوله اللي الفساد استشري فيها للنخاع و اكيد الجيش فيه فساد و مش قليل
و لكن
الجيش كان موقفه واضح من 28 يناير انه مش هيضرب طلقه علي حد من الشعب و حافظ علي الوعد دة طوال الفترة الماضيه و من اول دقيقه اخد جانب الشعب و مبارك طالب الجيش لانهاء الثورة و الاعتصام باي وسيله لكن الجيش رفض انه يبقي زي حبيب العادلي و يقتل الناس
الاختلاف الوحيد بين مبارك و القذافي هو الجيش المصري الي حمي البلد انها تتجول لليبيا جديدة و لو في تباطؤ في المحاكمات بتاعه الناس دي فالجيش مش ذنبه اننا سيبناهم يسرقوا و يحتكروا و ينهبوا لمدة 30 سنه و عايزينهم يتحاكموا في ايام في النهايه هما متهمين و يستحقوا محاكمه عادله
بالنسبه لمبارك اعتقد ان جزء من صفقه تنحيه هو عدم الاقتراب منه او محاكمته دة رايي الشخصي مش معلومات مؤكدة يبقي الحل هو ميدان التحرير و يوم الجمعه فقط و في الاوقات البعيده عن حظر التجول لاننا في النهايه في دوله ليها نظام و قوانين بتطبق
وبعدين زي ماكانو بيطالبو برحيل شفيق لي مابيطالبوش يرحيل شرف أزدواجية في المعايير تظهر بوضوح مصالح شخصية لتيارات عايزة تثير الفوضى في البلد..........النور والديمقراطية ليست طريقهم بل التخبط وأشاعة الفوضى ومخالفة رئي الأغلبية
+1
يارب المشير و المجلس ياخد قرارات حاسمة علشان الغالبية الصامتة الأن هاتلومه على الفوضى وأي أنقسام ممكن يحدث في صفوفه
هو ده الهدف الحقيقي و الغير شرعي وراء الأعتصامات
ينسو لو وصلت أن الجيش هايطبق عليهم أحكام عسكرية مش هايحصل ألي في بالهم
صحيح من يدعي أنه ينادي بالديمقراطية لايستحقها للأسف......الأستفتاء حسم رأي الغالبية من بدري ياريت يفوقو قبل مالجيش والأغلبية تفوقهم
+1
فيه حد من السذاجه دلوقت أنه لسه ماربطش بين الأحداث دى:
تصريح وزير الخارجيه نبيل العربى من أسبوع ولأول مره من 30 سنه وهو تحذير أسرائيل من الهجوم على غزه
أعتصام أمبارح رغم تأكيد كل التيارات أن مفيش أعتصام وبدأوا ينضفوا الميدان بالليل
طلب الشعب أنه ينزل دلوقت ميدان التحرير
الأعتصام اللى حاصل دلوقت فى الميدان وأغلاق الشوارع
المطالبه برحيل المشير وعمل فتنه بين الجيش والشعب
ضرب غزه النهارده الصبح
اكيد الجيش محماش حد
واكيد الجيش كان بيضرب فيهم
بس ده المستقبل مش الماضى
الماضى ان الجيش رفض اطلاق النار على المتظاهرين عدة مرات ورفض ضغوط كتير
وحمى اموال الدولة من التهريب
وحمى بيوتنا وبيوتك وارواحنا وروحك
ولو الجيش مالوش دور
مكنش هيكون فيه محاكمة لاى فرد من الفاسدين ده ابسط مثال
لا عفوا الجيش حمانا خصوصا في اعتدائات البلطجيه المدبره دا غير ان فيه كلام غير موثق بان مبارك امر الجيش انه ينزل و هو رفض و على فكره الجيش نزل قبل كده باوامر من مبارك في احداث الامن المركزي اقرا عنها و كان ممكن ينزل تاني لولا ان القاده رفضوا
دا غير حمايه البلد و المؤسسات الحكوميه و الخاصه و المصانع و حل المشاكل و اداره البلاد و قرفها و اعلنوا انهم عاوزين يسلموا الحكم في خلال سته شهور و مش طمعانين في حاجه
تعالى بقى شوف المقاله المنسوبه للمشير و طلعت غلط
تعالى لما الناس قررت تشيل شفيق امن الدوله وقع
لما الناس جابت شرف البلد اتحسنت ازاي
الاهم من كل ده
ان كل ما البلد بتطور و بتستقر ناس بتحاول تبوظ الدنيا تاني اه خصوصا محاولات ايقاع الجيش مع الشعب في ظل اصرار الشعب على محاكمه العائله المالكه زي ما بيقولوا
المشير لو ابن ستين في سبعين مادام بينفذ مطالبنا حتى و لو ببطء بس بتتنفذ الجيش مبيحبش التغييرات بسرعه يعني واحد اتنين تلاته كل قرار بيفكر فيه كويس اوي
و بانت لما جينا نشيل رئيس جامعه الزقازيق و اعلن اخلاء منصب رئيس الجامعه و بعد كده رجعوه علشان مش لاقيين اللي يعتمد قرارات الجامعه ده ببساطه شديده
حد يفكرنى مطالب جمعة امبارح كانت ايه ؟؟
السلام عليكم ورحمة الله وبركاته
وجهه نظري بغض النظر المشير صالح ام فاسد الحكمة تقتضي من اراد ان يتظاهر من اجل تطهير البلد ان يضغط بمظاهرات يوم الجمعة من اجل محاكمة المفسدين من غير اعتصامات
مع عدم الاشارة الي تغيير المشير لانه في النهاية المجلس العسكري ليس المشير فقط
يعنى بتقول ان الحمد لله انه مقتلناش مثلا !
ايه المنطق دا
اعذرنى يعنى
احنا مش بنقول الحمد لله ان الجيش مبقاش اوحش من كدا مثلا
هو عشان عمل حاجه صح "و معملهاش من نفسه يعنى الجيش عارف ان الضباط الصغيرين مكانوش هينفذوا اوامر ضرب بنسبه كبيره جدا لو كان دا حصل"
يبقى نسكت ونقول الحمد لله على كدا :oops1:
مش عارف ليه حسيت ان احنا محتاجين جمعة رحيل الثوار ما دام الموضوع قلب بهبل و ان الجيش بيخونا و ان المفروض انه يعمل اجراءات استثنائية و يجيب مبارك بإجراءات غير قانونية تخليه يطلع براءة لخطأ فى الاجراءات
و لو معملش كده يبقى يمشى و نجيب مجلس رئاسى ( على أساس ان الاستفتاء ده كنا نازلين نتشمس فيه) و بالمرة نقوم الجيش على بعض و نجيب شوية ظباط نعملهم فيديو نبين فيه قد ايه الجيش كلو حرامية و خونة و نطلع الشرطة العسكرية اللى طفحت الدم و هيا بتحاول تعيد الأمن عقبال بشوات الشرطة يرجعو لمكانهم
و المحاولات المستفذة لاظهار أى واحد تمسكه الشرطة العسكرية انه بطل و لا الظباط الأحرار فى زمانهم و ان يا عينى الجيش الوحش هوا اللى بيلفقلهم تهم من عنده
طبعاً يستاهلوا
لأنهم أساؤوا إلى كل رجال الثورة
الجيش مرة فض إعتصام بالقوة من الميدان
وأنا كنت بصيت بصة ولفيت لفة في الميدان قبلها بيوم
كان مجموعة من الأشكال ليست وجوه المحترمين الذين كانوا معنا أيام الدعك
والآن الوضع تغير
المظاهرات في يوم الجمعة عادي جداً
والحظر تم تضييقه منعاً للإحتكاك
لكن بعد الساعة 2 بالليل يبقى مش قاعد عشان يتظاهر
دا قاعد لأهداف أخرى
طبعاً الجيش مش هيطبطب
ولما أعطاهم أوامر بالإنصارف شتموه واشتبكوا معاه
يبقوا محتاجين يتربوا شوية أو شويتين
في ناس ملهاش إلا الضرب عشان تلتزم بالحظر
وتحترم اللي بيعاملها بإحترام
مينفع نقول على الجيش المصري زيه زي غيره
لو موقفناش جنبه ندعمه بكل ما أوتينا من قوة فالجميع خاسر
الخيانات موجودة في كل مكان
والأخطاء واردة ومقبولة من الجيش
أما رفع اللافتات للتحريض على الجيش فهذا منتهى أمل الثورة المضادة التي تعمل في الخفاء
الاخ اللي بيتكلم عن جمعه تطهير الجيش
اللي قاعد في بيته امن
ومش بيسمع ضرب نار لغاية النهاردة
وبيتحرك براحته لانه من الاعاصمة والدنيا عندهم متامنة اكتر من اي محافظة تانية
اللي لسة بيروح شغله وما ممشيش منه لانه المكان اللي كان فيه قفل
واللي بيقبض مرتبه عادي وفيه غيره مقبضش من اول فبراير
هاتيتكلم زيه زي احمد عز وزي رشيد وزي غالي وكل الفاسدين في النظام القديم
لانكم انتم اللي بتاكلوا وتقبضوا تشربوا
انتم اللي فاهميين بس
انتم اللي شايفين مصلحة الشعب
انتم النخبة المثقفة
انتم الحزب الوطني الديموقراطي الجديد
انتم الفاسدون الجدد
انتم لا تعترفون بالقانون ولا بالمحكامات العادلة
ليه محدش طلع في مظاهر ضد شرف رغم ان اسعار اللحوم والخضروات زادت مقلتش؟
فين تعويضات الاضرار اللي حصلتلنا من الثورة المباركة؟؟؟!!!!
كنا عارفين ان فيه مبارك وجمال وعز والشريف و 100 واحد عارفين اسماهم واشكالهم
دلوقتي بقي عندنا مليون "او اربعه مليون علبي حسب الاستفتاء" فاسد ولا يقدر المصلحة العليا
انتم فسدة اكتر من الفساد نفسه
وتتهمون بالغباء السياسي
عاوزين تحلوا الجيش
ماشي خلوها الصومال
وايه فارق؟؟؟
مش عاوزين الحكم والمجلس العسكري يبقي رئاسي مدني
دسوا علي الشعب ودوسوا علي مصر ودجوسوا علينا
وهانشوف مين اللي هاينتصر في الاخر
علفكره دكتور عبد المنعم ابو الفتوح القيادي في جماعة الاخوان بيطالب برده بمجلس رئاسي ...الموضوع ملوش علاقة بنعم او لأ ...
مش معني ان البرادعي بيطالب بمجلس رئاسي يبقي ديه حاجه وحشه ...ونيجي نقول ده التفاف علي الديموقراطيه