ربنا يخليك يا باشا وشكرا على ترحيبك بيا
والله العظيم الكلام دة من المهندس على بتاع الصيانة الللي في التوكيل اللي في شارع جوزيف تيتو (تمام كدة)
انا عندي لمبة الاير باج في التابلوة منورة وبيقولي Cheak Airbag
ولما رحت التوكيل اعمل صيانة ال60000 سألتهم عليها وقالوالي دة سير الايرباج عايز يتغير وسعرة 1700 جنية
العربية دي انا شاريها عاملة 35000 وكانت زي الفل من حوالي سنة ومعملتش بيها اي حادثة كلها حاجات عادية (حكة مثلا في الاكصدام كدة يعني)
كنت بحس وانا ماشي بالعربية انها مش مضبوطة فقولت للمهندس اكشف عليها
وبعد يومين قالي هي عايزة علبة دركسيون علشان دابت بنفس اللفظ كدة ودي بتركيبها حوالي 2300-2500
وبطاحتين المساعد 2500
وسير الاير باج ب 1700 جنية
واصلا انا كنت رايح اعمل صيانة ال60000 بس ودفعت فيها مبلغ وكمان اشتريت مثلا علامة الرينو اللي على الشنطة ب 200 بس ورشيت الاكصدام ودفعت فية والله على ما اقول شهيد 2500 جنية
المهم توتال اللي عملتة في العربية يوم الصيانة بالرش بكلة كان 5800 جنية من غير اي حاجة من الثلاث حاجات دول(السير والعلبة والبطاحتين)
وطبعا الفلوس زنقت مع الواحد شوية زمقدرتش اعمل اللي ساومني علية
المهم بعد يومين كدة لقيت بنت بتكلمني من التوكيل بس مش الميكانيكون العرب وقلتلها على القصة واستغربت جدا واديتني رقم تليفون لواحد اسمة (مستر توني) وقالتلي لو قلتله هيبهدل الوكيل دة علشان طلب منك كدة
بصراحة انا ما اتصلتش ولا وجعت دماغي علشان هي اصلا موجوعة
اصل انا سمسار في البورصة واظن انك فهمت
وبس يا باشا كل دة اللي حصل
طيب هقول لحضرتك انا مغير التيل الخلفي في الصيانة مثلا ب545 جنية
هو دة سعرة عند حضرتك ولا دة اغلى؟
وشكرا ليك يا باشا واسف على الاطالة