ردي على حضرتك في جزئية (احنا منعرفش مركز الخدمة في اسكندرية عامل ازاى)
عرض للطباعة
هشام باشا
فيه فرق بين مركز خدمة معتمد من التوكيل
و مراكز خدمة التوكيل نفسه
توكيل رينو له فرعين رئيسيسن فى القاهرة :
فرع المقطم - فرع العبور
فى الإسكندرية :
فرع التوكيل - العامرية
لكن فيه فى الرحاب مركز خدمة معتمد من التوكيل إسمه فرنش موتورز يعنى مش التوكيل نفسه
و حضرتك من حقك طبع تشتكى الوكيل نفسه لو فيه حاجة غلط
المكان الوحيد اللى على علاقة برينو فى الرحاب هو French Motors
حضرتك كلم 16202 و قولهم على الموضوع ده.....بس أهم حاجة أن بتاع خدمة العملاء اللى هيرد عليك تقوله أنك عاوز تكلم حد مسؤل.
و قبل ما تتكلم أتأكد من ال report اللى بيقولو فيه على حالة العربية.
جايز يكون كتب فيه أن التكييف مش شغال و أخوك مخدش باله
هو آلتكيف شغال لكن لما تيجي تيشعل التكيف السخن تلاقي فيه ميه خضره في الصالون و لما كلمت صاحب العربيه قللي ان كان عنده المشكله دي قبل كده و صلحها و قللي طالما انها ميه خضره يبقي اكيد التكيف
فا اخويا جرب العربيه من غير التكيف ومفيش ميه ظهرت
بس انا مش عارف تصليح المشوار ده ايه نظامو
مؤقتاً فقط ضع المؤشر على اللون الأحمر بدون تشغيل الكمبريسور و شغل المروحة فقط لتلافي دخول المياه الخضراء (مياه دورة التبريد) و حاول الإتصال بالكهربائي (بتاعي) كان في EIM و حالياً في توكيل أبو الفتوح هو شاطر و أمين
إسمه محمد عبده و رقمه 0101622305
بعد الضهر بيكون في الإبراهيمية ناحية صابر
و ياريت تبقى تطمني
:S_thum1[1]:
بص هو صاحب العربيه الله يخليه كلم اخويا و قلوا انوا كلم التوكيل او مركز الخدمه و قلولوا انهم صلحوا الموضوع ده قبل كده و صعب انوا يبوظ تاني و قلولوا هات العربيه و احنا نشوفها تاني
فا انا محتار اخلي اخويا يروح القا هره ولا اي خربائ في اسكندريه يشوفها لو الموضوع مش مستاهل
في حالة إن أخو حضرتك وصل لمحمد عبده و كشف له عليها حتكون (في رأيي) التكلفة أقل من سفر للقاهرة علشان تعرف حتعمل إيه بالضبط
لكن لو تضمن أنه يسافر القاهرة و تتصلح بدون تكلفة عليك يبقى توكل على الله
:U_thin1[1]:
ايه الموضو الجامد ده
الف شكر للرجاله الكبيره الي بتحب تساعد زي حبيب الكل شاركي وحبيب الشعب احمد عبد المقصود
ربنا يوفقكم
بالنسبه ليا توكيل الزاهد في السعودية ممتاز
انا فعلا ما باظش حاجه في عربيتي والحمد لله
لكن اسلوبهم محترم جدا
وبالنسبه لخدمة التشييك
بروح اخد موعد علشان التشييك وادخل العربيه عادي ( زي توكيل مرسيدس "الجفالي")
هو ده النظام هنا
أنابتعامل مع توكيل رينو العبور
و تقيمى له إنه توكيل ممتاز و مريح جدا بالنسبة لى فى إهتمامه بالعميل
موضوع ممتاز .... ولكن لم يتعرض أحد لموضوع الأسعار كقطع غيار ومصنعية .... لأنى أفكر فى شراء لوجان .... وعارف ان التوكيل محترم ولكن أسعاره نار .... فبرجاء الإفادة فى موضوع أسعار الوكيل ... وبارك الله فيكم
دى اسعار قطع غيار اللوجان
http://www.nilemotors.net/Nile/showthread.php?t=29289
على فكرة انا كنت في التوكيل و اكتشفت
ان صيانة الخمسة بعد العشرة بتبقى ببلاش
يعني صيانة ال10 و 20 و 30 و 40 و 50 و هكذا بفلوس
اما 15 و 25 و 35 و 45 و 55 و هكذا ببلاش
طبعا بجد حاجة جامدة جدددددددددددددددددددا
و توكيل رينو بيتفوق على نفسه بجد
أنا بتعامل مع توكيل رينو العبور
و تقيمى له إنه توكيل ممتاز و مريح جدا بالنسبة لى
ياريت تشرفنا بالمشاركة فالموضوع ده
http://www.nilemotors.net/Nile/showthread.php?t=51905
بصراحة كده انا اتعاملت مع توكيل رينو اسكندرية
كان مجرد استفسار عن اسعار قطع غيار وصيانة للرينو سيمبول والكيا ريو
بجد ناس محترمة جداً واستقبال آخر ذوق
حاجة كده تحببك في التعامل معاهم مش زي التوكيلات اللاموأخذة التانيين......
أن بدأت أتعامل مع توكيل رينو العبور..
توكيل ممتاز ...
استفسار صغير كدا لو سمحتو؟؟
هو انا لازم اروح كل الصيانات..كل 5 الاف كيلو..عشان ما اخرجش من ضمان رينو
ولا ممكن اكتفى بصيانات ال 10000 كيلو بس ؟
اصل المشوار حوالى 200 كيلو رايح جاى...الواحد هيقضيها زيارات للتوكيل ولا ايه؟:dzey:
الحمد لله والله من احسن التوكيلات ربنا يبارك لهم ويرحم محمد نصير كان راجل محترم فى حياتة وكنت خايف ان التوكيل يبوظ بعد وفاتة بس انا شايف انهم من احسن الى احسن
كنت من يومين بعمل صيانة السيمبول 15 الف ومكنتش بشتكى من حاجة بخلاف الصيانة العادية وتربيط العفشة راح المهندس ناده عليا وقالى احنا هنغير طمبورة مش عارف اية فى الموتور علشان عاملة خشونة خفيفة قلتلو انا مش شايف اى مشكلة والموتور ناعم جدآ الحمد لله وعمومآ الى انتم شايفينوا صح اعملوة وبلفعل تم نغيير الطرمبة على الضمان وخرجت بلعربية لاقتها انعم كتيير عن الاول اكاد لا احس هل السيارة شغالة ولا لاء ربنا يبارك فيهم ويصلح حالنا وحالهم وحال المصريين جميعآ مؤسسات وافراد
انا ادامى عربية ميجان مويدل 2005 مطلوب 60 الف فيها عداد 68 الف وعمل صيانة ال 60الف
عايز اكشف غليها لان يصراحة مشاركتكم شحعتنى اشتريها خاصة لما لاقيت الاويشنز الكتير اللى فيها وقلقان ان تظهر اعطال فيها بعد كدة
سعر الكشف فى التوكيل كام ؟ وهل مجتاج احجز قبل منها ؟
ياريت الرد ضرورى وشاكر تعاونكم
انا عندى سوألينو السوأل ألاول : انا عندى عندى هوندا سيتى مو 2008 فهل قطع الغيار فى نفس سعر الرينو ولا الرينو اغلى؟ انا بتكلم عن الاسعار فى مصر
السوأل التانى فى حالة ال Resale انا سمعت ان سعرها ممكن ينزل النوس فهل ده حقيقى؟
[gdwl]
السلام عليكم ورحمة الله وبركاته
عاوز كتالوج بارقام قطع غيار رينو وبارقام شاسيه
مشكورين
[/gdwl]
انا روحت توكيل رينو المقطم
بصراحة ناس ذوق جدا في التعامل
بس الحاجة الوحيدة اللي زعلتني اني سايب العربية اسبوع عندهم وهي لسه جديدة عشان في كام خبطة خفاف في الصاج
السلام عليكم
موضوع جميل فعلا :S_thum1[1]:
بس ليا سؤال حد جرب توكيل اكتوبر؟
و ايى رايكم فيه؟
صيانة المقطم غاية في الاهمال للعميل وانا عملت موضوع عند اول صيانة
بجد توكيل الأسكندرية جميل جدا بقيت الفروع مش اعرف لأن متعملتش الا مع الأسكندرية
طبعا بغض النظر عن الراجل الأسمر
انا كنت بتعامل مع توكيل العامرية من فترة طويلة واعرفهم كويس ولازم نقول الحق ناس عندها احساس كويس اوى اتجاة العميل وكل شىء لراحتة وبتعرف تتكلم معاهم وتتفاهم...بس هما الايام دى الله يكون فى عون الاصطف هناك عليهم لود عالى جدا .ومشمعنى ان فى عميل زعل يكونو وحشين دة الفرع الوحيد الشغال كيا ورينو فى الاسكندرية
اية موضوع الرجل الاسمر دة
دة عامل زى الرجل الاخضر ولااية
هههههههههههههههههههه ....الرجل الاسمر فى الاسكندرية....نفسى اشوفة من كتر الكلام علية
اية الرجل الاسمر دة
انا قدامي عربيه بتاعت واحد صحبي ميجان بانوراما بره و جوه 2006 عايز 67000 جنيه اخدها ولا لا ؟
و انتوا ايه رايكوا في العربيه عموما هل قطع غيارها مبالغ فيها و ممكن تقف فعلا و متمشيش اذا شفت علامه سيرفيس و مشيت بيها كام يوم و مطلعتش علي التوكيل ؟
يا اصحاب رينو فيدوني انا رايح اتفرج عليها انهارضه
و قولولي ارفعها في انهي توكيل ؟ ده اذا انتوا شايفين انها مناسبه اصلا
والله انا روحت اول تشك بتاع الالف فى توكيل اسكندريه وتقديرى ليهم جيد
يا جماعة توكيل رينو دا حرامى و خصوصاُ اللي في العبور انا اتعاملت معاه مرة واحدة بس واليكم التجربة :
انا شغلي في العاشر من رمضان وكنت هناك وانا معايا ميجان 2,فجأة و انا ماشي بالعربية قطعت وبعدين وقفت ومش راضية تدور وبعدين كلمت 16202 وقالولي اقطرها علي ونش وتعالي العبور ,العربية استلموها واخدت رقم المهندس علشان هيكشف ويبلغني بالعطل, وبعدين بعد يومين من الكشف و الفحص بلغني ان العيب طربمة البنزين و تغيرها ب 1800 ج +الضريبة .
وبعدين كلمت الميكانيكي من صقر قريش علشان اعرف هي ايه القصة وبكام برة قاللي ان الكيلومتر القليل اللي انا عامله صعب يكون الطربمة ثم ان الموتور بس بناع الطربمة هو اللي بيتغير و دا بيكون ب 150 ج طبعا شاورت عقلي و قلت اخدها اصلحها برة اوفر ,عديت علي الميكانيكي وخدت معايا طربمة استيراد علشان وواحد من الورشة علشان اركبها برة قدام التوكيل و ادور و اطلع علي الورشة اغير موتور الطربمة هناك , وبعدين رحت التوكيل ودفعت 50 ج مصاريف كشف واستلمت العربيه لقيت اول حاجة perfum مسروق من التايلوه و دي كانت مشكلة صغيرة و مكتوب في ايصال استلام العربية ان الادارة غير مسئولة عن فقد اي شىء من السيارة وبعد الأعتذارات زقولي العربية لغاية برة , شلنا الكنبة ولسه بنفك الطربمة علشان اركب الأستيراد ملقتش ولا نقطة بنزين في العربية ودا بيبان لما تبص جوا التانك من تحت الطربمة وطلع العيب ان العربية ما فيهاش بنزين و ان الم}شر معلقٌ اي والله طبعا حطيت بنزين دارت علطول بنفس الطربمة بتاعتي اللي هى معايا لغاية دلوقتى 154000 ك .
علشان كده بقول انهم حرامية و مبيفهموش و اسهل حاجة عندهم غيير .......
بصراحة بدون مجاملة انا اشتريت ميجان2موديل 2008 فى اخر مارس 2010 وصرفت عليها خارج التوكيل وعندما كانت المشكلة فى الدينامو ولفيت القاهرة وبورسعبد واسكندرية على مستعمل لم اجد وكلمت صاحبى فى فرنسا لم يجد فليس امامى سوى التوكيل لدرجة اننى فكرت فى البيع ومهما كانت الخسارة لسوء حالتى النفسية ووقتى ضيق بسبب ظروف عملى واشتريتة وركبتة فى التوكيل وقمت بادخال السيارة فى الضمان وبداءت اتعامل مع التوكيل فى الاسكندرية ..بكل امانة فريق العمل الموجود وكفائتهم العالية وخدمة عملائة على اعلى مستوى والامانة لدرجة اننى احببت الاحتفاظ بالسارة ومهما دفعت ولكن الخدمة الممتازة لها ثمن وخصوصا ان طبيعة وظيفتى بيع خدمة ةليس سلعة ملموسة وهذا اصعب
ولذلك يستحقون اعلى درجة تقييم
يااخى العزيز ليس بدافع عنهم وفى كل مكان شواذ .. ولكن لوقدمت شكوى اوارسلت اميل للشركة شوف ماذا كان سيتم معاك لان صديقى حدثت معة مشكلة وارسل اميل للشركة بفرنسا كان الردسريع وتحددلة ميعاد لمقابلة كبيرى مهندسى الشركة من القاهرة وتم عمل كل ماطلبة وبدون دفع مليم واعطوة سيارة لمدة3ايام لحين الانتهاء من اصلاح سيارتة..
ده حصل معايا برده بس بعد ما بعت ميل لفرنسا فيه كل التفاصيل الفنية بالمستندات للي حصل في عربيتي بداخل التوكيل و بعد الضمان لا اذهب للتوكيل نهائيا و ان شاء الله مش هروحله ابدا
طب و عملوا ايه طمني , انا بردو بتعامل دلوقتي مع عادل في صقر قريش هو فاهم جدا و ما بيفتيش و حافظ العربية و مريح و امين جدا جدا انا بنصح الناس بلاش خوف و يطلعوا برا التوكيل ان فضلت مع التوكيل لغاية ال 105000 ك و برة لغاية ال 155000 ك يعني نص اللي قعدتوا في التوكيل بصراحة مش تعبان خالص بالعكس مستريح جدا .