:: بالفاميه: أول لجنه مرور بعد الثوره وموقف غريب !

**magid1010** · 10-04-2011 07:45 PM

المشاركة الأصلية كتبت بواسطة pro_samir

سلام عليكم

انهارده أول مره الاقي لجنه عندنا بعد الثوره .. في طنطا الساعه 1:30 بالليل شارع البحر عند المحافظه

انا مفيم العربيه درجه وسط بتسمح بالرؤيه عادي حتي بالليل ، داخل علي اللجنه وموقفين كذا عربيه معظمهم فاميه دارك راكنين و واقفين مع الظابط .. معرفش أمين ولا ايه كان لابس ميري بقوله سلام عليكم لاقيته هو كمان بيقولي سلام عليكم :) ! وبيشاورلي الرخص ومش عارف شكله كان محتار ليه

اديتهاله بص فيها شويه وبعدين قالي اركن وتعالي .. بقوله خير في حاجه ! قالي لا بس الشباب عينهم عليك اركن وتعالي خدها !

ركنت بعد اللجنه جنب العربيات اللي واقفه ورجعتله اداني الرخص ومشيت ! ! !

مش قادر افهم الحقيقه يعني مجابش سيره الفاميه علشان درجه خفيفه مثلا ولا في ايه ! انا قلت لو ادي الرخص للظابط هتتسحب هتتسحب لأن العربيه واقفه بعيد عنه لو بص عليها مش هيبان ان كان الفاميه خفيف ولا دارك بالليل بس لاقيته واقف جنبهم واداني الرخص وشكرا مشيت ! من الاستغراب حتي مجاش في بالي اسأله ليه كده

يا باشا ده علشان اهل طنطا ناس طيبن

و طبعا احنا بلاديات

**mrghost** · 10-04-2011 08:35 PM

زميلى برضه مفيم بس من قبل الثورة ولسه رخصة العربيه مسحوبه اول امبارح فى لجنه فى اول عباس العقاد ولسه مجبش الرخص

**Ramy_2R** · 10-04-2011 10:07 PM

المشاركة الأصلية كتبت بواسطة damasry

العربية لما جيبتها كانت مفيمة سوبر سوبر دارك كله عشان انا شاريها من مستشار فى محكمة امن الدولة :)

والله لما كنت بدخل على اشارة كنت بنزل الزجاج كله وشلته طبعا على طول عشان انا مش بحب اكون ماشى عامل حاجة غلط

العربية عندى اصلا الزجاج الفابريقة بتاعها غامق سنة لكن محدش بيتكلم معايا الحمدلله ويفتكره انه فاميه.

دلوقتى وقبل ثورة 25 يناير كنت بدخل على اجدعها كيم فى مصر بقلب جامد ولما يطلب الرخص اقوله اتفضل ومش بيقدر يتكلم عشان الحمدلله مفيش حاجة غلط فى العربية

على فكرة بعد تنحى الرئيس بكام يوم لقيت عربية حاطة الاستيكر على النمرة وفيها اربع شباب جريت وراه وكلمتهم انهم يشيلوا الاستيكر واننا لازم نبدأ التغيير بنفسنا.

طب كان فيه أستجابه منهم ؟

**pro_samir** · 10-04-2011 10:41 PM

الموضوع قلب ليه كده :)

اللي اعرفه ان مفيش حاجه في القانون اسمها الفاميه ممنوع ودورت كتير ملاقيتش .. قبل كده لما الرخص اتسحبت علشان الفاميه كان درجه خفيفه زي دلوقتي ومع ذلك اتسحبت والبيه كان كاتب في الايصال "حاجب للرؤيه !!!!" طيب هو مكانش حاجب للرؤيه يبقي مين اللي صح ؟
انا بتكلم علي الدرجه اللي انا مركبها مش علي الناس اللي عاملاها أوضة نوم

وبعدين هو مشاني ليه لو شايف انه مينفعش في حين ان الناس بتاع الدارك واقفين ؟

علي فكره انا عملت فاميه تاني بعد ما فصلت طقم ستائر كبس للعربيه كلها لكن طلع الفاميه احسن خصوصا بالليل وزغللة نور العربيات في المرايات حاجه مرهقه جدا للعين

**AhmedBahgat** · 10-04-2011 11:33 PM

المشاركة الأصلية كتبت بواسطة pro_samir

الموضوع قلب ليه كده :)

اللي اعرفه ان مفيش حاجه في القانون اسمها الفاميه ممنوع ودورت كتير ملاقيتش .. قبل كده لما الرخص اتسحبت علشان الفاميه كان درجه خفيفه زي دلوقتي ومع ذلك اتسحبت والبيه كان كاتب في الايصال "حاجب للرؤيه !!!!" طيب هو مكانش حاجب للرؤيه يبقي مين اللي صح ؟
انا بتكلم علي الدرجه اللي انا مركبها مش علي الناس اللي عاملاها أوضة نوم

وبعدين هو مشاني ليه لو شايف انه مينفعش في حين ان الناس بتاع الدارك واقفين ؟

علي فكره انا عملت فاميه تاني بعد ما فصلت طقم ستائر كبس للعربيه كلها لكن طلع الفاميه احسن خصوصا بالليل وزغلله نور العربيات في المرايات حاجه مرهقه جدا للعين

الفامية مجرم بقانون المرور تحت مسمي الملصقات

**damasry** · 10-04-2011 11:59 PM

المشاركة الأصلية كتبت بواسطة romio11192

طب كان فيه أستجابه منهم ؟

والله بعض اللى كانوا راكبين العربية تجاوبو والبعض الاخر قعد يضحك ويهزر معايا

طبعا انا مش استنيت انهم يقفوا واتأكد لانى مشيت على طول

اللذيذ بقى ان كان معايا واحد صاحبى من معارضى الثورة ووووووو

كنا بنتكلم على الثورة والشعب وكان بيقولى احنا شعب همج وكده وجت العربية دى قدامنا فا قالى تفضل شوف هما دول اللى ........

فطبعا قلتله ده تصرف غلط وكمان غلط انى اسكت عليه وصممت انى اتكلم معاهم وهو لا بلاش ها نتخانق، ها تسمع كلام مش ظريف منهم وانت مالك وكده

**JUVENTUS** · 10-04-2011 11:59 PM

فيه لجنة برضو واقفة في جسر السويس قبل كوبري التجنيد مباشرة و بيشيلو الفيميه

**damasry** · 10-04-2011 11:59 PM

المشاركة الأصلية كتبت بواسطة ahmedbahgat

الفامية مجرم بقانون المرور تحت مسمي الملصقات

اعتقد حجب رؤية وليس ملصقات

-

الموضوع: :: بالفاميه: أول لجنه مرور بعد الثوره وموقف غريب !

LinkBack

أدوات الموضوع

عرض

-

-

-

-

-

المواضيع المتشابهه

تجربتى فى تغيير تيل الفرامل وموقف غريب مع تارجيت ... فيصل

موضوع غريب بعد مرور عام علي تركيب الزينون في العالي

مالم تعرفه نبذه من حياة رؤوس الفساد احمد نظيف قبل الثوره واثناء الثوره وبعدها

صور سايبا برايد الجديده وموقف غريب جدا فى جناح الشركه

بابا ولا ماما وموقف ادعو الله الا نقع فيه

الكلمات الدلالية لهذا الموضوع

المفضلات

المفضلات

ضوابط المشاركة