:: بالفاميه: أول لجنه مرور بعد الثوره وموقف غريب !

**pro_samir** · 10-04-2011 04:07 AM

سلام عليكم

انهارده أول مره الاقي لجنه عندنا بعد الثوره .. في طنطا الساعه 1:30 بالليل شارع البحر عند المحافظه

انا مفيم العربيه درجه وسط بتسمح بالرؤيه عادي حتي بالليل ، داخل علي اللجنه وموقفين كذا عربيه معظمهم فاميه دارك راكنين و واقفين مع الظابط .. معرفش أمين ولا ايه كان لابس ميري بقوله سلام عليكم لاقيته هو كمان بيقولي سلام عليكم :) ! وبيشاورلي الرخص ومش عارف شكله كان محتار ليه

اديتهاله بص فيها شويه وبعدين قالي اركن وتعالي .. بقوله خير في حاجه ! قالي لا بس الشباب عينهم عليك اركن وتعالي خدها !

ركنت بعد اللجنه جنب العربيات اللي واقفه ورجعتله اداني الرخص ومشيت ! ! !

مش قادر افهم الحقيقه يعني مجابش سيره الفاميه علشان درجه خفيفه مثلا ولا في ايه ! انا قلت لو ادي الرخص للظابط هتتسحب هتتسحب لأن العربيه واقفه بعيد عنه لو بص عليها مش هيبان ان كان الفاميه خفيف ولا دارك بالليل بس لاقيته واقف جنبهم واداني الرخص وشكرا مشيت ! من الاستغراب حتي مجاش في بالي اسأله ليه كده

**WaleeD-ZidaN** · 10-04-2011 04:32 AM

امبارح على الساعة 8 كدة كان فى لجنة فى اول عباس العقاد موقفين صف عربيات طوووووويل عشان الفميه

**beetleMOSH** · 10-04-2011 04:43 AM

والله انا الموقف ده حصل معايا و قبل الثوره كمان
انا مفيم العربيه كلها بس برضو درجه وسط
مغمقه الازاز بس بشوف كويس اوى من جوا
المهم دخلت على اللجنه الامين قال رخص
ادتهالو كلو فى السليم
بص على العربيه و ادانى الرخص و مشيت !!!!
انا قلبى كان فى الدواسه اصلا لانى كت شايف تفخخخخخخخ فى اللجنه
و عدت الحمد لله
ربنا يسترها علينا بقى d:

**abdalah_hashem** · 10-04-2011 07:34 AM

هههههههههههههههه
ما قولنا من الاول امشى عدل يحتار عدوك فيك :))
ربنا يحفظنا شر الطريق والمخالفات

**hossam_elwani** · 10-04-2011 03:25 PM

النظام والقانون لابد ان يحترمه الجميع وهو ده التغيير الحقيقى

**alaa99991111** · 10-04-2011 03:29 PM

المشاركة الأصلية كتبت بواسطة hossam_elwani

النظام والقانون لابد ان يحترمه الجميع وهو ده التغيير الحقيقى

+1111111111111111111111

**تامر.محمد** · 10-04-2011 03:29 PM

المشاركة الأصلية كتبت بواسطة hossam_elwani

النظام والقانون لابد ان يحترمه الجميع وهو ده التغيير الحقيقى

+1

**HOSSAM99** · 10-04-2011 03:47 PM

السلام عليكم
ممكن تشيل الفاميه ... عادي لن يؤثر في أي شئ إن شاء الله و يبعد عن عربيتك الشبهه نهائي ونبقي داخلين علي أي لجنه بكل فخر و نقول له أتفضل الرخص
و ممكن حضرتك تصور عربيتك بالفاميه و تشيل الفاميه وتصورها تاني وتبدأ حمله علي المنتدي وتنادي بشيل الفاميه وتعمل موضوع كبير بكده ويبقي ليك الثواب في أنك شجعت أي حد علي تطبيق القانون و يشيل الفاميه

وموضوع التساهل ده لن يدوم طويلا هيبقي فيه مخالفات

-

-

الموضوع: :: بالفاميه: أول لجنه مرور بعد الثوره وموقف غريب !

LinkBack

أدوات الموضوع

عرض

:: بالفاميه: أول لجنه مرور بعد الثوره وموقف غريب ! - انشر الموضوع فى :

-

-

-

-

-

المواضيع المتشابهه

تجربتى فى تغيير تيل الفرامل وموقف غريب مع تارجيت ... فيصل

موضوع غريب بعد مرور عام علي تركيب الزينون في العالي

مالم تعرفه نبذه من حياة رؤوس الفساد احمد نظيف قبل الثوره واثناء الثوره وبعدها

صور سايبا برايد الجديده وموقف غريب جدا فى جناح الشركه

بابا ولا ماما وموقف ادعو الله الا نقع فيه

الكلمات الدلالية لهذا الموضوع

المفضلات

المفضلات

ضوابط المشاركة