بص بقى انا عديت على كمين في اول الهرم وانت جاي من الجيزه وداخل الهرم طبعا انا مفيم سوبر دارك بلاك!! يعني كنت مفيم درجه اخف وبعدين فيمت فوقيها دارك بلاك وانا داخل على اللجنه نزلت ازاز العربيه الاربعه خوفا من الفاميه لقيته بعد ما خد الرخص بيقولي ارفع الازاز ده كده !! طبعا انا قلت بسسسس لبست يا معلم !!! قالي انت عارف لو كنت دخلت عليا من غير ماتنزل الازاز منكتش كلمتك بس منظرك كده مفقوس قوي ! هههه طبعا انا من الكسوف قلتله معلش انا عملت كده عشان ابعد عن المشاكل وعشان معرفش الظابط اللي انا داخل عليه ده مزاجه حلو ولا وحش هههه طبعا كان الوقت متأخر بعد الحظر بس اما عرف اني دكتور وراجع من المستشفى قالي طيب يادكتور ابقى شيل الفاميه ده قلتله حاضر واداني الرخص وسابني مشيت !!!
المفضلات