العربيه بتاكل بنزين وعايز مكان كويس يكشف ويقولي السبب

**X_MM_X** · 10-04-2011 08:59 AM

السلام عليكم

اما معايا لانسر 2007 خليجي . المهم العربيه بتاكل بنزين كتير وانا مسافر مصر ان شاء الله النهارده بليل

فعايز مكان - توكيل او غيره يفحص بس ويقولي ايه السبب - وانا هبقى اتصرف في قطع الغيار

ياريت تدلوني وشكرا ليكم

**M.Al-Hefnawy** · 10-04-2011 02:03 PM

ممكن تقولنا العربية اوتوماتيك ولا منيوال وماشية قد ايه وآخر مرة غيرت البوجيهات وفلتر البنزين امته.

وبتعمل كام كيلومتر في الصفيحة.

**dr.amr** · 10-04-2011 02:04 PM

انا بصراحه معرفش مكان التوكيل الجديد
بس ممكن تروح مصريه التوكيل السابق
في قليوب او في غمره ايهما اقرب لك

**X_MM_X** · 10-04-2011 02:12 PM

المشاركة الأصلية كتبت بواسطة egy77

ممكن تقولنا العربية اوتوماتيك ولا منيوال وماشية قد ايه وآخر مرة غيرت البوجيهات وفلتر البنزين امته.

وبتعمل كام كيلومتر في الصفيحة.

اتوماتيك يا باشا , 40 الف كيلو , 1300 سي سي , البوجيهات غيرتها على 30 الف تقريبا , فلتر البنزين متغيرش , بتعمل الفول تانك بيمشيني حوالي 300 كم في سفر او من غير سفر

**limo** · 10-04-2011 02:40 PM

فى احتمال ان العربيه عندك تكون عايزه صيانه ال40 الف كليو والى بتغير فييها فلتر الهواء والبنزين الى هما ممكن يكونوا سبب رئيسى لزياده استهلاك البنزين
انا برضو العربيه عامله معايا 39000 كم وحاسس وانها بقت تقيله فى السحب الفتره الى فاتت وكمان استهلاك البنزين زاد فى الفتره الاخيره يعنى برجح انها تكون عايزه صيانه ال40 الف كم فان شاء الله ناوى اعملها كده واحطلها منظف دوره وقود وافولها 95 كده واجرب وربنا يسهل

**X_MM_X** · 12-04-2011 05:32 AM

يا باشا بقالها فتره كبيره جدا بالشكل ده ما أظنش انها حكايه فلاتر

**Haitham10** · 12-04-2011 10:55 AM

لو انت مش حريقة عالدواسة .. يبقي دة معدل كتير فعلا حضرتك انصحك تشوف فرع قليوب يكشفوا علي العيب ولو سهل اعمله هناك لو مكلف اعمله بره ولو في الحرفيين ... فرع قليوب هو تبع التوكيل القديم وهتلاقي الاستاذ طارق هناك راجل محترم وبيخدمنا كلنا .. صاحب موضوع انت تسأل واستشاري ميتسوبيشي يجيب تقدر تسأله علي اي حاجه مبيتأخرش