الموضوع: إزاز و زوايا وطارة وشوية اشتغالات

المشاركة الأصلية كتبت بواسطة mailo

رحت امبارح عشان احقن إزاز العربية عشان فيه واد ابن تيت رملي عليه طوبة وشرخو
المهم عند دكتور خالد اللي ماينفعش المفروض يتحدد حوالين الشرخ
1- فيه حد يعرف حد بيحدد إزاز فالمعادي ؟

قلت أروح اظبط زوايا رحت طالع على وطنية اللي على ال اوتستراد
ظابط الزاوايا بطريقة غريبة كده وبجهاز غريب المهم طلعت لقيت العربية بتطلع على الرصيف اليمين ومصممة على كده
رجعت تاني لبتاع الزاوية قال لي هاظبطلك الطارة عشان فيها حدفة يمين
قلتله هي مفيهاش حاجة وسليمة وكانت سالما والعربية مابتحدفش المهم قال لي هظبطهالك وجرب
وقال لي أنا هاظبطها من تحت من غير ماتتفك

المهم العربية اتعدلت بس الدركسيون عندنا بيلف لفة و تلتين في أي اتجاه اكتشفت بقى إن اليمين بقى يلف لفة ومش مكمل نص اللفة التانية

رحت رايح متخانق معاهم فالبنزينة وطلعت على كالتكس اللي فالنصر
نزلنا تحت العربية فعلا كان فيه فرق بين العجلة والمقص لما بلِف يمين حوالي 1.5 2 cm عن الشمال

بتاع الزاوية قال لي مش مستاهلة شغل ولما نيجي نغير معرفش إيه كده 'بارات باين أو حاجة فالدركسيون ' نبقى نظبطها

قلتله طب أنا مرة اتخبط فالعجلة اللي ورا
راح بص عليها وقال لي دي مايلة شوية روح للعافشجي قولوا يحطلها وردتين عشان يعدلها بدل مايعملها عند السمكري وزارجينا وكلام كتير كده أنا مفهمتوش
وأكيد هي دي اللي كانت عاملة المشكلة ولما تظبطها ونظبط زاوية ال تارة هتتعدل

المهم يعني أنا مش فاهم أي حاجة في أي حاجة

دلوقتي
2-ميل العجلة اللي ورا ده إيه تأثيره على الزاوايا والدركسيون ؟
3-هو حتى لو الدركسيون مش معدول لما اظبط زوايا العيب ده يبان ؟؟؟!!!!!!
4-طب أنا دلوقتي لما اتخبط محستش بيفرق أصلا وعربية كانت بتمشي زي الفل دركسيون ومفيش أي حدفات في أي حتة اشمعنا بقى المشكلة دي طلعت لما ظبطت الزاويا وربطت العفشة عند نفس البني آدم
5-اعمل إيه بقى عشان ارجع الدركسيون بتاعي معدول من غير مفكو عشان الواد بوظه من غير مايفوكو قعد يربط مسامير من فوق العجلة وخلاص

وكل ده بسبب أحمد ميدو عشان مصحيني من الصبح بدري عشان أنزل انيل الإزاز وجه معايا
مسيري أشوف عربيتك ما أنا كنت نايم فحالي

انا ممكن اجاوبك على سؤالين 3 و 5

3- بالفعل لما تظبط الزوايا لو الدركسيون مش مضبوط يبان و تلايه اتعوج معاك

5-اصلا استعدال الدركسيون مش بيتطلب انه يتفك ده له مكان من تحت بيحركوه منه يمين و شمال لغايه اما يظبطوة

المشاركة الأصلية كتبت بواسطة mailo

هو قال لي على العجلة اللي مخبوطة بالنظر بس كان طبيعي يعني عشان الرفرف اللي فوقها كان مخبوط

يبقى هو مش فكيك... هى باينة بالنظر ان دى العجلة اللى فيها مشكلة من الخبطة

أنا بس مش متخيل إن خبطة زي دي تبوظ الزاويا لأن دي العجلة اللي ورا
وبعدين سؤال هو الزوايا دي بتبقى عجل قدام وورا ولا قدام بس ؟

لا طبعا تاثر و نص... مهو اتزان و استقامة العربية على الطريق جاى من مجموع زوايا الاربع عجلات... لو عجلة واحد زواياها مض مضبوطة حتاثر على العربية كلها بغض النظر العجلة دى امامى ولا خلفى

لو بنتكلم بشكل علمى يبقى مجموع زوايا العجلات الاربع بتاثر فى حاجة اسمها الthrust angle و اى عجلة فيها toe in او toe out مش مضبوط حتاثر على الthrust angle بالسلب و العربية تبقى بتحدف او ماشية بجنبها

في وطنية قدام بس
كالتكس بيلف حبل حوالين العجل اللي ورا

دى طريقة الشغل اللى بيطلق عليها "كعور و ادى الاعور"

شل اللي في دمشق كان رفع العربية من على الأرض وركب على الأرْبع عجلات sensors

هو تركيب اجهزة القياس على الاربع عجلات صح... بس رفع العربية عن الارض غلط... المفروض الزوايا بتتقاس و هى واقفة على الاربع عجلات

لو عندك معلومات عن قصة الزاويا أو articls بتشرح الكلام ده ياريت تفيدني عشان أنا عايز أفهم قبل مااروح

Wheel Alignment Explained - What is Caster, Camber, Toe In, Toe Out, Alignment - Four Wheel Alignment

Tire Tech Information - Alignment

HOLT AUTOMOTIVE CENTER : Services

Perfect Alignment Manchester- Wheel Alignment Experts

MMamdouh

تعريف تضبيط الزوايا هو الكشف عن قياس زوايا ميل العجلات فى الاتجاهات الثلاثة و المعروفة باسم الكامبر و الكاستر و لم المقدمة

و معنى انك تروح تضبط زوايا هو انك تروح لورشة تقيس زوايا الاربع عجلات و العجلة اللى قياساتها مش فى حدود المسوح به حسب نوع و موديل العربية بيتم تصحيح زواياها عشان تبقى فى الحدود المسموح بيها

اذا معنى كدة انك حتروح الورشة... الراجل حيكب اجهزة القياس... حيكتشف ان العجلة الخلفية فيها مشكلة... حيكشف عليها بالنظر عشان يشوف القصة ايه... و بناء على الكشف دة حيقولك الحل ايه...

ممكن هو يقدر يعادل الفرق من خلال رجلاش الشداد الخلفى... و ممكن يكون الشداد الثابت معووج و لازم يتغير... ممكن تكون العجلة عايزة زرجينة... و ممكن يكون الاكس معووج و محتاج تغيير... طبعا الكلام دة مش حيتحدد الا لما يتم الكشف الفنى و النظرى على العجلة لمعرفة الزاوية المختلة و شبب الاختلال

MMamdouh