اشكال المرايات ل504

**darsh_darsh** · 21-04-2011 10:03 PM

المشاركة الأصلية كتبت بواسطة sterio_504ever

انا كل مسال حد عن حوار الازاز الكهربا يقولى 300 ملقتش سعر ارخص من كده

انت ساكن فين بالظبط وسالت هل السعر ده شامل التركيب والزراير ولا لا انا سالت لاقيت فى واحد بعد محطه مترو المنيب بيركب مكن يبانى ويعدله على البيجو وقالى هيتكلف 320 بالتركيب غير الزراير والتوصيل

**darsh_darsh** · 22-04-2011 01:41 AM

انا سالت على المرايات وملقتش خالص منها كل اللى سالته وصفلى واحد اسمه سعيد فى وسط البلد
انا عموما نازل يوم السبت انشاء الله التوفيقيه هسالك هناك

**sterio_504ever** · 22-04-2011 04:07 AM

انا ساكن فى حدائق القبه بس قالى 300 بالتركيب بكل حاجه

**darsh_darsh** · 22-04-2011 06:39 PM

انا عايز اركب فوانيس تحت الاكصدام زى بتاعه الشبوره بس يكون نورها قوى تحس انك منور النور الواطى
ديه نوعها ايه ولو عندك اشكال ليها

**darsh_darsh** · 23-04-2011 12:20 AM

وعايز اقوى لمبات تركب على الفانوس الاساسى اسمها ايه وكام وات وسعرها كام وهل تاثر على الفانوس
ولا لا
منتظر الرد ضرورى عشان نازل بكره التوفيقيه

**darsh_darsh** · 24-04-2011 01:28 AM

ازيك عمرو انا سالتلك فى التوفقيه محلات كتير على المرايات سواء الدايو او شيفروليه
وملقتش خالص وعموما انا موصى واحد شغال فى الدايو يعرفلى سعرهم كام وموجودين فين بالظبط
وياريت ترد على المشاركات 84و85

**amrelsaqqa** · 24-04-2011 01:43 AM

تسلم يا باشا تعبتك معايا
بس ده انا مكنتش متوقع انهم مش موجودين كدة
انا كنت فاكرهم زي مرايات اللانوس والفيرنا كدة يعنى يتجابوا من عند البقال

عموما انا شاكر ليك جدا
وبالنسبة للمشاركات 84 و 85 بصراحة برضه معنديش فكرة في موضوع النور ده
بس اسأل برضه في التوفيقية على لمبات الفوجات واوصفلهم اللى انت عايزه بالظبط وهتلاقى عندهم حاجات زي اللى انت عايزها
انا بشوف فوجات صغيرة كدة بتركب على ال128 واعتقد في تشكيلة كبيرة وممكن تنقى حاجة تليق على البيجو

**darsh_darsh** · 24-04-2011 02:26 AM

انا مركب اللى بيركبو على 128
لكن انارتهم تعبانه جدا ونفسى اقوى كمان الفوانيس الاصليه انت حاطط لمبات ايه عندك
وبالنسبه للمرايات انا موصى ناس عليها وانشاء الله اعرفلك سعرها ومكانها
وانا شوفت فى التوفيقيه الفوجات ديه بس شبه الى عندى او مدوره وكلهم تحس انهم ضعاف وبيسخنو جدا وفى نفس الوقت اناره ضعيفه
كان زمان فى لمبات لل128 بيقولو عليها لمبات زيبئق
تعرف نوعها ايه ديه
والازاز الامامى لو هعملو كهربا يتكلف كام

**darsh_darsh** · 24-04-2011 02:42 AM

وانا عندى الجنوط الاصليه بتاعه 504 وانا مركب طاسات اللى هى نيكل كده موره وانا شوفت طقم طاسات اللى بتبقى راكبه على الجنط كله والافيز البلاستيك ده وعليها رسمه البيجو والراجل اساسا بيصفى المحل وقالى ابيعهملك على 120 وقالى انهم يركبو عادى على الجنط بتاع 504 فانت رايك ايه هل فعلا ينفعو يركبو
هما عاملين زى الطاسات بتاعه الفرنا كده

**abo_hosni** · 24-04-2011 05:14 PM

أنا مركب مكن زجاج كهرباء أمامي ياباني استيراد بـ 180 جنيه بس عند واحد اسمه رضا في الزقازيق
و الزراير الواحد بـ 12 جنيه. و وحدة رفع بـ 35 جنيه و شوية سلك و أجرة للكهربائي بتاع 30 جنيه