الموضوع: اشكال المرايات ل504

وبالنسبه لتركيز الميه مش عالى وهل ازود دائما مياه خضراء ولا ايه

منتظر ردك بالنسبه للريداتير وتغير المياه

المشاركة الأصلية كتبت بواسطة darsh_darsh

وبالنسبه للردياتير انا مغيره عندى بواحد كبير 3 ماسوره مفهوش حنفيه من تحت ينفع افك الخرطوم اللى تحت الواصل بالطرمبه

مش عارف والله موضوع الردياتير ده ايه نظامه
فمش عايز افتى بس
جرب تفك الخرطوم وتنزل المية برضه عادى وتحط المية الجديدة

ومش عارف هل يكفى انك تزود بالمية الخضرا بس ولا ايه

وما تنسانيش بقى في موضوع المرايات زي ما قلتلك

انشاء الله يعنى لو زودت مياه خضراء بس فى مشكله
وبعدين لما هفتح لخرطوم وافضى المياه هيتبقى جزء من الماء الموجود داخل الموتور ده مفيهوش مشكله
وهو انت بتستخدم ماء نوعه ايه

انا كنت عايز اسالك سؤال مهم
انا لما بلف ملف يمين بالعربيه بسمع صوت طقطه فى العربيه فده تفتكر سببه ايه
علما انى شحمت العربيه وظبط زوايا والبار اليمين المشحمه بتاعته مكسوره ومتشحمش لكن العربيه كلها اتشحمت

المشاركة الأصلية كتبت بواسطة darsh_darsh

ان شاء الله يعنى لو زودت مياه خضراء بس فى مشكله
وبعدين لما هفتح لخرطوم وافضى المياه هيتبقى جزء من الماء الموجود داخل الموتور ده مفيهوش مشكله
وهو انت بتستخدم ماء نوعه ايه

انا الردياتير عندى فيه خرم من فوق ومتبهدل
وبينقص مية كتير والعربية اصلا مش بتسافر يعنى فمش مهتم اوى بموضوع المية وبزود مية عادية جدا

بس حصل النهاردة عشان الحر موقف رخم لقيت الحرارة نطت لحد قرب النص كدة فجأة وانا اصلا يدوبك مشيت 3 كيلوو ولا حاجة
مشيت بالراحة وروحت البيت زودت مية لقيت الردياتير يعتبر كان فاضى اصلا وربنا سترها

هو اللى حصل ده ممكن يأثر على الموتور في حاجة ولا عادى ؟
الحرارة كانت قبل النص بحاجة بسيطة بس الحمد لله ما طلعتش عن كدة

متخفش طالما مدخلتش للاحمر يبقى مفيش مشكله وجت سليمه الحمد لله بس انصحك تغير الريداتير لان الحر شديد وبيسخن العربيه والبيجو مش بتحب السخونيه
ومنتظر ردك بخصوص الطقطقه
واخبار دائره ار بى ام ايه

المشاركة الأصلية كتبت بواسطة darsh_darsh

انا كنت عايز اسالك سؤال مهم
انا لما بلف ملف يمين بالعربيه بسمع صوت طقطه فى العربيه فده تفتكر سببه ايه
علما انى شحمت العربيه وظبط زوايا والبار اليمين المشحمه بتاعته مكسوره ومتشحمش لكن العربيه كلها اتشحمت

ممكن تكون بطاحات ( اللى هى بتبقى فوق المساعد وبتلف معاه )
وممكن تكون حاجة تافهة زي تيل فرامل قافش او كدة
انا كان عندى صوت صفارة مع اللف اليمين بس برضه وكانت كأنها من العفشة وطلعت من التيل

وممكن تكون عندك من البار برضه

انت ممكن ترجع تسأل بتاع الزوايا تانى عن الموضوع وهو اللى هيقولك هى ايه بالظبط حتى لو ماعملهاش هو ، لأن انا برضه كنت رحت ظبطت زوايا وسألته بعدها على الصوت ده خصوصا انه ظهر بالصدفة بعد ظبط الزوايا على طول وهو اللى اقنعنى انه تيل ورحت لميكانيكى وعملها