ائتلاف شباب الثورة يعلق حواره مع المجلس العسكري

**A.Saad** · 10-04-2011 09:20 PM

المشاركة الأصلية كتبت بواسطة medo2o1o

استاذ سعد
الاتلاف نفسه غير مؤيد الاعتصام و قال انه لم يدعو ليه فجر يوم السبت

لكن هو دلوقتى بيهدد بانه هيعتصموا لو المطالب متنقذتش

اما ان المجلس غلط انه احترم الناس

احب اقول لحضرتك انه لو محترمش الناس هتبقى حرب اهلية

انا فقدت الثقة فيه خلاص

يا استاذى العزيز
ليه بنجبر المجلس على حاجة ممكن توصلها بالحوار
مقلتش حاوره ليوم القيامة
لكن يرضيك ضرب الظباط وحرق الاسلحة
مش الاسلحة دى ملكى وملكك
هل الديمقراطية فيها الاعتصام وقفل الميدان بالشكل ده
اتمنى تكون شفت فيديوهات للميدان واللى حصل فيه
مين المستفيد من انقسام الجيش والشعب
هتلاقى الثورة المضادة
لاانت كواحد من الثوار
ولا انا كواحد من المعارضين للطريقة دى

**hosar** · 10-04-2011 09:23 PM

مع كل الاحترام للسادة الاعضاء
الثورة أشاد ليها كل زعماء العالم لا يصح التكلم عنها إلا بما ينبغى أن يقال ..... الدور و الباقى على السادة إلى تولوا الثورة و زرعوا انفسهم فيها و ركبوا على الموجة

**SeiffoZ** · 10-04-2011 09:24 PM

هو الناس مش عارفة إن القانون بعد حظر التجول يعنى الضرب فى المليان ؟؟؟

و محدش عايز ينفذ القانون ..

و القضاة عايزين يعملوا إعتصام عشان عازين قانون يسمح لولادهم إللى جايبين مقبول بالعمل فى القضاء لأن الولاد إتربوا فى جو قضائى !!

و مجدش عايز ينفذ القانون ولا يحترمه ..

و الناس ماشية بعربياتها ببلطجة و كله ماشى عكسى ..

و أى حد ليه رأى مخالف يبقى إبن كلب ... و أى حد مش عاجبه السلف أو سلكوهم يبقى كافر ..

و الله متستهالوش أى ديموقراطية ...

أنا هاروع أعمل إعتصام عند بيت الأخ بتاع شباب الثورة ده و مش هيخى حد يدخل ولا يخرج بالعربية من الشارع بتاعهم و بلطجة ... ورونى هيعملوا إيه بقى .. ما هى كده دراع ...

مش هيهمنى إن شا الله أتوقف ...

بلد تقرف .. شعب يقرف ...

تستاهلوا إللى كان مبارك عامله و الله ...

كل حد مش عاجبه حاجة حتى لو ضد القانون ياخدها بلطجة ...

ربنا يرحمنا بجد ...

تم وقفك لمخالفه قاعده رقم 12 من قواعد وقوانين المنتدي
مشرف عام 4

**SeiffoZ** · 10-04-2011 09:26 PM

المشاركة الأصلية كتبت بواسطة a.saad

يا استاذى العزيز
ليه بنجبر المجلس على حاجة ممكن توصلها بالحوار
مقلتش حاوره ليوم القيامة
لكن يرضيك ضرب الظباط وحرق الاسلحة
مش الاسلحة دى ملكى وملكك
هل الديمقراطية فيها الاعتصام وقفل الميدان بالشكل ده
اتمنى تكون شفت فيديوهات للميدان واللى حصل فيه
مين المستفيد من انقسام الجيش والشعب
هتلاقى الثورة المضادة
لاانت كواحد من الثوار
ولا انا كواحد من المعارضين للطريقة دى

أنا شفت الفديو ..

الضباط بيطالبوا بمجلس رئاسى ..

عمرى ما شفت عسكرى بيدخل فى السياسة ...

هو وافق على قانون الأحوال العسكرية أول يوم دخل فيه الكلية الحربية بإرادته ...

قال مجلس رئاسى قال ...

أسك إن وراهم إخوان

**medo2o1o** · 10-04-2011 09:30 PM

المشاركة الأصلية كتبت بواسطة a.saad

يا استاذى العزيز
ليه بنجبر المجلس على حاجة ممكن توصلها بالحوار
مقلتش حاوره ليوم القيامة
لكن يرضيك ضرب الظباط وحرق الاسلحة
مش الاسلحة دى ملكى وملكك
هل الديمقراطية فيها الاعتصام وقفل الميدان بالشكل ده
اتمنى تكون شفت فيديوهات للميدان واللى حصل فيه
مين المستفيد من انقسام الجيش والشعب
هتلاقى الثورة المضادة
لاانت كواحد من الثوار
ولا انا كواحد من المعارضين للطريقة دى

ماشى كلام حضرتك
بس ليه المجلس مابيتحركش الا لما بيبقى فيه مظاهرة
ليه المجلس طلع اعلان دستورى بدون اخذ راى حد
ليه المجلس دخل فى استعراض قوة مع الشعب
العنف لن يولد الا العنف
لازم نحط فى دماغنا اننا اتكوينا من العنف طوال 30 سنة و الشعب انفجر
اكيد فى بعض الحاجات غير مقبولة
بس اللى كانوا فى التحرير بشر و اللى قفلوا الميدان مش بلطجية دول اللى فضلوا بعد ما البلطجية مشيوا
بس تخيل انك اتضربت و قاعد طول الليل منمتش و سامع ضرب نار ما بيهداش طبيعى هتفقد اعصابك
انا مش مع تدمير الممتلكات بس الجيش كان ممكن يتصرف بحنكة اكبر (للاسف معندهمش القابلية طبيعة المؤسسة العسكرية)

الجيش مش هينقسم مع الشعب
الهوة بتبعد بين الشعب و المجلس
و لازم من حاجات ملموسة ترجع الثقة و الا فعلا البلد هتتدمر ومش هتقوم

**A.Saad** · 10-04-2011 09:33 PM

المشاركة الأصلية كتبت بواسطة medo2o1o

مع احترامى الشديد لحضرتك

بس لو كل الشعب فكر كدة يبقى حلال فينا مبارك

ليا سؤال تانى حضرتك كام سنة لانى ملاحظ ان ناس كتيرة فى الاربيعينات وما فوق بقوا بيقولوا ان الثورة ضيعت البلد

انا مش اربيعينيات خالص
اطمن

بس لاحظ ان كل ما البلد تهدى ونحاول نشوف المستقبل
تلاقى حد طالع بمطلب غريب عجيب
ولا هيفيده ولا هيفيد الدولة بحاجة
هافترض معاك
مبارك اتشنق
استفدنا ايه
انتقمنا منه وبس
مش كدة
شفينا غليل الانتقام
مش اكتر
نتقسم ونختلف والجيش يضربنا ونضربه علشان نعدم مبارك
هل اعدام مبارك يستاهل الفرقة بيننا
دى مشاركة لاحد الاعضاء فى موضوع محاكمته

يحاكم محاكمة شعبية قدام الشعب كله ، المحاكمة عبارة عن جلسة واحدة لا يحق له الدفاع عن نفسه...
في الجلسة..
نتلو عليه التهم بالدليل (أي نعم تلاوة التهم ممكن تاخد شهور ، بس ممكن نختصرها في الحاجات التقيلة قوي)
بعدها يتم النطق بالحكم ومن ثم تنفيذ الحكم

ده اللي نفسي يتعمل بجد

فرقنا ايه عنه اما نعمل كدة

**aif** · 10-04-2011 09:34 PM

مرة واحد كان بيغرق في النيل
واللي حواليه كلهم اما سابوه يغرق واما ضربوه عشان يغرق بسرعة
ماعدا واحد ... الغريق قعد يتحايل عليه ويبوس ايده انه ما يسبوش يغرق ... راح طارد الناس اللي كانو عاوزين يغرقوه .... ومادد ايده وشاده من هدومه و طلع بيه ع الشط
وقبل ما يوصل الشط وهو لسة في عرض البحر
الغريق قال
انا جعان شوفلي حاجة اكلها
جابله حتة عيش كانت معاه
الغريق : العيش ناشف يا غبي .... معنكش عيش باتي بان ..... ده من حقوق الانسان ان الناس تاكل باتي بان
الراجل كتم غيظه وكمل بيه
راح شاتمه تاني
يا غبى .... كدة قطعتلي هدومي .... مش تحاسب.... دي هدوم غالية مش زي الهلاهيل اللي انت لابسها
الراجل كتم غيظه وكمل بيه
الغريق راح شاتمه تاني
يا حمار ..... شدني بالراحة شوية
الراجل صبر عليه
راح شاتمه تالت
يا ابن ال... تيييييييت .... مش قلتلك تشدي بالراحة .... انت اصلا فاسد وريحتك معفنة .... يا معفن ....
الراجل آخر ما زهق راح راجع بيه مطرح ما كان بيغرق وسابه هناك يعيش مشكلته مع نفسه
وقعد الغريق ينادي على حد ينقذه .... الناس طبعا كلها طنشت وقالت ده ناكر للجميل .... سيبوه يغرق في 60 داهية
وتوته توته فرغت الحدوتة .....
حلوة ..... ولا ملتوتة ......
وتصبحوا على خير يا أحبائي الصغار

-

-

الموضوع: ائتلاف شباب الثورة يعلق حواره مع المجلس العسكري

LinkBack

أدوات الموضوع

عرض

-

-

-

-

-

-

المواضيع المتشابهه

ائتلاف الثورة يتفاوض مع المعتصمين لفتح الميدان ...... و المجلس العسكري يرحب

اجتماع شباب الثورة مع المجلس العسكري واتفاقهم على رحيل حكومة شفيق

الكلمات الدلالية لهذا الموضوع

المفضلات

المفضلات

ضوابط المشاركة