الموضوع: ائتلاف شباب الثورة يعلق حواره مع المجلس العسكري

المشاركة الأصلية كتبت بواسطة tlrsiap

انا عايز بس اوضح النقطة دي
هي حاجة زي المطالبة بحرية الرأي , ما معناه , انا مختلف معاك في الرأي و شايف ان رأيك غلط , بس برده مش هاوافق ان حد يقمعك و يحرمك من انك تقول رأيك

دي زي دي بالظبط

انا كمان على فكرة شايف ان الاعتصام كان غلط
بس ضد ان ناس ما عملتش جريمة , و الله يكرمك ما تقوليش خرق الحظر عشان مش مقتنع بيها , تتعامل بالعنف ده خصوصا انه ما كانش ضروري خالص

متفق مع حضرتك تماما

المشاركة الأصلية كتبت بواسطة otefa

متفق تماما

قبل ما حضرتك بس تتفق تماما ...... ابقى بس افتكروا الكلام اللى كنتوا ماليين بيه المنتدى ايام مواضيع السلفيين و الأستفتاء و الكلام ده ...... عن قد ايه كبير ذنب رمى الناس بالباطل

و الكلام عن يعنى ايه ديموقراطية و احترام رأى الأخر ...... وكل الكلام الجميل المنمق اللى بيطلع للدفاع عن المتوافقين معكم فى الرأى

لكن بمجرد ظهور رأى مخالف ...... ابشع التهم و الأكاذيب التى تلقى جزافا

وقبل بس ما تقول ان الناس تستاهل الضرب فى المليان ...... ابقى اسأل الشيوخ الأفاضل اذا كان الدين بيسمح باهدار دمهم ولا لأ ...... زى ما كنتوا بالظبط بتجيبوا فتاوى الشيوخ و تستشهدوا بيها عشان تثبتوا صحة وجهة نظركم

المشاركة الأصلية كتبت بواسطة م.احمد زكريا

يا جاعة الناس تفكر بالعقل

إيه الهدف من المظاهرات والإعتصامات والتعطيل ده دلوقتي

ولا لما الجيش يعمل انقلاب على الثورة ويستولي على الحكم يبقى هو ده الحلو يعني

ومحدش يقولي الجيش هو الشعب والكلام المعسول ده

لو الجيش حب يعملها هايعملها

وان كان مبارك لقي اليتصدى له ويرفض ضرب الشعب الهو الجيش

مافيش حد هايمنع الجيش انه ينفذ الفي دماغه بالقوة

إلا في حاله حدوث انقسام داخل الجيش ويبقى باي باي مصر
او دخول قوى اجنبية تضرب في الجيش ويبق 30 باي باي مصر
وكدة كدة البلد ضاعت

وما دام في بلطجية بتندس في الاعتصامات والمظاهرات يبقى بلاها من اصله



هانعمل بمحاكمة مبارك ولا سجنة ولا حتى اعدامة
ولا حاجة .........

في قضاء وفي اتفاقيات دولية

لو رجع 25% من الفلوس اليتم اثبات انها مسروقة يبقى خير وبركة

لكن ان الاقصاد هايقع كمان 6 شهور واحنا عمالين نزعق ونغني ونخطب ونتظاهر
يبقى ديه ناس غير مسئولة وبتضيع بلد بحالها

حضرتك مش فارق معاك عادى ....... بس ربنا بيقول

قال_ تعالي-' ولكم في القصاص حياة يا أولي الألباب لعلكم تتقون'( البقرة:179)

و الرسول صلى الله عليه و سلم

كما جاء في «الجامع الصحيح المختصر» للإمام البخاري: [حدثنا قتيبة بن سعيد حدثنا ليث عن بن شهاب عن عروة عن عائشة، رضي الله تعالى عنها، أن قريشا أهمهم شأن المرأة المخزومية التي سرقت فقالوا ومن يكلم فيها رسول الله صلى الله عليه وسلم فقالوا ومن يجترئ عليه إلا أسامة بن زيد حب رسول الله صلى الله عليه وسلم فكلمه أسامة فقال رسول الله صلى الله عليه وسلم: «أتشفع في حد من حدود الله؟!»، ثم قام فاختطب ثم قال: «إنما أهلك الذين قبلكم أنهم كانوا إذا سرق فيم الشريف تركوه وإذا سرق فيهم الضعيف أقاموا عليه الحد وأيم الله لو أن فاطمة بنت محمد سرقت لقطعت يدها»]