ائتلاف شباب الثورة يعلق حواره مع المجلس العسكري

**otefa** · 11-04-2011 03:00 PM

المشاركة الأصلية كتبت بواسطة hobiko

و الله ناس تانية هى اللى عايشة فى المريخ ...... الأئتلاف بيدافع عن ناس عادية هو يعرفهم ولا مع الثورة المضادة ولا حاجة اضربوا و اتصابوا (من ضمنهم الشيخ صفوت ) بس ده لا ينكر ان كان فيه بلطجية و مجرمين و برضو الشيخ صفوت قال كده و محادش بيدافع عن دول

على فكرة ابراهيم كامل اللى الجيش فاكر يمسكه دلوقتى ..... احنا بنتكلم عنه من ايام معركة الجمل

و مش الأصرار على المظاهرات ...... لأ ده الأصرار على عدم الشفافية و التباطؤ فى محاكمة الفسدين

و سلملى على الأقامة الجبرية

اترد على حضرتك فى موضوع الحزب ...... و لو مش عارف مين الناس اللى بتكلم عنهم ..... ابقى اسأل

فعلا اى خارج على القانون ..... بس والنبى ابقى قولى للجيش يتعامل بشدة مع الفاسدين الكبار الأول و على رأسهم مبارك و ابنه ...... بدل ما يتشطر على اللى مالوش ضهر

حضرتك لا تعليق

**otefa** · 11-04-2011 03:19 PM

كان فيه لقاء لشباب الأتلاف
مستفزين بشكل لايطاق
يرغو يرغو يرغو وفي الأخر نطالب بمجلس رئاسي مدني تحس أنهم حافظين مش فاهمين نفسي أعرف مين ألي بيحركهم؟!.............عارف طبعا بس بتعجب أن فيه ناس كتيرة واخدة سكتهم ومش واخدين أو عاملين مش واخدين بالهم من مايدور في الكواليس
ربنا يرحمنا برحمته

**aif** · 11-04-2011 03:23 PM

انا ممكن ازعل من ابويا وممكن اختلف معاه واسيله البيت
لكن ..... لما الاقي حد بيتعرض لأبويا وعاوز يأذيه ويأذيني بالتبعيه ويخرب البيت
يبقى لازم اقف ضده في صف ابويا
ولو وقفت معاه ضد ابويا ....... ابقى ليا وصف يعف لساني عن ذكره
...
ملحوظة :
كل فئة لها مطالب فئوية واعتصامات ومظاهرات
كمان بلطجية الانتخابات لهم مطالب .... كده مش ح يلاقو شغل .... كدة ح يتخرب بيتهم
يبقى لازم يخربو الدنيا علشان يعرفو يشتغلو ويربو عيالهم
كل واحد بتاع مجلش شعب او شورى له من 10 الى 20 بلطجي
بيديهم مرتبات طول السنة .... علشان يظبطوله الانتخابات والدعاية والتزوير
50 عضو × 15 بلطجي = 750 بلطجي
هو احنا ما اعلمناش حاجة خالص من معركة الجمل ؟؟؟؟؟
...
دول اللي كانو في التحرير يوم الجمعة بعد حظر التجول
ودول اللي ضربو نار ع الجيش
....
بصراحة انا بأحسد قادة الجيش على طول بالهم وصبرهم وحلمهم
...
وبعدين بتوع الائتلاف يعلقو حوارهم مع الجيش ؟؟؟؟
اللي ما يشوفش م الغربال يبقى أعمى
اللي ما يشوفش صديقه من عدوه ..... يبقى مالوش لازمه
...
..
..
انا برئ من اي حد يحاول تخوين الجيش
انا برئ من اي حد يناصر اي منشقين ع الجيش
انا برئ من اي حد يحاول يحط الجيش في خانة اعداء الشعب والثورة
...
ممكن انتقد الجيش
ممكن اطالب بتسريع الاصلاحات
ممكن اتظاهر سلميا يوم الجمعة بدون تعطيل مصالح الدولة - ده لو ح اقدر اسيطر ع البلطجية اللي بيدخلو ضمن المظاهرات
...
يا ائتلاف شباب الثورة ..... انتو فقدتم الكتير من رصيدكم ..... راجعو مواقفكم وأقرأوا الاحداث اللي حواليكم بهدوء

**ahmed1981** · 11-04-2011 03:44 PM

المشاركة الأصلية كتبت بواسطة hobiko

انا ماقسمتش حضرتك و لا قلت انك من الناس دى .......

حضرت عملت كده لما غلطت فى حق الناس بالباطل ...... و اذكر حضرتك فى المواضيع السلفيين و التيار الأسلامى لما كنت بتقول بلاش تتهموا التاس بالباطل و بدون دليل

لا تنه عن خلق و تأتى مثله

الناس ليهم موقف و ده رأيهم و حقهم

الكلام ده تقوله لنفسك

مينفعش تبجح في الناس لما يقولوا رأيهم وتقولهم إتقوا الله

ولما تعامل بالمثل تقول كلام كان المفروض تقوله لنفسك من الأول

لا تنه عن خلق وتأتي مثله -- عار عليك إذا فعلت عظيم
إبدأ بنفسك فأنهها عن غيها -- فإذا انتهت عنه فانت حكيم

الناس ليهم مواقف وآراء
مينفعش تتهجم عليهم وتقول لهم إتقوا الله لأنهم قالوا رأيهم

قمة التناقض
قبل ما ترمي على الناس كلام تأكد تماماً إنهم ممكن بسهولة يعاملوك بالمثل وفي النهاية أنت البادئ

**م.احمد زكريا** · 11-04-2011 03:56 PM

المشاركة الأصلية كتبت بواسطة yobaaa

و الله أنا عارف بتكلم على مين و على ايه ....اللى أعرفه أن أى حد ممكن يطلع و يقول أنا عملت حزب و يعمل مؤتمرات و محدش هيجى جانبه (نجيب ساويرس عمل كده فعلا و بدأ يلف فى الصعيد كمان)

أما ناس عاملة زى البغبغان كل اللى على لسانهم مجلس رئاسى يبقى مش عاجبهم نتيجة الإستفتاء و عاوزين يفرضوا أمر واقع (ما شاء الله شباب ديمقراطى يفرح فعلا)

الإستفتاء أثبت أن فعلا كل اللى على ااسحة و الfacebook و النت كله لا يمثل أى وزن فى الشارع المصرى و انهم بيغنوا و يرودوا على نفسهم