استفسار عن استجابة فرامل جين 2 و سعر التيل

**tamerosman** · 10-04-2011 09:39 PM

السادنة ملاك جين 2

اما معجب جدا بالعربية و تاوى على 2011 انشاء الله بس سمعت كلام كتير عن ضعف استجابة الفرمل

برجاء الافادة هل الفرمل فيها مشكلة و لا دى مجرد تظبيط هواء و رجلاش

انا سمعت هنا فى المنتدى ان سعر التيل فوق الف جنيه و سئلت النهارة فى ابو رواش قالو 300 جنيه فقط هو ابو 300 جم فى التوكيل مش البوش الاصلى

شكرا مقدما على سرعة الرد

**K3A** · 11-04-2011 11:56 PM

بص يا ريس الفرامل اكتر من ممتازة والله ..انا كان راكب جنبي واحد زميلي في الشغل عربيته فيرنا وكنا رايحين نعزي واحد زميلنا في الشغل كان بيفاجئ بأني بضغط فرامل متأخر اوي و كانت العربية بتقف بشكل ممتاز... و الله الفرامل كان ليها دور البطل في انقاذى من احد الكوارث على الطريق عرزة مفاجئة إطرارية على 140 يا معلم

بس للأسف الحلو ميكملش ده كان لحد ما غيرت التيل الزيرو اللى كان راكب بتيل جديد ماليزي في التوكيل و بدأت المشاكل

مش حكلمك عن صوت الصفارة لان ده من الهيافة بما لا يذكر

قوة الفرامل أقل من ذي قبل بمراحل

التيل الجديد بيخلص اسرع من التيل الزيرو

و انا بغير التيل الخلفي قلتلهم في التوكيل اجرب التيل المصري ... وهالك ما رأيت.. التيل بيطرقع يا معلم مش صفارة بقى

مع العلم ان لحد كده كنت بغير التيل في التوكيل لحد ما عرفت الحقيقة المفجعة ان عز العرب بيعطي ع الطنابير ضمان كضمان التوك توك متستغربش.. ضمان الطنابير كان لحد 30 الف كيلو قلت من بعدها مبدهاش بقى وقمت مغير التيل الامامي بعد ماخلص برة الوكيل بتيل fbk و ده كان عند 35 كيلو

كده كام ..3 تيل في 35 الف كيلو صحيح العربية اوتوماتك بس مش للدرجة دي.

زيد على كده فرامل ضعيفة لا تسعف وقت المفاجأت وده ادي لحادثتين معايا لحد دلوأتي مع العلم ان آخر حادثة كنت لسه مراجع الفرامل في عز العرب قبلها ب 5 ايام و يو ميها عرفت ان الطنابير بقى ضمنها 20 ألف فقط !!!!

آه نسيت اقولك ان التيل الاصلي (البوش) اللى في العربية الزيرو كان بيتباع عند الوكيل 1300 جنيه اظنه اليوم ب 800 جند
و التيل الماليزي في التوكيل أظن ب 250 او 350 بتركيبه
اما المصري على حسب ما افتكر 250 بتركيبه

المفاجأة بقى يا مان ان كتير من الشباب الطنابير عنده بتبوظ قبل 20 ألف و الوكيل مش بيغيرها بجديدة .. الوكيل بيخرطها وده بيأثر من عمرها

بالنسبة ليا لحد دلوأتي 45 الف كيلو لم أخرط الطنابير بس الورشة اللى بتعامل معاها قالولي حتحتاج خرط مع تغيير التيل المرة اللى جايه

عربيتي موديل 2009 بيرسونا معديش فكرة موديلات 2010 و 2011 عاملة ايه

و الله المستعان

**tamerosman** · 12-04-2011 09:53 PM

شكرا يا باشا على سرعة الرد

يعنى تنصحنى اشترى العربية و لا لأء؟

ممكن تبعت ايميل لبروتو ن ماليزيا ان سمعت ان ده بيجيب نتيجة موكدة مع عز العرب

**Abdelrahman.H** · 12-04-2011 10:11 PM

المشاركة الأصلية كتبت بواسطة tamerosman

شكرا يا باشا على سرعة الرد

يعنى تنصحنى اشترى العربية و لا لأء؟

ممكن تبعت ايميل لبروتو ن ماليزيا ان سمعت ان ده بيجيب نتيجة موكدة مع عز العرب

وممكن حضرتك تعرض مشكلتك على المهندس آمر .... ده بيجيب نتيجه أكثر تأكيدا

**eng.m7md.ali** · 13-04-2011 02:36 AM

المشاركة الأصلية كتبت بواسطة abdelrahman.h

وممكن حضرتك تعرض مشكلتك على المهندس آمر .... ده بيجيب نتيجه أكثر تأكيدا

المهندس امر عارف ان الطنابير بتتخرط وبتتباع على اساس انها جديدة في التوكيل واعتقد ناس كتير حصلها المشكلة دي ومنقدرش نقول انها حالة فردية

لصاحب الموضوع
على فكرة انا غيرت التيل الامامي من ساعت ماجبت العربية لحد دلوقتي حوالي 4 مرات
العربية عاملة 25 الف
وبصراحة منصحكش بالعربية لان دي ممكن تعمل مشكلة وتدعي علينا يا معلم