الموضوع: ساعدوني اشتري بولو 1300

اهلاً بيك معانا يا tashash
البولو عربية ممتازة ال 1300 موجود فى موديلات 95 و96 و 97
واسعارهم بتبداء من 38 للحالات الكويسة و الباور فى عربيات فيها باور و بتنزل كاملة
ذى البولو 95 الفوكس
ولازم تكشف على العربية كويس جداً خصوصاً ( البولو)

وياريت تاخد جولة فى قسم الفولكس هاتتعرف على العربية اكتر من اراء الاعضاء و هتاخد خبرة حلوة بيها

ودى لينكات لبعض المواضيع عنها

بخصوص الكشف قبل الشراء او اعمال الصيانة
http://www.nilemotors.net/Nile/showt...t=%C8%E6%E1%E6

وبخصوص اسعار قطع الغيار
دة موضوع عاملة اخونا casper2010 عن اسعار قطع الغيار ل البولو ال 1300

http://www.nilemotors.net/Nile/showt...E1%C8%E6%E1%E6


وربنا يوفقك و تجيبها إن شاء الله .

الف شكر ليك يا Seatlover علي ردك السريع ..... بجد الله ينور عليكم ... انا مبسوط انا عندنا في مصر شباب جاااااامد زي شباب المنتدي ..

بس انا ليا عندك سوال ...... انا بقالي كتير ببص علي العربية و عايز اشتري واحد تكون نظيفة اوي ... يعني ...ببص في الشوارع علي حاجة تكون مش متهانة ... يعني استعمال بيتي اوي استعمال نظيف .... ممكن تساعدني في الموضوع ده ؟؟

بص يا tash فى البولو ماتقلقش من الموضوع دة اوى ..لآن البولو عربية مش بتاعة بهدلة اوى عشان حاجاتها مش رخيصة و معظم اللى راكبينها بيحافظوا عليها

نصيحة بس .. اول ما تحس ان العربية كان راكبها شاب و مبهدلها او نمط شكلها كدة ملعوب فية كتير ..سيبك منها على طول

يا باشا ...ممكن ايميلك عشان اكلمك علي الماسنجر ؟؟

مع احترامي لكلام اخونا seat lover انا بشوف معظم العربيات دي متبهدلة عاوز تعرف ليه
عربيات البولو و الإبيزا عموما تمتاز بالتسارع العالي و قوة المواتير و الثبات (ده في حالة ان العربية مظبوطة)
و ممكن تسوق علي 130 و كانك علي 80 , دا غير متعة السواقة و الإستجابة العالية من العربية ....

علشان كده الناس بتفتري عليها لانها بتدي كويس

انا مع كاسبر في الكلام ده انا معايا ابيزا 94 و صاحبي كان معاه ابيزا 2001 انا لما بوكب و العربية تكون متروقة حبتين بفتري و لما بتكون مش متروقة بفتري برضه و صاحبي كان معاه ابيزا 2001 1000 سي سي اعد يحاول 7 شهور انه يفوت الموتور عشان يسقطلها 1800 بتاعها اللي بينزل بره انه يفوت ابداااااااااااااااااااااا اا الغريب ان العربية دي موتورها فعلا ممتاز جدااااااااااااااااااا العربية بتاعت صاحبي دي كانت لسة بتعرق ميه من الشكمان انا مش عارف ازاي بس ده دليل قوة الموتور









Ibiiiiiiiiiiiiiiiiiiiiiiiiiiiizzzzzzzzzzzzzzzzzzzz zzaaaaaaaaaaaaaaaa For Ever

المشاركة الأصلية كتبت بواسطة casper2010

مع احترامي لكلام اخونا seat lover انا بشوف معظم العربيات دي متبهدلة عاوز تعرف ليه
عربيات البولو و الإبيزا عموما تمتاز بالتسارع العالي و قوة المواتير و الثبات (ده في حالة ان العربية مظبوطة)
و ممكن تسوق علي 130 و كانك علي 80 , دا غير متعة السواقة و الإستجابة العالية من العربية ....

علشان كده الناس بتفتري عليها لانها بتدي كويس

معاك حق يا casper2010 عشان كدة انا قولت

فى البولو ماتقلقش من الموضوع دة اوى ..لآن البولو عربية مش بتاعة بهدلة اوى عشان حاجاتها مش رخيصة و معظم اللى راكبينها بيحافظوا عليها

نصيحة بس .. اول ما تحس ان العربية كان راكبها شاب و مبهدلها او نمط شكلها كدة ملعوب فية كتير ..سيبك منها على طول

يعنى البولو موضوع البهدلة فيها اقل عموماً و فى ناس كتير كبار فى السن راكبينها او بنات .. وفى برضو شباب عارفين قيمتها او بيخافوا من قطع غيارها المرتفعة شوية .. عشان كدة مهياش ذى الابيزا فى البهدلة

يعني انا ليا راي شخصي
انا معايا بسات بس موديل 99 و ماشي حوالي 170 الف كيلو بدات تطلع عيني
لما تجيب بولو موديل 95 او 97 هتبقى قدمت و الي عاوز يبعها عاوز يبعها علشان مصروفها كتر
عاوزة عافشه عاوزة معرفش ايه عاوزة اسطوانه و ديسك عاوزة مسعادين
صعب انك تلاقي حاله نضيفه و لو لقيت هتبقى عاوزة مصاريف برضه
حاجه الفولكس مش رخيصه و صعب انك تلاقى الاصلي بتاعها و لازم تمشي في قصه الاستيراد ده لو حضرتك بتتطمنله
بس لو وضبتها صح تبقى ركبت عربيه صح الصح و مش هتحتاج تغيرها ابدا
فشوف نفسك لو مستعد لان العربيه تقرفك شويه بس بعد كده تركب عربيه حلوة ماشي
لو مش مستعد خليك في الدايو و الهيونداي و الكلام ده بس مش هتبقى راكب عربيات خالص