فضيحة التابعى الدمياطي " دووود فى الأكل .... خش وشوف

**meza** · 16-04-2008 11:20 AM

المشاركة الأصلية كتبت بواسطة cpt_shawky

العضو المحترم HeMa1981

http://www.youtube.com/watch?v=H-tsCrPsfYs

هل حضرتك اللى رافع الفيديو بنفسك....إذا كانت الإجابة بنعم

ايه تفسيرك للكلام الغير لائق المكتوب فى الـ Tags بتاعة الفيديو واللى بتظهر بالضغط على More Info لقراءة تفاصيل الفيديو!!!! وايه علاقتها بموضوع الفيديو!!!!

يا أستاذ cpt ال Tags دى بيحطها موقع يوتيوب على حسب عنوان الفيديو أتوماتيك
يعنى الأستاذ Hema ملهوش أى دخل

يعنى هناك فى الموقع بيحطوا مجموعة كلمات مع بعض و مجرد ذكر كلمة بتجر وراها الباقى فى ال Tags .... و ربط الكلمات دى ببعضها بيكون على حسب المستخدمين مش المبرمجين بتوع الموقع.

حضرتك هتلاقى من ضمن ال Tags إسم مبارك ....و ده ملهوش علاقة بالفيديو ... لكن المستخدمين دايماً كانوا بيربطوا كلمة فى عنوان الفيديو مع الإسم ده (يعنى لما بيجوا يعملوا بحث بيكتبوهم مع بعض) ... فإرتبطوا الكلمتين مع بعض و ظهروا فى ال Tags

أرجو إنى أكون وضحت ..... عشان الأستاذ Hema ملوش أى علاقة بالموضوع ده.

**cpt_shawky** · 16-04-2008 11:23 AM

المشاركة الأصلية كتبت بواسطة meza

يا أستاذ cpt ال Tags دى بيحطها موقع يوتيوب على حسب عنوان الفيديو أتوماتيك
يعنى الأستاذ Hema ملهوش أى دخل

يعنى هناك فى الموقع بيحطوا مجموعة كلمات مع بعض و مجرد ذكر كلمة بتجر وراها الباقى فى ال Tags .... و ربط الكلمات دى ببعضها بيكون على حسب المستخدمين مش المبرمجين بتوع الموقع.

حضرتك هتلاقى من ضمن ال Tags مبارك .... ده ملهوش علاقة بالفيديو ... لكن المستخدمين دايماً كانوا بيربطوا كلمة فى عنوان الفيديو مع الإسم ده ... فإرتبط الكلمتين مع بعض و ظهروا فى ال Tags

أرجو إنى أكون وضحت ..... عشان الأستاذ Hema ملوش أى علاقة بالموضوع ده.

حضرتك جربت ترفع فيديو قبل كده على يوتيوب؟؟؟؟؟.... هتلاقى ان Tags دى خانة من ضمن اللى بتكتبهم بايدك عشان تحط فيها كلمات تسهل الوصول للفيديو وليس زى محضرتك ذكرت انه اتوماتيك من يوتيوب نفسه.

**aif** · 16-04-2008 11:26 AM

يا جماعة انتو مكبرين الموضوع كده ليه ؟؟
الدودة اللي متصورة دي ميته مش صاحية ... خايفين ليه :d

**cpt_shawky** · 16-04-2008 11:34 AM

المشاركة الأصلية كتبت بواسطة meza

أى نعم ...... كلامك مظبوط ..... لكن فى نفس الوقت ال يوتيوب بيزود من عنده Tags تانية ... عشان يوسع نطاق البحث للمستخدمين
و أى كلمة هتكتبها فى ال Tags أو فى عنوان الفيديو أو فى ال info بتاعة الفيديو... اليوتيوب هيدور على إرتباطاتها و يزود عليها.

و حضرتك ممكن تجرب بنفسك و تشوف .... :)

معلومة جديدة بالنسبة لى....بس مش عارف اجربها ازاى :)

**meza** · 16-04-2008 11:38 AM

المشاركة الأصلية كتبت بواسطة cpt_shawky

معلومة جديدة بالنسبة لى....بس مش عارف اجربها ازاى :)

بسيطة

حضرتك حمل أى فيديو عندك على يوتيوب .... و خلى العنوان من كلمة واحدة ... و حط Tag برضه كلمة واحدة و تكون مختلفة عن موضوع العنوان ....... هتلاقى ال Tags بقت شوية كلمات مرتبطة بالعنوان و شوية مرتبطة بال Tag اللى حضرتك كتبته :)

يعنى مثلاً العنوان مصر و ال Tag رونالدينهو Ronaldinho

هتلاقى نص ال Tags عن الوضع السياسى و الفضائح و البلاوى اللى فى مصر و النص التانى عن اللاعب المخضرم رونالدينهو ;)

بس فى ملحوظة ..... حضرتك هتلاقى تحت خانة ال Tags مجموعة مقترحات .. لو دوست على أى واحدة فيهم هيزود من عنده ما له علاقة باللى حضرتك إخترته.

**HeMa1981** · 16-04-2008 12:09 PM

لأ

زميليى اللى اودامى فى الشغل اهو اللى رافع الفيديو وهو حاطط شوية tags عشان البحث يطلع على نطاق واسع وربما يكون وضع كلمات غير لائقة

وانا اسف ان كانت اضرت اى حد بس مش انا اللى كاتب التاجس دى والله

وانا كان نفسي اعمل محضر بس مينفعش كنت اسيب اتلشغل دى فيها يوم كامل هيضيع ومدير الشركة مش هيسمح !

**Moh.Abdelbaset** · 16-04-2008 02:14 PM

شكرا على التحذير
بس انا بجد لا اطيق التابعى الدمياطى ومابجبش منه حاجه الحمد لله ولابحب كنتاكى ولا المطاعم المشكوك فيها دى.
يعنى حتى الاكل الجاهز اللى بندفع فيه فلوس يعنى المفروض نظيف يطلع حمير و كلاب وقطط ودودة ونا اقول الواحد ما بقاش يشوف كلاب وقطط فى الشارع زى زمان

**gade2** · 10-10-2008 07:21 PM

ناقص ايه تانى

**michohat** · 11-10-2008 12:25 AM

شغلى السابق كان قدام المول اللى فيه فرع التابعى اللى فى مصطفى النحاس وكنت كل يوم ببعت اجيب منه اكل
لغايه ما يوم نزلت اجيب منه اكل لما نزلت ورحت وقفت فى المكان اللى بيجهزوا فيه السندوتشات لمحت المنظر اللى ورا اللى هوا المفروض المطبخ وكان مش نظيف
المهم واناماشى لمحت صرصار لسه صغير طالع من جوه
المهم خدت الاكل رميته وجبت بسكوت ومن ساعتها ولا فكرت ادخل تانى المحل ده