محتاج مساعده لشراء تويوتا خلال ايام

**badmood** · 11-04-2011 01:58 PM

بسم الله الرحمن الرحيم
يا اهل الخير انا ناوي ان شاء الله اشتري خلال ايام اول عربيه في حياتي
وكنت بصراحه محتار بين فيكترا و لانسر كريستاله
ولكن في الاخر استقريت علي تويوتا علشان اسمع انها ارخص في الصيانه وقطع الغيار وانها ياباني والكلام الحلو ده كله

محتاج المساعده في ايه بقي؟
ان اي حد يقولي اجيب اي نوع من انواع التويوتا بالمبلغ الي معايا اللي هو 53 الف
بس ميزيدش عن كده ربع جنيه حتي
و الشرط الوحيد انها تكون اوتوماتيك

يبقي السؤال - هل يوجد تويوتا اوتوماتيك بحوالي 53 الف ؟

و لو فبه اسمها ايه وموديا كام وراي الناس فيها

شكرا جزيلا

صحيح قبل ما انسي - هي العربيات التويوتا اللي هي الفونيس بتاتها مدوره - اتنين كبار وجمبهم اتنين صغيرين - تعمل كام و في منها اوتوماتيك ولا لا

المهم فهموني كل حاجه انا خايف اتدبس

**badmood** · 11-04-2011 03:54 PM

هو انا قلت حاجه غلط او عيب لا سمح الله؟

**mahmoudselim** · 11-04-2011 04:32 PM

بص ياباشا موديلات الكورولا ال في رنج السعر بتاعك من 92 ل 2000
او باللغة الدراجة موديلات الملكة (92 - 97) + العيون (98- 99) + الرموش (2000)
وأفضلهم علي الاطلاق موديل الملكة طبعا ودا في منة اربع حاجات

المصري ودي بتكون 1300 كربراتير فاضية مافهاش لا بور ولا سنتر ودي رنج سعرها من 40 ل 45
الخليجي وبتكون 1300 كربراتير ونادرا لما شوفت منها (1600) ودي بتكون فيها باور وسعرها من 45 ل 50
الامريكي وبتكون 1600 انجكشن وكاملة بس مش منشرة في مصر لان قطع غيارها الخارجية مش موجودة ( بتختلف في شكل الاكصدامات وبعض الحاجات الاخري)
الياباني ودي بتنزل في اليابان "فقط" وبنستوردها هنا معاقين وبتتقلب من اليمين للشمال ودي في منها 1500 ( والموتور دا بينزل في اليابان فقط) وفي 1600 و 1800 و ديزل2000 بس المنتشر هنا في مصر ال 1500 و 1600 وطبعا فيها كل الكماليات ودي اسعارها من 50 ل 60 .

وممكن حضرتك تراجع الرسائل الخاصة انا بعتلك رسالة.

**ellhosam** · 13-04-2011 11:56 PM

لا يا باشا مفيش حاجة غلط ولا حاجة ذى ما قال أ / محمود ممكن تجيب الملكة و الكرستالة كويسة و العربيتين يابانى قطع غيار متوفرة ورخيصة وفي الاول والاخر اهم حاجة حالة العربية .....