الموضوع: ساعدونى يارجالة البيا ولا لوجان

المشاركة الأصلية كتبت بواسطة eng_ahmed_90

الالبيا دي بتتقفل في الصين و خاماتها تعبانه موله ده غير التوكيل المقرف بتاع الفيات فخليك في اللوجان او حتي جيب فيرنا و مش هتحتاج التوكيل في حاجه اصلا

لحظة بس
ايه ديه اللي خاماتها تعبانة مولة ؟؟؟ ركبتها الأول ؟؟ او ليك حد معاه اليبا او سيننا موديل قديم فا شوفت الخامات بقت تعبانة ولا لأ؟؟

و بعدين ايه ديه اللي يجيب فيرنا حتى بدلها !! معلش لما حضرتك تبقي تركبها الأول و تشوف كراش تيست ليها و تجرب ثباتها و تتفرج علي اي فيات من االي خاماته تعبانة ديه بعد فترة لسة الخامة زي ما هي ولا لأ تبقي تحكم
و عالأقل الألبيا مش بتتشقلب عالطريق او تجري و ماتوقفش
و بلاش الهجوم الحاد اوي على التوكيل ده لأن في العن منه بكتير بس مش لازم نفضح بقى خلينا ساكتين
و بعدين ما المرسيدس و بي ام دبليو في منهم تقفيل مصري !

المشاركة الأصلية كتبت بواسطة semsem_uno

لحظة بس
ايه ديه اللي خاماتها تعبانة مولة ؟؟؟ ركبتها الأول ؟؟ او ليك حد معاه اليبا او سيننا موديل قديم فا شوفت الخامات بقت تعبانة ولا لأ؟؟

و بعدين ايه ديه اللي يجيب فيرنا حتى بدلها !! معلش لما حضرتك تبقي تركبها الأول و تشوف كراش تيست ليها و تجرب ثباتها و تتفرج علي اي فيات من االي خاماته تعبانة ديه بعد فترة لسة الخامة زي ما هي ولا لأ تبقي تحكم
و عالأقل الألبيا مش بتتشقلب عالطريق او تجري و ماتوقفش
و بلاش الهجوم الحاد اوي على التوكيل ده لأن في العن منه بكتير بس مش لازم نفضح بقى خلينا ساكتين
و بعدين ما المرسيدس و بي ام دبليو في منهم تقفيل مصري !

سمسم باشا
معلش اتعب نفسك وانزل اتفرج عالالبيا الجديدة قبل ما تقول كل دة
السينا حاجة والالبيا الجديدة دى حاجة تانية خالص
مفيش مقارنة والله
واضح اوى من كلامك انك بتدافع عن فيات مهما كان بدون حياد
هكرر تانى
انزل شوف الالبيا عند اى حد بيبعها وتعالى نتكلم

المشاركة الأصلية كتبت بواسطة elmkaneeki

سمسم باشا
معلش اتعب نفسك وانزل اتفرج عالالبيا الجديدة قبل ما تقول كل دة
السينا حاجة والالبيا الجديدة دى حاجة تانية خالص
مفيش مقارنة والله
واضح اوى من كلامك انك بتدافع عن فيات مهما كان بدون حياد
هكرر تانى
انزل شوف الالبيا عند اى حد بيبعها وتعالى نتكلم

على فكرة انا كنت في المعرض اللي فات و تحديدا جناح فيات :) و العربية خامتها كويسة ما عدا فرش الأبواب هو اللي استايلو قديم و انا مش متحيز بس محدش يهجم على عربية بردو احسن من عربيات كتير معروفة بالطريقة ديه كأنها اوحشهم

المشاركة الأصلية كتبت بواسطة yobaaa

الأهم من العربية توكيا العربية....اللى بيشترى زيرو يبقى عاوز يستريح و ميصلحش حاجة و لو صلح يبقى التوكيا محترم عاه و ميخلهوش يكره اليوم اللى جاب فيه العربية على اللى نصحه بيها

ده تمام بس العربية ديه برده مش هتخليك محتاج للتوكيل لأنها اصلا مش فيها تعقيد او حاجة جامدة زي البرافو او الجراند بونتو تربو مثلا :) الألبيا عربية عادية جدا

المشاركة الأصلية كتبت بواسطة ahmed_mamdouh

الالبيا وحشة جداً من الداخل .. و سعرها جنون

سعرها جنون علشان اوروبي و وحشة او حلوة ديه ازواق يعني ممكن واحد تاني يشوفها حلوة وها كذا

المشاركة الأصلية كتبت بواسطة eng_ahmed_90

هدي نفسك بس يا عم سمسم و بلاش التسرع و التهور بتاعك ده
علي فكره انا بتابع ردودك في قسم الفيات بقالي فتره طويله
و معجب بخبراتك
بس متسرع و متهور في الردود
و بتخش في الناس شمال
معلش انا بكلمك زي ما بكلم اخويا.

الفيات البيا شوفتها في معرض الاهرام
و بكرر خاماتها تعبانه موله بالنسبه لي علي الاقل
و رأيي ان توكيلها زفت
و بعدين المرسيدس و البي ام اللي بتقفل في مصر فيهم مشاكل,
المرسيدس c180 مع جوز خالتي
و فيها مشاكل بدون ذكر يعني
عشان منحودش عن الموضوع الرئيسي
و اعجبني الحوار معاك يا باشا :oc_sun1[1]:

والله يا باشا انا مش عارف اقوللك ايه غير انك احرجتني بذوقك :b4_611:
بس لو حضرتك قارنتها بالفيرنا مثلا او الماتريكس او الجيتز في الخامات بما اني شفت كل دول انا بصراحة شايف ان الألبيا تتفوق :) و التوكيل ليه حركات زفت فعلا بس مش دايما و لو قارنا التوكيل بتوكيلات تانية هنحس ان التوكيلات كلها كل توكيل في حاجة مش موجودة في التاني
بس انا شايف ان اكتر المتاعب في التوكيل اللي مع العربيات التربو

المشاركة الأصلية كتبت بواسطة semsem_uno

ده تمام بس العربية ديه برده مش هتخليك محتاج للتوكيل لأنها اصلا مش فيها تعقيد او حاجة جامدة زي البرافو او الجراند بونتو تربو مثلا :) الألبيا عربية عادية جدا

ما هوا لو كده ما يجيب أى حاجة خليجى و بلاها ضمان ... يا راجل حرم عليك اللى بيشترى زيرو بيبقى عاوز يشترى دماغه و يركب حاجة تريحة ...طيب يعمل ايه بقى لو حاجة باظت عنده عيب صناعة و راح اتعامل مع التوكيل ابن ال#@$!@#$@#$ ده !!!!!

أنا معرفش العربية حلوة و لا وحشة بس أنا يكفينى التوكيل صاحب السمعة السيئة جدا و التجارب اللى مر بيها أعضاء هنا بالإضافة لأصدقاء ليا