نفسى اشترى عربية لوجان الجديدة !! ساعدونى فى حاجة بسيطة

**aboelnagah** · 25-06-2009 04:11 PM

السلام عليكم ورحمة الله وبركاته

انا معجب جدا بالرينو وشايف ان هى عربية تستحق الاقتناء لانها بجد عربية محترمة اوى اوى اوى وكانت مع واحد قريبى وبيشكر فيها جدا وندمان انه باعها وجاب تويوتا ونفسه يرجعها تانى

انا نفسى اشترى عربية رينو لوجان الجديد حلوة وجميلة وشكلها بسيط ودى اجمل حاجة فيها

بس المشكلة انا كل اللى معايا مقدم حوالى 20 الف ممكن تزيد بسيط ونفسى فى العربية لو حتى basic سالت عليها قالو عاملة 55400 قلت حلو ونفسى اجبها واقسط يعنى يبقى قسطها حوالى 750 ولا حاجة برده على قد مرتبى وعلى قد مصاريفى

سالت قالوا انت ممكن تروح تجيبها من التوكيل بالقسط وهتكون احسن

السؤال من اهل الرينو هل ينفع اجبها من التوكيل نفسه ؟؟ ولا ايه

ياريت الافادة لانى بجد زهقت من المستعمل ونفسى اركب عريبة جديدة وانا عمرى لو بموت مجبش عربية صينى ولا كورى ودى عندى احسن من الانوس والاسبرانزا والفيرنا

25-06-2009 04:28 PM

كلم الوكيل على 16202 و شوف نظامهم
إن شاء الله ربنا يوفقك للخير

**nomercy22** · 25-06-2009 05:03 PM

وكمان ممكن نكلم محمد زكي هو موزع معتمد وهيسلمك بدري اوعي تغلط غلطتي وتحجز في التوكيل علشان هتتأخر جدا في الاستلام وانا روحت لغيت الحجز علشان استلم من محمد زكي اسرع ان شاء الله وربنا يباركلك فيها مقدما

**mindvision** · 26-06-2009 08:28 PM

المشاركة الأصلية كتبت بواسطة nomercy22

اوعي تغلط غلطتي وتحجز في التوكيل علشان هتتأخر جدا في الاستلام

**Amr_Moh** · 26-06-2009 09:29 PM

في إنهردة إعلان فالوسيط عن اللوجان ٢٠١٠

جميع الكماليات بتسهيلات حتى ٦٠ شهر

37621622

**calipha3** · 11-08-2009 12:15 AM

يعني لو زي ما حضرتك دفعت 20 الف مثلا يبقي القسط كيم و علي مده اد ايه؟ و ايه هي الضمانات المطلوبه؟

**ash257** · 11-08-2009 02:12 AM

بص يا سيدي الوكيل بيقسط من خلال شركة كونتاكت كارز وكمان بيتعامل معاها في التأمين وعشان ماتتعبش نفسك في السؤال في موقع للشركة على النت ممكن تحسب من خلاله قيمة القسط بعد ما تحدد المقدم وهو http://www.contactcars.com/CarPayment.asp
أنا حسبتهالك على البيسك لو دفعت 25 ألف مقدم هيكون قسطك 760 على 60 شهر ومش محتاجين غير صورة البطاقة ووصل نور أو تليفون
وربنا يكرمك ان شاء الله وييسرلك الأمور

**tofy_urban** · 11-08-2009 02:18 PM

نصيحة ياباشا اوعي تجيب الباسيك هات الفول اوبشن لو تقدر لو مش ينفع يبقي هات الهاف اوبشن,, هو في حد يركب عربية زيرو من غير تكييف ولا باور يبقي لازمتها ايه خليك كده في القديم

**ramy_gamal** · 11-08-2009 03:19 PM

المشاركة الأصلية كتبت بواسطة tofy_urban

نصيحة ياباشا اوعي تجيب الباسيك هات الفول اوبشن لو تقدر لو مش ينفع يبقي هات الهاف اوبشن,, هو في حد يركب عربية زيرو من غير تكييف ولا باور يبقي لازمتها ايه خليك كده في القديم

الكلام دة صح جدا