انا قررت اشيل ثيرموثتات الكوع

**tananybasha** · 12-04-2011 11:44 PM

ان شاء الله

**tarekzein** · 13-04-2011 04:45 PM

انهرضة فى عز الظهر كنت ماشى على المحور فى عز الظهر يعنى خطوة خطوة
ومشغل التكييف والمراوح على السرعة التانية وحرارة الجو كانت 30 درجة دة فى الظل لكن فى الشمس اكتر من كدة
المهم درجة حرارة الموتور كانت ثابته على 91 او 92بلكتير اوى
اعتقد ان دى درجة حرارة علية شوية بلنسبة لمروحتين شغالين على السرعة التانية والمية مش بتنقص والارضى متقوى وحجات كتيرة مظبوطة انا متاكد منه
سؤال
لمة تكون درجة حرارة الجو 40 مثال تكون درجة حرارة الموتور كام
على شان كدة انا عايز اجرب اشيل ثيرموثتات الكوع لمدة معينه واشوف اى الناتيجة

ياميخا لخبطنى والله

يعنى كان قصدك تسعين مش تلاتين

طيب كده كويس وتمام التمام كمان

الأحمر للمداخلات الإدارية
يرجى مراجعه قوانين المنتدى
كما تم تعديل الخطأ
21ب

**tananybasha** · 13-04-2011 10:58 PM

بسيطه
دول 60 درجة اول عن اخر
و ميخائيل
حلو قوى كده
و اكتر من كده افترا

**CryptonX** · 14-04-2011 12:00 PM

المشاركة الأصلية كتبت بواسطة meika

مهوة حلو اوى كدة بس دة فى درجة حرارة الجوة 30 طب لو كانت 40 يبقا موئشر الحرارة كام
يارب حد يفهمنى

درجة حرارة الجو 20-30-40 ملهاش تاثير جذري على درجة حرارة الموتور طلاما انظمة التبريد و المراوح شغالة كويس .

يعني لو درجة الحرارة 50 حتى مش ده الحكم على الموتور . خليك في المؤشر بتاع حرارة الموتور و المفروض في الطبيعي انه عمره ماحيزيد اصلا عن النصف (معرفش في اوبل ايه النظام ) حتى لو الدنيا برة بتولع !

**waoola_78** · 14-04-2011 04:36 PM

معلش يعنى ولو فيها رزاله

هو يعنى اية لامؤاخذة ترموستات الكوع ؟ وشكله اية ؟ وفايدته اية ؟ وعدم وجودة بيعمل اية ؟ ولية اغلب الصنايعية بيحبو يشيلوة لية ؟ وتمنه كام ؟

واسف على الاطاله

**abdelaziz-waleed** · 14-04-2011 08:35 PM

اوعي يا ميخا تشيل الترموستات ده. انت كدة بتقصف عمر الموتور وكمان بتكلف نفسك استهلاك بنزين زيادة غير انك بتخسر قوة العربية
ازاي الكلام ده؟
الشركة لما بتصنع الموتور بتعمل خلوص بين اجزاءه علشان يعملو حساب التمدد والانكماش الناتج عن تغير درجة حرارة الموتور
درجة الحرارة المثلى للموتور بتكون تقريبا 90 درجة ± 5 درجات وديه الدرجة اللي بيكون اجزاء الموتور مطبعة مع بعضها لا بعيدة عن بعض ولا قافشة على بعض
طب دلوقتي وظيفة ترموستات الكوعة ايه بقى
وظيفته انه بيحافظ على درجة حرارة الموتور بحيث لا تقل عن الدرجة المثلى
وترموستات المراوح بيحافظ ان درجة حرارة الموتور لا تزيد عن الدرجة المثلى

طب لو شيلنا ترموستات الكوعة اللي هيحصل يعني
درجة حرارة الموتور سوف تقل اكثر من اللازم وينتج عن ذلك ايه بقى
اول حاجة التكثيف الناتج عن الاحتراق هيكون بنسبة اكبر نتيجة لنقص درجة الحرارة اللازمة لعملية التبخير
طب الحاجات اللي اتكثفت ديه هتعمل ايه
اول حاجة هتبدأ تاكل في الموتور
تاني حاجة نتيجة لنقص درجة الحرارة الخلوص اللي بين اجزاء المحرك هيكبر ويسمح للحاجات المكثفة ديه انها تدخل للاجزاء اللي بيتم تزييتها وتبدأ تغسلها من الزيت وبالتالي يبقى الموتور كدة شغال على الناشف ويقل عمرها

عاوز تشيله شيله بس سلملي على موتورك

**abdelaziz-waleed** · 14-04-2011 08:47 PM

كمان فيه حاجة نسيت اقول عليها
لما بتشغل المحرك في الصباح بيكون المحرك بارد جدا وديه الفتر اللي بيكون فيها اكتر تآكل لأجزاء المحرك
ترموستات الكوعة لما بيقفل دورة التبريد بيخلي العربية تسخن بسرعة وبالتالي بيقلل الفترة اللي ممكن تسبب تآكل المحرك
على العكس لو الترموستات مش موجود هتلاقي العربية علشان تسخن تاخد وقت اطول لأن دورة التبريد اشتغلت مع بدء المحرك وبالتالي فترة عمل المحرك على البارد وفرصة تآكله تكون اكبر

الموضوع: انا قررت اشيل ثيرموثتات الكوع

LinkBack

أدوات الموضوع

عرض

-

-

-

-

-

-

المواضيع المتشابهه

العربية بتتجرح وتتخبط وهى واقفة ازاى اشيل الخدوش والتجريح اشيل الخدوش والتجريح ازى

ترموستات الكوع

حساس الكوع

ترموستات الكوع

ترموستات الكوع

الكلمات الدلالية لهذا الموضوع

المفضلات

المفضلات

ضوابط المشاركة