ايه ال المجلس العسكري بيعمله دا ؟؟

**hobiko** · 12-04-2011 11:40 PM

المشاركة الأصلية كتبت بواسطة ahmedjumpo

استاذة ايناس حضرتك شايفة ان ده عادى جميل يبقى اثبتنا ان لا فرق بين ما قبل رحيل مبارك و ما بعد رحيله
حضرتك شايفه انه عادى ان اللى يتسبب فى قتل شباب اعزل يتحاكم بمنتهى البطئ و يقعد فى بيته اما من يكتب مقال رأى يحاكم امام محكمة عسكرية و يتسجن ثلاث سنوات و حتى البلطجى اللى ممكن يكون روع بدون قتل يحاكم عسكريا

حضرتك شايفة انه عادى ان احنا نعطى الفرصة لرؤوس الفساد يسووا اوضاعهم و يتلفوا جرائمهم و يهربوا اموالهم و بعدين نحقق معاهم و نحاكمهم و بعدين نطلعهم براءة

حضرتك شايفة انه عادى ان ضباط يولعوا و يفرموا اوراق رسمية ملك للدولة و نقعد فوق الشهر و اسبوع مانحققش معاهم بدلا من انهم يحاكموا عسكريا طبقا لقانونهم مش من عندنا

حضرتك شايفة انه عادى نتعامل مع المعتصمين بالعنف و القتل اما لما امناء الشرطة يولعوا فى الداخلية نطبطب عليهم

حضرتك شايفة ان استمرار الانفلات الامنى و الترويع دون خطط و حلول واضحة ده عادى

حضرتك شايفة انه عادى ان المجلس العسكرى لم يحل الحزب الوطنى و لم يتحفظ على كباره مع ان المجلس العسكرى نفسه فى بيان له بسبب احداث التحرير فجر السبت قال ان وراءها فلول الحزب الوطنى و انه هيكافحهم طيب ممكن اعرف ازاى

ممكن اعرف من وجهة نظر حضرتك لما كل ده عادى و مفيش فيه مشكلة ,يبقى ايه اللى غيرعادى و امتى هيكون فيه مشكلة !!!!!!!!!!!
و لك جزيل الشكر

في ناس عندها كله عادي ..... بالزبادي

**hossam165** · 13-04-2011 12:15 AM

ياريت نتفرج علي الفيديو ده
YouTube - ‫ط£ط«ظ†ط§ط، ط¥ط¹ط¯ط§ط¯ ط§ظ„ظ…ظˆظ„ظˆطھظˆظپ ط¨ظˆط§ط³ط·ط© ط¹ظ†ط§طµط± ظ…ظ†ط¯ط³ط©‬&lrm;
وعلي فكرة كان فيه فيديوهات كثيرة بس للاسف اتشالت من علي اليوتيوب بتظهر مين الي في الميدان وبيعملو ايه
http://www.youtube.com/watch?v=DmGQN..._order&list=UL
وديه اللينكات للي مش مصدق
http://www.youtube.com/watch?v=5XnKV...layer_embedded
http://www.youtube.com/watch?v=qj8nf...layer_embedded
كان فيهم حدف الطوب علي الجيش وحرق الاتوبيسات والاستلاء علي المقطورة وتكسير احد الاتوبيسات وكان فيه اشكال الناس
وكلامهم مع بعض ومنظر لكنتاكي وهو متكسر ومسروق

**hobiko** · 13-04-2011 12:47 AM

المشاركة الأصلية كتبت بواسطة enas75

وفي ناس عندها كل حاجه مش عادي ومصيبه وكارثه.....زي الفخفخينا
انا برضو اقدر اتهكم علي حضرتك.....وانكت
لو عندك مداخله معينه تكون في صلب الموضوع .......ولو معترض علي نقطه معينه تناقشني فيها .....انما تنكت وخلاص ...يبقي مع صحابك ومعارفك وانا لست منهم

أولاً ....... أنا كنت بهزر مع أستاذ ahmedjumpo مش مع حضرتك

ثانياً ........ متقلقيش عمرك ماحتكوني من أصحابي ولا معارفي

ثالثاً ..... العدالة إلي بتحكي عنها قايمة على قوانين تم وضعها بعناية عن طريق ترزية الحزب الوطني لتكفل الثغرات اللازمة للبراءة ...... و سلميلي على سيد قراره

العدالة إن من يوم 25 يناير ليوم 28 يناير ...... الناس بتموت في الشوارع الزوجات بتترمل و الأمهات تنهار ..... و هو قاعد في مكانه شايف و بيتفرج ..... دي مسؤلية مين ؟؟؟؟

قاعد في شرم الشيخ من يوميها بيعمل إيه ؟؟؟؟؟ و يعني إيه إقامة جبرية ؟؟؟؟

العدالة إلي انتي عايزها ...... قول حق يراد به باطل ...... العدالة إن مفيش حد فوق القانون .... العدالة اني مديش فرصة للمجرم شهرين يسوي اوضاعه و يستف ورقه و يهرب فلوسه ...... و بعد كدة أجي أقوله تعالى اتحكم ..... و المحكمه تاخد وقتها بقى ..... و بعد سنة ولا اتنين .... القاضي يسأل فين الفلوس ؟؟؟؟ مفيش مش عارفين هي فين ....... القاضي : الحكم براءة

و بعدين إيه التناقض دة ؟؟؟؟؟ منن عايزة نقدم الفاسدين في محاكمة عادية تاخد وقتها ...... و في نفس الوقت نسيب الحزب الوطني عشان حله مش حيفيد في حاجة ؟؟؟؟؟؟ طب منحجز ليهم في الهيلتون أحسن ؟؟؟؟ عشان يعرفوا يخططوا للثورة المضادة و البلطجية ....... براحتهم

العدالة البطيئة عدالة ظالمة

الموضوع: ايه ال المجلس العسكري بيعمله دا ؟؟

LinkBack

أدوات الموضوع

عرض

العرض المتطور

-

المواضيع المتشابهه

عفو عام عن المجلس العسكري

المجلس العسكري

الكلمات الدلالية لهذا الموضوع

المفضلات

المفضلات

ضوابط المشاركة