الموضوع: حكم الصداقة بين الرجل والمرأة

المشاركة الأصلية كتبت بواسطة أبو عبدالله

جزاك الله عنا خيرا يا شيخ خالد



قصة توضح ان المسألة مسألة تزيين شيطان لا اكثر ولا اقل
يعني اللي بتكلمه مراته ولكن الشيطان يزين له بما انه جاهل من هيا وانها فتاة على النت لا يعرفها
وده دليل على ان الشيطان لا يعلم الغيب ايضا لأنه مش عارف ان دي مراته

انا رايي انها توجهه علشات تعرفه ان المسألة مسالة تزيين من الشيطان له ان اللي بيعمله فيه حاجه حلوة او جميلة ليعلم انها مزيفه ولا وجود لها وان ما يبحث عليه موجود اممامه ولكنه مضلل من الشيطان
وربنا يهدينا ويهدي جميع المسلمين

المشاركة الأصلية كتبت بواسطة نور القمر

بالظبط يا ابو عبد الله مسألة تزيين من الشيطان
شياطين الانس والجن بالاضافة للنفس الامارة بالسوء تخلي البني ادم شايف حلاله كله عيوب وشايف حرامه كله مزايا مع ان ممكن في الحقيقة يكون العكس هو الصحيح
ربنا يعافينا ويعافي المسلمين اجمعين من شرور انفسنا وشرور الانس والجن
بالنسبة لصديقتك يا ازميرالدا انا بقترح انها زي ماعلقته بيها بالشخصية الوهمية تدريجيا تبدأ تهديه وتنصحه لطريق الحلال تديريجيا واتوقع انها عملت كدة بالفعل عشان كدة طلب منها الزواج
وبقترح انها تسأله لو زوجته دخلت بشخصية وهمية كلمته على النت هيعرفها ولا لأ وهيكون ردة فعله ايه لو تعرف عليها او هي اعترفت له بشخصيتها وتبدأ تصرح له خطوة خطوة انها زوجته

حبيبتى نور القمر
انك لاتهدى من احببت لكن الله يهدى من يشاء

صدقينى الحكايات اللى هى بتحكيها لى عن جوزها ده بتعيينى من كتر الأنفعال

للأسف هو خريج ازهر !!!!!!!!والمفروض انه عارف كويس الحلال والحرام بس بيلوى عنق الحقيقة بشكل لا يصدق
هى بس مستحملاه عشان الأطفال ( مع ان انا شخصيا شايفة انهم هيكونوا احسن حالا من غيره لأنه مبيصرفش عليهم ولا بيديهم حنان وبيرفض حتى يدخلهم مدارس كويسة )
ومستحملاه عشان مش هتقدر تواجه العالم بلقب مطلقة
لكن هو جامع عيوب الأزواج كلهم اللهم عافنا
بخل تلاقى عين زايغة تلاقى قسوة تلاقى كذب تلاقى عدم صلاة تلاقى
ربنا يصبرها ويعوضها فى الآخرة

تصورى انه بيرفض انها تروح تعالج نفسها عند الدكتور من مرتبها هى عشان تصرف الفلوس دى على البيت

انا بحاول معدتش اسمع منها لأنى اتعقدت