اطرف موقف ليه يا CAMARO
انى كنت فى بداية سواقتى و عندى بتاع 15 سنة كدة و اذا بي افوجئ بيها بترعشلى
من عربية ابويا و ورايا :)
طبعا نزلت تحت فى الدواسة من الرعب p: تقدر تقول ان الموقف دة كان طريف و رخم
برضه :)
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
رقم العضوية : 3195
تاريخ التسجيل : 14Nov2007
المشاركات : 2,838
الحالة :
اطرف موقف ليه يا CAMARO
انى كنت فى بداية سواقتى و عندى بتاع 15 سنة كدة و اذا بي افوجئ بيها بترعشلى
من عربية ابويا و ورايا :)
طبعا نزلت تحت فى الدواسة من الرعب p: تقدر تقول ان الموقف دة كان طريف و رخم
برضه :)
[SIZE="2"]i'll miss everyone[/SIZE]
رقم العضوية : 1259
تاريخ التسجيل : 30Jun2007
المشاركات : 324
النوع : ذكر
الاقامة : USA فلوريدا-الاسكندريه
السيارة: Toyota
السيارة[2]: BMW
الحالة :
كنت لسه طالب في طب اسكندريه (مش من زمان قوي 1988)
و كنت بركن بالقرب من شركة النصر للسيارات وخبطت فانوس 131 اللى جنب النمره
وكنت راكب بولونيز وولا حسيت بحاجه
المهم خلصت المشوار لقيت صاحب 131 واقف مستني وراسه والف ...... انه مش حيسيبنى الا لما ادفعله ثمن الفانوس
بحط ايدي في جيبي لقيت كل اللى معايا 35 قرش اي والله طبعا كنت في نص هدومي وحاولت اني اكابر عشان ما يبانش اني معاييش فلوس قدام الراجل
ما نفعش اخيرا قلتله الحقيقه بس وانا في نص هدومي
مش ممكن انساه ابدا
رقم العضوية : 2114
تاريخ التسجيل : 10Sep2007
المشاركات : 2,904
النوع : ذكر
الاقامة : الجيزة
السيارة: لانوس1 مو 2000
السيارة[2]: لانسر كرستالة
دراجة بخارية: معنديش
الحالة :
أطرف موقف: إني لما رحت الرياض و كنت بسوق على قدي ,
جابولي عربية لينكولن من القديم و قاللولي ان دي هتبقى عربيتي ,
المهم ركبت العربية و لقيتها واسعة من جوة و بعدين ببص على الشارع من خلال الزجاج الامامي ,
و فضلت أبص أبص و بلاد تشيلني و بلاد تحطنى لغاية لما وصلت لبداية الكبوت ,
و طبعاً انا مشفتش حاجة بعد الكبوت , نظري مجبش بعد كدة ,
فنزلت من العربية و قولتلهم مش هسوق العربية دي , هاتولي عربية صغيرة :) :) :)
=====================================
أما أغلس موقف : اني كنت سايق عربية والدي و كانت أمريكي بس صاجها جامد جداً و الأكصدام فولاز ,
المهم كنت رايح مشوار و معايا واحد صاحبي , و فجأة لقيت عربية بيجو 404 جاية عكس فوقفت على طول , أما هو فكان الكاوتش عنده مش سليم فعربية زحفت على الأرض و دخل في عربيتي بوز في بوز ,
المهم لقيت صاحبي بقدرة قادر قاعد في الدواسة , فنزلت و لقيت البيجو اتبهدلت و عربيتي مفيهاش الهوا , الإكصدام خد الخبطة كلها , و لما صاحب البيجو شاف كده اتجنن و بقى عايزني اعوضه و عايز يتخانق رغم انه غلطان , و انا كنت هتخانق معاه لكن لقيت انه في منطقته و لو اتخانقنا ممكن يتكاترو علينا , فقلت لازم اخلع من المكان ده بصنعة لطافة , وقلتله احنا نروح لسمكري و يقدر التكاليف , فقالي نروح لواحد صاحبي , قلتله ماشي , و روحنا عند السمكري و قلتله على الموضوع فالسمكري غلطه و يدوبك قال كده و قبل الراجل ما يفوق كنت مشيت.
مع تحياتي ,,
أكــــرم
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
الموقف ده حصل لزوجتي الاسبوع دة وهي بتتعلم مع واحدة ست مدربة سواقة :
كانت في ميدان العباسية والاشارة فتحت وهوب ... العربية طفت منها .... وكل ما تدورها تزحف للخلف علي العربية اللي وراها .. وارتبكت طبعا والميدان كله عمال يدي كلاكسات ... المهم المدربة بطلت العربية خالص وشدت فرامل اليد وقالتلها اطلعي من أول وجديد والناس وراها بتغلي من الغيظ ... (بس انا كاتبلها علي العربية يافطة تعليم عشان اللي مستعجل يلف من مكان تاني) :D
وفين ... لما طلعت بالعربية لقت اللي وراها كلهم عمالين يقولوا الله اكبر .. الله اكبر... ويهتفوا....
راحت المدربة طالعالهم من الشباك وعمالة تزعقلهم : جري ايه يا جدع انت وهو ... هو انتو رايحين الحج والا اية ... طبعا انا سمعت الحكاية دي وتخيلت الموقف وفطست علي روحي من الضحك ... تخيلو بقي ميدان العباسية كله منتظر ...وعامالين يهتفولهم.. الله اكبر... الله اكبر... رمضان قرب ييجي وانتي لسة ما طلعتيش يا حاجة ... وتعليقات في منتهي الكوميديا
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 3233
تاريخ التسجيل : 16Nov2007
المشاركات : 4,415
النوع : ذكر
الاقامة : El Haram
السيارة: FSO Polonez 1990
السيارة[2]: Hyundai Verna 2008 LS
الحالة :
هههههههههههههههه
فكروني بموقف لن انساه في حياتي
لما خبطت عربيه ابويا
كنت لسه شاري ال 127 و عامل بيها حركات وغرز و بتاع فرحان بيها لسه
المهم السيد الوالد " مبيحبش الجري خالص " قال لازم اعلم الواد ده الادب عشان يبطل تنطيط خصوصوا اني غظته فبلها انه مبيعرفش يعمل غرز بعربيته
اكيد معاه حق البولونيز يتعمل بيها غرز ازاي
المهم كنا في مشوار موصلين جماعه قرايبنا و اذا بالسيد الوالد امامي عمال ياخد غرز زيوووووو زيوووووووووو انا مش مصدق نفسي و باخدهم وراه
هب مكروباص زنق عليه فرمل مره واحده لبست فيه
و هو نسي نفسه و نزل يزعقلي في الشارع و الناس اتلمت فبيقولهم مفيش حاجه ده ابني
تخيلو تعلقات الناس كانت ايه
يوم عمري ماهنساه
رقم العضوية : 197
تاريخ التسجيل : 25Apr2007
المشاركات : 1,377
النوع : ذكر
الاقامة : Sheikh Zayed
السيارة: كيا برايد سيدان
السيارة[2]: Fiat Uno 45 (1997)
دراجة بخارية: No
الحالة :
أول يوم اسوق فعلياً، كنت راجع ع المحور وواقف وقفة مهببة، أول ما مشي العربية عطلت !!
وإذ بي أفوجأ العربية ماشية لوحدها ابص ورايا الاقي واحد نازل من عربية نقل بيزقها بِغِل كأنه بيقولي "هي ناقصاك" !!
بس .. ركنت والعربية اتصلحت وكل مافتكر الموقف ده ابتسم، الراجل كان هايتشل مني قال يفش غله في زق العربية :)
رقم العضوية : 1716
تاريخ التسجيل : 12Aug2007
المشاركات : 12,834
النوع : ذكر
الاقامة : Egy
السيارة: ex polo ex lancer
السيارة[2]: Kia Cerato
الحالة :
كان عندي عربية بي ام E21 و أنا في الجامعة
المهم العربية و انا ماشي لاقيتها مالهاش علاقة بالدواسة بتاعة البنزين خالص
لاقيت سلك الأكسلراتير اتقطع و عايز اروح و كنت بالليل .
تعمل ايه يا واد يا حمد
تعمل ايه يا واد يا حمد
قمت جبت قماشة من الشنطة و قطعتها بالطول و ربطت بيها رفاس الأكسيلراتير و هويت الكابوت حاجة بسيطة و مسكت القماشة من طرفها التاني بأيدي وانا راكب
اشد ......... العربية تجري :d
ارخي .............العربية تهدى :(
و انا ماشي كنت حاسس اني راكب حصان ...حمار ... حاجة دواب يعني:)
رقم العضوية : 7802
تاريخ التسجيل : 22Mar2008
المشاركات : 557
النوع : ذكر
الاقامة : cairo
السيارة: هيونداى i30
السيارة[2]: هيونداى i30
دراجة بخارية: ....
الحالة :
هههههههههههههههههههههه جامده فكره حته القماشه دى ههههههههههههههه
اغلس موقف
انا بقى كنت فى المرور و انا بطلع رخصه و كان فيه ورايا بنت ركبه سيات اللى بتتاجر دى عشان صغيره يخشو يخلصو الموضوع و يخرجو المهم انا راكب العربيه و فى حالى لقيت اللى ورايا البنزين بيعلى و اذ فجأتا العربيه اللى ورايا اللى عى السيات الصغيره دى راحط نطه منها و دخلت فى الجمب بتاعى من ورا نزلت ازعق و اتخانق الظابط شاف الحوار طلعها من المرور خالص و طلع كل العربيات السيات :d
اطرف موقف ان عربيه كليزيلر كانت ورايا و عميانى بلزينون و ما ادراكو ما الزينون بتاع العربيه دى بلزات كريسلر اللى هى شبه العربيات القديمه المهم كان ورايا و الواد ايه مفيم العربيه و بتاع و زينون وبتاع و كنا على كوبرى حدايق القبه اللى قدام القصر الريس المهم رحت مشغل الانتظار و رحت واقف و نزلت قعتلو على شنطه العربيه فا فتح الشباك عشان يشتم و بتاع فا قعت وبروود الدنيا قولتلو مش همشى غير لما تطفى النور :D
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
ههههههههههههه
جامدة أوي المواقف دي و خصوصاَ دة
و دي مواقف حصلتلي في ال 6 مرات اللي سقت فيهم العربية و كان في كذا مرة مع بابا اللي معقدني في عيشتي :
1- مرة كنا في الساحل كان في عيد كبير و جدتي كانت بتدبح مع ناس قرايبنا في برج العرب المهم و إحنا داخلين القرية قلت لوالدي اسوق أنا كانت 2 مرة اسوق فيها المهم سقت و مشيت بالعربية و مرة و انا ماشي في شارع صغير و في عربيات على الجنبين و في ناس ماشية على الناحيتين المهم فجاة ............................... ولد صغير 4 سنين جري من والده و بيني و بينه حوالي 0.5 متر المهم أنا و لا دوست فرامل و لا رفعت بنزين .....عادي خالص :D:D:D:D بس الحمد لله ربنا ستر و واحد شدة للناحية الثانية بسرعة و أنا TAKE IT EASY YA 3AZEZY الحمد لله ربنا ستر .
2- المرة دي كانت المرة ال 6 اللي أسوق فيها العربية و كانت أول مرة أسوق لوحدي ( ;) سرقة يعني ) و كنت في مشوار جنب البيت بعد ما اخدتها من الميكانيكي المهم في دخلة على شكل V و أنا داخل يمين و كان في واحدة راكنة بأكسنت يمين المهم هي طلعت في دخلتي و قفلت عليا !!!!! إيه باه الغلاسة دي المهم خلتني غصب عني أخدت شمالي و بعدين لقيتها هدت :( تقريباَ فهمت فعدلت و دخلت يمين تاني .
3- المرة اللي قبلها كنت راكب مع واحد بيعلمني السواقة المهم كنت ماشي بالراحة نوعاَ ما و فجاة الاقيلك نقل من ورايا عمال يزمر بيييييييييييييييييب فجأة دخل شمال علشان يفاديني و المسافة بيني و بينه كانت VERY CLOSE جداَ قمت سايب الدريكسيون و كنت هدخل بالعربية في عامود نور .
4- مرة كنا بنصيف في رأس البر ( على رغم إنه مصيف شعبي جداَ بس أنا بعشقه ) و ألحيت على والدي في يوم من الأيام إن إحنا نطلع طلعة الصبح علشان أتعلم المهم رحنا في طريق فاضييييييييي خلف البلد و سقت العربية كان طريق طوله حوالي كيلو و كان داخل على طريق تاني و مكنش فيه لفة U TURN لأنه كان عبارة عن جزيرة من الرمل في النص المهم بعد ما خلصت الكورس قالي لف من الرملة فدخلت في حتة فيها رملة كتير و العربية شبه غرزت المشكلة إن الشاسيه كان فيه شرخ فالكوبلن كان بيطلع و لما تعدي على أرض فيها رملة بتزحلق العربية بتتنفض جامد جداَ المهم آجي ادوس بنزين و ما أدراك على اللي حصل ............... زلزال بقوة 1000 ريختر .
أنا عايز أضيف حاجة صغيرة : لما والدي كان بيركب جنبي علشان يعلمني كان بيغظني جداَ يعني يبقى في مطب قدامي أعلى من جبل إفرست و الأعمى يشوفه يقولي حاسب المطب و من دة كتيررررررر .
دي بعض المواقف اللي حصلتلي و انا بسوق . :):):):):):)
المفضلات