فلتر رياضي بوظلي دنيا

**HotRide** · 12-04-2011 10:59 PM

السلام عليكم يا شباب

انا الحمد لله سقطت مكنه في هوندا سيفيك Vtec D15B JDM
المهم الموتور ركب بدون فلتر نهائيا الخرطوم الاسود بدون اي فلتر و مشيت بيها يومين كده كتجربه للموتور و سحب و اداء ما شاء الله كان قوي

جبت فلتر k&n بس صيني مش اصلي و ميفرقش شكله عن سيموتا....المهم ركب من هنا و اداء العربيه قل نسبيا و كمان استهلاك بنزين زاد !

ايه بقي ؟

**momo44** · 13-04-2011 01:14 AM

h.hn dا باشا تمشى بالعربية بدون فلتر
كده يدخل تراب جوة الموتور ويسلخ الجدران من جوة ويبوظ الموتور

**elpasha1** · 13-04-2011 01:35 AM

حرام عليك ... هتبوظ كل اللى انت عملتة

**mzzzika1** · 13-04-2011 01:43 AM

حتة الاداء طبيعى انة يقل عشان انت كنت فاتح دخول الهوا على البحرى والفلتر قلل دخول الهوا شوية انما البنزين مش عارف صراحة زاد لية

**HotRide** · 13-04-2011 02:02 AM

المشاركة الأصلية كتبت بواسطة momo44

h.hn dا باشا تمشى بالعربية بدون فلتر
كده يدخل تراب جوة الموتور ويسلخ الجدران من جوة ويبوظ الموتور

ما كلام ده اول ما ركبتها و اليوم البعدو بس....وركبت بعدها فلتر

المشاركة الأصلية كتبت بواسطة elpasha1

حرام عليك ... هتبوظ كل اللى انت عملتة

عشان ايه بس ؟
عشان نوع فلتر و لا عشان مشيت من غير فلتر ؟ عامه انا مشيت علي وضع ده يومبن بس مش و فلتر ركبتو و لسه راكب

المشاركة الأصلية كتبت بواسطة mzzzika1

حتة الاداء طبيعى انة يقل عشان انت كنت فاتح دخول الهوا على البحرى والفلتر قلل دخول الهوا شوية انما البنزين مش عارف صراحة زاد لية

طب ده علي كده علبه فلتر الاصليه بتخنق العربيه اكتر ؟؟؟

**mr_vampire** · 13-04-2011 02:08 AM

متقلقش ياباشا ان شاء الله مفيش حاجة حصلت فالموتور لانك ممشتش فترة طويلة يعني هما يومين وكمان انتا اكيد مكنتش ماشي علي طريق ترابي يعني اسفلت عادي. وفعلا بعد الفلتر هتحس بتقليل شوية لانك خنقتها في سحب الهوا عن الاول لما مكنش راكب فلتر خالص.

سؤال بقي جانبي هي الهوندا عاملة سعر كام دلوقتي لاني بحبها جداااااااااا وان شاء الله ناوي علي واحدة بس امتا الله اعلم.

**matmm** · 13-04-2011 03:09 AM

طيب ما ممكن يكون الفلتر دة مكتوووم لو مكتوم هيقلل السحب و يزود استهلاك البنزيين

**AkramArafa** · 13-04-2011 03:41 AM

ممكن يكون مكانه مش مناسب

**HOSSAM99** · 13-04-2011 04:26 AM

و عليكم السلام و رحمة الله
غلطه أن حضرتك جبت الفلتر الصيني و الفلاتر الصيني شكل و ممكن صوت مبتديش أداء و ساعات في أنواع بتكتم الهوا علشان تطلع صوت
ممكن يكون عيب خامة الفلتر
حاول تجيب فلتر أوريجينال أو صناعه نضيفه بالكيت بتاعه كله ,الماسوره الأستانلس , العازل , و ركبه و إن شاء الله يفرق معاك و حاول تبعده عن صهد الموتور

ثم فلتر أيه ده دا حضرتك ما شاء الله جايب مكنه جميله خش علي التربو علي طول بقي

**foxawy** · 13-04-2011 02:07 PM

ممكن اما مشيت من غير فلتر والسحب عالى بس دخل التراب اما ركبت الفلتر اكيد هتحس العكس انما لو ركبت الفلتر الرياضى كان هيعجبك فى الاول ومش هتحس بعدم السحب غير زيت وركب فلتر نضيف خامه كويسه وياريت مسوره استالس هيكون احسن وحاول تخالى الفلتر بعيد عن الماتور عشان الهواء السخن

الموضوع: فلتر رياضي بوظلي دنيا

LinkBack

أدوات الموضوع

عرض

فلتر رياضي بوظلي دنيا - انشر الموضوع فى :

-

-

-

-

المواضيع المتشابهه

دنيا الفراشات ..... و دنيا الواقع ...

لو هركب فلتر رياضي!!!!!!

عاوز فلتر رياضي

فلتر رياضي لبيجو 504

فلتر هوا رياضي Simota

الكلمات الدلالية لهذا الموضوع

المفضلات

المفضلات

ضوابط المشاركة