الموضوع: الحمد لله بقيت واحد من اهل السوزوكي

ما شاء الله تمنها كده كويس اوي.
بالنسبه للنصايح فاهم حاجه خلي بالك من السقف بتاعها لان ضعيف جدا و البارومه بتدخله بسهوله.
لو لقيت بارومه عالجها بقصدير مش عند السمكري علشان السقف ما يموجش منك.
قطع الغيار بقي عندك محلات كتير في احمد حلمي و كلها سوزوكي بس جديد و استعمال
دا رقم محل اسمه ميدو 2 في شارع احمد حلمي و المسئول اسمه رامي
25797749 و الموبايل 012480867 عندهم كل حاجه و جديد و استعمال و انا مجربه قبل كده و شاري من عنده بس فاصل معاهم علي خفيف.
خد بالك من الرداغ بتاعها لانه بيبقي تحت الكنبه الخلفيه و لو لقيت العربيه مش بدور في مره تعرف ان العيب منه و تجيب الرداغ بتاعها ما تسمعش كلام اللي يقولك نركب رداغ في سدر العربيه .
لو حتجيب حاجه في العفشه هاتها جديده و اشتري دماغك ما تسمعش كلام اللي يقولك دا استعمال و ياباني و الكلام الفارغ دا العفشه تبقي جديده خصوصا المساعدين و الاسكترا.
و شوف اي حاجه عاوز تعرفها انا تحت امرك:)