الحمد لله بقيت واحد من اهل السوزوكي

**furp** · 16-04-2008 12:54 AM

السلام عليكم

اخواتي الاعزاء

الحمدلله اخيرا بعد تدوير ما يقرب من 5 شهور لف علي عربيات اشتريت سوزوكي سويفت موديل 94 شنطه والحمدلله فابريكه بالكامل وكمان بشدها دلوقتي علشان اريح دماغي منها

بس طبعا هيا مفهاش كماليات ايه رايكم اركب زجاج كهربائي وسنتر وكده ولا بلاش علشان ميقرفنيش في العربيه بعد كده

وايه اهم نصايحكم الغاليه علشان احافظ علي العربيه دي

وربنا يبارك فيكم جميعا

**fahd_628** · 16-04-2008 01:08 AM

الف الف مبروووووووووك

انا رأى بلاش زجاج كهرباء خليك فى سنتر و كدة يبقى تمام

**mohamed ibiza** · 16-04-2008 02:17 AM

زي فهد و حاول تحطلها عتب و اكصدامات فيبر عريضه و جنوط 15 و فرد 195\55 عشان العربية كانت عندنا و ثباتها مش اوي لانها خفيفة موووووووووووووت

Ibiiiiiiiiiiiiiiiiiiiiiiiiiiizzzzzzzzzzzzzzzzzzzzz zaaaaaaaaaaaaaaaaaa For Ever

**Mzeid** · 16-04-2008 02:26 AM

أولاَ 1000 1000 مبروك و ربنا يعطيك خيرها و يكفيك شرها و يبارك لك فيها إن شاء الله ..
ثانياَ اسمع كلا فهد و محمد وركب بس سنتر و جنوط ..
أهم حاجة بقى إنك تنضفها يعني لو فيها خرابيش و لا أي حاجة ادهنها و لو مفيهاش حاجة اغساها عند مغسلة محترمة لأن حتى لو العربية قديمة بس نظيفة هتبقى في عين صاحبها أحسن من مليون فيراري لما تبقى واقفة نظيفة و بتلمع قدامه أما لو حالة الصالون مش قد كدة حاول اظبطها عند أي سروجي يركبلك فرش جديد و ينظفلك الأبواب و التابلوه .. و إن شاء الله تحافظ عليها و تأدي الغرض ..
:):)

**furp** · 16-04-2008 02:39 AM

الف شكر ياجماعه وربنا يبارك فيكم يارب

وإن شاء الله اعمل بنصايحكم كلها لانها نصايح غاليه وتحترم

وبالنسبه للكاوتش هي فيها طقم كاوتش جديد تيوبلس وفيها جنط ياباني اصلي

وانا بشدها دلوقتي وبغير كل حاجه فيها مش مظبوطه بما فيهم الفرش هيا فيها فرش الفابريقه وعليها فرش جلد كويس

وإن شاء الله هركبلها السنتر وهظبط البويه بتاعتها ضمن الشده والله المستعان

والف شكر ليكم ويارب يوفقكم جميعا للخير

**hazem_khidr** · 16-04-2008 07:25 AM

الف الف مبروك و ربنا يحفظهالك\.
94 يعني المفروض ياباني و فيها تكييف اصلي
يا تري جبتها بكام و فين الصور تفرجنا:)
و اي سؤال عن السويفت اسأل و اخوك حازم يرد عليك:)
لانها معايا بقالها فتره و حافظها كويس

**محمد عز** · 16-04-2008 08:33 AM

مبارك عليك ياباشا

**furp** · 17-04-2008 02:43 AM

اخواتي الاعزاء

الف شكر ليكم جميعا وبالاخص استاذ حازم ولكل من شرفني بالرد والف شكر ليكم جميعا

وبالنسبه للعربيه ياستاذ حازم هيا مصري مش ياباني وفاضية مفهاش اي حاجه وانا جبتها ب25.500 بس دلوقتي بشدها بالكامل يعني هتقفل ب28.500 بالسنتر والانزار والجنوط وكل ما فيها

هتتشد بالكامل وإن شاء الله او ماتخلص من الشده هنزلها علي طول وياريت رأيك ياباشا

ويارب اكون وفقت فيها

وياريت بقي ياستاذ حازم نصايحك الغاليه

وشكرا جزيلا لكم جميعا اخواني