شعورك ايه بعد احتجاز مبارك ونجليه 15 يوم

**م/مصطفى محمود** · 13-04-2011 06:34 PM

فرحان جدا جدا جدا والحمد لله

يا جماعة الراجل ده كان بيحرق دمنا فى الميدان بتصريحاتة ، والله كانت نفسي بتصعب عليا وانا بتضرب ، ياااااااااااااااااااااااا ه ، بجد دي أقل حاجه ، انا مش شمتان ولا عايزة يتظلم ، بس لازم ناخد حقنا بالعدل

بجد بجد بجد بجد دي أقل حاجه ، وبإذن الله كل الفاسدين يحصلوه وننضف

بجد من أسعد أيام حياتي والحمد لله (مبارك وأولادة وسرور وفتحي ومرتضي)

الحمد لله كما ينبغي لجلال وجهه وعظيم سلطانة

**medo_2060** · 13-04-2011 06:54 PM

مش شمتان فيه اوى لكن مش متعاطف معاه اطلاقا...بقول لنفسي الاولى اتعاطف مع ام شهيد او مصاب او مفقود او اى واحد من ضحايا حكمه..
وشوفت تعليق جامد اوى :
في السنة اللي قالوا فيها جمال هيبقي الريس.. حبسناه هو و ابوه.
الشعب المصري.. ام الاجنبي
---------------

**medo_2060** · 13-04-2011 07:00 PM

YouTube - ‫ط§ط؛ظ†ظٹط© ط§ظ„ط¸ظ„ظ… ط.ظٹط±ط.ظ„..ظ„ط§ط²ظ…:::ظ…� �µط·ظپظ‰ ط³ط¹ظٹط¯‬&lrm;

**aif** · 13-04-2011 07:57 PM

لكل شيء اذا ما تم نقصان .... فلا يقر بطيب العيش إنسان
هي الحياة كما شاهدتها دول .... من سره زمن ساءته أزمان

**amr5500** · 13-04-2011 08:07 PM

[overline]النهاردة اسعد يوم في حياتي
بصراحه يستاهلوا اي حاجة تحصلهم
دي عالم ماكانش عندها اي رحمه ياما ظلمو وقتلو ونهبو
بصراحه مش حاسس باي تعاطف معاهم
حتكمل فرحتي لما يجيبوا الحرامي الكبير يوسف بطرس غالي ورشيد محمد رشيد من الخارج
الي مزبله التاريخ[/overline]

**thedeveloper87** · 13-04-2011 11:34 PM

أنا مش شمتان فيه ، بس فرحان إني شفت بعيني اليوم اللي ماكنتش أحلم بيه طول عمري
شفت اليوم اللي يخش فيه السجن اللي يستحقه ، بعد ما كان بيخشه من يقول ربي الله
شفت فرعون بعد ما كان بيعتقل وبيعذب الآلاف بل الملايين ... أهو مرمي في السجن

أنا فرحان إن الراجل ده أصبح آية لينا وعبره لكل من تسول له نفسه خيانة الأمانة وسرقة وتعذيب ونهب شعب بأكمله
أنا فرحان إن شفت نهاية الظلم قبل ماموت

مش عارف ليه افتكرت القصيدة القديمة دي دلوقتي:

سيدي الرئيس في عيد ميلادك الكام وسبعين
كل سنة وانت طيب واحنا مش طيبين
كل سنة وانت حاكم واحنا محكومين
واحنا مظلومين واحنا متهانين
ويا تري يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك -
ها تفتكر مين وللا مين
في عيد ميلادك الكام وسبعين
بقول لك كلمتين
الأوله شيلتنا طين
و هل تعلم أن النيل بقي رشاح
و الجو أصبح بيئة والعيشة ولعة
و الشرفا قلوبهم عالبلد والعة
و انت عاملهم مذبحة ولا بتاعة القلعة
و الإقتصاد سداح
و السرقة بقت كفاح
و مصر متاحة بس للسياح
و عرض البلد بقي مستباح
و الثانية ورتنا الويل
دا الخطوة في عهدك بقت ميل
و الضحك بقي نواح و عويل
و الكوسة؛؛عارف الكوسة؟؟
ممكن أقول لك فيها مواويل
و الجامعة بقت يا إما كباريه أو دار مسنين
و الشباب معظمهم من غير خمرة سكرانين
و العلم عز علي المتعلمين
و الأساتذة بقم دجالين
و القادة بقم طبالين
و اديني في الهايف يا حبيب الملايين
و الثالثة عارف اليابانيين ؟؟
زمان في سنة اتنين و خمسين
كان عندنا تروماي و كان عندنا علم و متعلمين
و ثقافة و مثقفين و أدبا و علما و فنانين
و كانو اليابانيين بالنووي لسه مضروبين
و للصدقة مستحقين
دلوقتي إحنا فين و هما فين
هما فوق و احنا في أسفل سافلين
و الرابعة أمن بلدنا بقي تنين
>>و المحاكم اتملت مظالم
و العدالة بقت كمالة
و كلمة الحق في الزبالة
و >>أصحابها في الزنازين
و الخامسة القطاع العام....عام
و الفساد.....ساد
وفي جتة بلدنا بيرعي
أفتكر لجنابك إيه و للا إيه
و كل ذكري ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية و سبعين
بس ها كفيهم ورق منين
و كل سنة و انت ............ و احنا طيبين

**mmolazem** · 13-04-2011 11:46 PM

لن يكون فى بلدنا من هم فوق القانون
و ان شاء الله فى انتظار النهاية العادلة لكل المفسدين.

**Khaled_Nowaihy** · 14-04-2011 12:12 AM

أنا دايماً اتذكر حديث سيدنا محمد عليه الصلاة والسلام

فإنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وإني والذي نفسي بيده لو أن فاطمة بنت محمد سرقت لقطعت يدها

وأقول اننا فى طريقنا للهلاك
واشوفه بيقول لا أحد فوق القانون
واشوف سيد قراره

لكن الآن الميزان اتعدل ... لذلك أنا فى قمة السعادة والحمد لله
حتى لو كان اللى اتحبس ده أبويا والعياذ بالله

الدور والباقى على صغار اللصوص والبلطجية اللى ماليين البلد ومنغصين علينا حياتنا
سواء اللى فى الشارع أو اللى ما زالوا فى مواقعهم حتى الآن

-

-

الموضوع: شعورك ايه بعد احتجاز مبارك ونجليه 15 يوم

LinkBack

أدوات الموضوع

عرض

-

-

-

-

-

-

-

المواضيع المتشابهه

النائب العام يحيل "مبارك" ونجليه وحسين سالم لـ"الجنايات"

إحالة مبارك ونجليه إلى الجنايات

الكلمات الدلالية لهذا الموضوع

المفضلات

المفضلات

ضوابط المشاركة