عملت صيانة 60000 وبعض الاستفسارات

**SoFiMaN** · 14-04-2011 01:40 AM

السلام عليكم

طبعا لأني بحب ابلغكم بكل جديد بعمله فمن كام يوم الحمدلله عملت صيانة ال60000 و دي الحاجات اللي اتغيرت و محتاج اعرف للي يعرف المصطلحات دي ايه هي الحاجة اللي اتغيرت غير زيت الفرامل و زيت العربية (هم بيستخدموا نوع ايه صحيح؟) و البوجيهات.
يعني ايه Ring gasket (بشوفها كل مرة اروحلهم تقريبا)
يعني ايه Timing kit ؟
يعني ايه Radiator Coolant ؟
يعني ايه Aternator Belt ؟
يعني ايه Plug + Seal Plug ؟

و قالي انه اثناء الكشف غير حاجة كده لقاها بتفوت ترس بس مش فاكر اسمه غريب تمنه 1650 جنيه و الحمدلله غيره في الضمان بس اللي انا بشوفه ان حاجات اللي بتتغير في الضمان مش بتتكتب في الفاتورة.

تكلفتها الاجمالية: 2450 جنيه

**chato_eg** · 14-04-2011 04:56 AM

ال ring gasket ده هتلاقيه حاجة زى الجوان...قطعة صغيرة أكيد...بيغيروها مع غيار الزيت
ال timing kit هى دى ترس الديفيزور بالبلية و سير الكاتينة..بتبقى مجموعة بتتغير مع بعضها
ال radiator coolant دى المياه اللى بتتحطط فى الرادياتير
ال alternator belt يبقى سير الدينامو
ال plug و ال plug seal دول يبقوا طبة و حاجة زى الجوان كده بتحكم الغلق..قطع صغيرة

مادام الفاتورة ب 2450 يبقى ما غيرتش طلمبة المياه....طبعا علشان فى اسكندرية بيكشفوا الأول على الطلمبة مش بيغيروها مع الصيانة الكبيرة زى عندنا لإن لو احتجت تفكها هتفك كل الحاجات إللى غيرتها

مبروك على الصيانة و أكيد حاسس بفرق النعومة و الهدوء، مش كده ؟

**SoFiMaN** · 14-04-2011 08:08 AM

الف شكر على توضيحك يا باشا,, اه الفرق واضح في النعومة و السحب برضه لأن كان عندي مشكلة Check gearbox و غيروا قواعد موتور و قواعد جير بوكس تبع الضمان برضه فهم كانوا قايلين المشكلة دي اصلا بتقلل السحب كمان.

**drmatiya** · 16-04-2011 09:10 PM

هي عربيتك موديل كام؟

**SoFiMaN** · 16-04-2011 11:16 PM

المشاركة الأصلية كتبت بواسطة drmatiya

هي عربيتك موديل كام؟

2008 .. تشتري يا باشا ؟ :d

**Hany Saad** · 16-04-2011 11:40 PM

المشاركة الأصلية كتبت بواسطة SoFiMaN

السلام عليكم

طبعا لأني بحب ابلغكم بكل جديد بعمله فمن كام يوم الحمدلله عملت صيانة ال60000 و دي الحاجات اللي اتغيرت و محتاج اعرف للي يعرف المصطلحات دي ايه هي الحاجة اللي اتغيرت غير زيت الفرامل و زيت العربية (هم بيستخدموا نوع ايه صحيح؟) و البوجيهات.
يعني ايه Ring gasket (بشوفها كل مرة اروحلهم تقريبا)
يعني ايه Timing kit ؟
يعني ايه Radiator Coolant ؟
يعني ايه Aternator Belt ؟
يعني ايه Plug + Seal Plug ؟

و قالي انه اثناء الكشف غير حاجة كده لقاها بتفوت ترس بس مش فاكر اسمه غريب تمنه 1650 جنيه و الحمدلله غيره في الضمان بس اللي انا بشوفه ان حاجات اللي بتتغير في الضمان مش بتتكتب في الفاتورة.

تكلفتها الاجمالية: 2450 جنيه

فى صيانة إسكندرية لا يتم تغيير ترس الديفيزور و لا طلمبة المياه طالما لا يوجد منهم شكاوى.
-Ring gasket : عبارة عن وردة لطبة الزيت..هذه الوردة يجب تغييرها فى كل مرة غيار زيت أو بمعنى أصح فى كل مرة نفتح فيها طبة الزيت.
-Timing kit: طقم سير تقسيم و ده عبارة عن السير+جلبة
-Radiator Coolant : مياه رادياتير
-Aternator Belt : سير الدينامو
-Plug + Seal Plug : طبة + جوان أعتقد دول تبع سير التقسيم لكن مش متأكد قوى.

الف مبروك صيانة ال60000 و عقبال ال120000.

**SoFiMaN** · 17-04-2011 01:19 AM

المشاركة الأصلية كتبت بواسطة meggieboy

فى صيانة إسكندرية لا يتم تغيير ترس الديفيزور و لا طلمبة المياه طالما لا يوجد منهم شكاوى.
-ring gasket : عبارة عن وردة لطبة الزيت..هذه الوردة يجب تغييرها فى كل مرة غيار زيت أو بمعنى أصح فى كل مرة نفتح فيها طبة الزيت.
-timing kit: طقم سير تقسيم و ده عبارة عن السير+جلبة
-radiator coolant : مياه رادياتير
-aternator belt : سير الدينامو
-plug + seal plug : طبة + جوان أعتقد دول تبع سير التقسيم لكن مش متأكد قوى.

الف مبروك صيانة ال60000 و عقبال ال120000.

الكبيير,, مختفي ليه كده ؟ انا لما عملت الموضوع كنت متوقع انك اول واحد ترد :d
عموما هو ترس الدفيفيزور بيقولي انه لقاه بيفوت و تم تغييره في الضمان الحمدلله و برضه كنت قايله على اللبادة عملوها.

**Hany Saad** · 17-04-2011 08:37 PM

المشاركة الأصلية كتبت بواسطة sofiman

الكبيير,, مختفي ليه كده ؟ انا لما عملت الموضوع كنت متوقع انك اول واحد ترد :d
عموما هو ترس الدفيفيزور بيقولي انه لقاه بيفوت و تم تغييره في الضمان الحمدلله و برضه كنت قايله على اللبادة عملوها.

الله يخليك....شوية ضغط شغل كده علشان الواحد يعوض الشهور اللى وقعت...و ربنا يسترها علينا جميعاً.....

الحمد لله إنك غيرت كمان الديفيزر....كده هتنساه من دماغك خالص لأن الجديد معدل.....

موضوع اللباده ده أنا مش واخد بالى منه...لكن مبروك عليك....

أنا لسه من شهر برده مغير سير التقسيم و الدينامو فقط (معملتش صيانة 60000 كم كاملة) لأن العربية عاملة 48000 كم لكنها موديل 2006.