ادارة شؤوون الثورة المضادة ............

**bassem.naguib** · 14-04-2011 11:43 PM

المشاركة الأصلية كتبت بواسطة dolly13

هو الشئ المحير فعلا هم ماهربوش ليه قبل كدة لو مش واثقين من برائتهم ؟

ممكن يكون الخوف من الملاحقة القضائية أو مصادرة الأموال بس دي مستبعدة .. وكمان مش لازم ننسى الفترة اللي الكل ستف فيها ورقه واللي قدر يخرج فيها فلوسه خرجها .. واللي رستأ فيها نفسه رستأها علشان يكون زي الفل ومعليهوش حاجة (الفترة اللي كانت كلها x و z ) واللي الراجل كان مش عارف فيها حاجة وكانت كلها شفافية .. مش عاوز ضرب من الناس اللي بتأيده وعاملين جروب بنحبك يا ....... هههههههههههههههه

المشاركة الأصلية كتبت بواسطة lancelot

الموضوع فعلا يقلق

طبعاً يقلق .. علشان كدة لازم يكون فيه حذر وتيقظ من الشعب وتأني من القضاء .. بس يا ريت مينقلبش للتشكيك علشان حال البلد بصفة عامة يمشي .. نفسي أغمض عيني وأفتحها ألاقي الدنيا هديت وبقت كويسة .

المشاركة الأصلية كتبت بواسطة misoalex

افرح بس بحظر

حاسس ان فيه حاجه حتحصل ايه هى الله اعلم بس مش عارف ليه اللى بيحصل ده تهدئه للرأى العام والشعب

ربنا يستر .. ويجيب العواقب سليمة .

**م. حاتم السباعي** · 14-04-2011 11:49 PM

سبحان الله العظيم
مع الاحترام الكامل لصاحب الموضوع
و لكن انتشر الكلام فعلا في كذا مكان من يوم ما اتمسك العادلي و عز و جرانة و المغربي ثم اتمسك باقي الشلة و اخيرا تم ترحيل جمال و علاء للسجن و تم التحفظ علي مبارك في المستشفي و بعد كل ده نجد انه للاسف
مازال الشك موجود
مازال القلق بيكتب و كأن من يملك زمام الامور الان ( نصابين ) مثلا
و اخيرا واحد يقول انه خايف يكون الموضوع لكي يهدي الناس
طيب ليه ( يوسف غالي ) هرب
و ليه حسين سالم هرب و ليه رشيد لم يعود و يسلم نفسه طالما الموضوع خدعة و انهم متفقين علي شئ
و لو فيه اي شئ به اتفاق او صفقة او اي شئ كان ظهر
احنا بس فينا ناس لا تهدئ ابدا
و لو البلد اعدمت مبارك اكيد تاني يوم فيه منهم هيطلع و يقول لا ده شبيهه هوه اللي اتعدم
و يطلع واحد الحج القادم يحلف ان جمال و علاء كانو بيحجو معاهم و بيطوفو و هما مربيين دقنهم و كان بالامارة مبارك علي كرسي متحرك ايوه احنا شفناهم يا عم
ده حتي ليهم حرس بس علشان لا يلفتو نظر الناس مخلينهم يلبسو نقاب
ارحمنا يا رب
ما تيجي بقي نتجمع و نعلن اننا مستعدين لمرحلة قادمة و اننا بنثق في من وقف بجانب الثورة و الشعب
و بأننا بنحلم بتغيير انفسنا

م.حاتم السباعي

**nevozaky** · 14-04-2011 11:52 PM

طيب الحمد لله على كده اوى .متشكرة لحضرتك يا استاذ otefaانك طمنتنى وطمينت بقية الزملاء .بص حضرتك انا ما كنتش مستعجلة على المحاكمة بقدر ما كنت اتمنى ان كل الاجراءات والاوراق تبقى صح وتاخد وقتها علشان ما يبقاش فى اى ثغرات قانونية يطلعوا بيها من القضايا .بس غريبة ان كان قدامهم وقت طويل علشان يظبطوا نفسهم .وهما اساتذة فى تستيف الاوراق .

**bassem.naguib** · 15-04-2011 12:04 AM

المشاركة الأصلية كتبت بواسطة HAGAN

سبحان الله العظيم
مع الاحترام الكامل لصاحب الموضوع
و لكن انتشر الكلام فعلا في كذا مكان من يوم ما اتمسك العادلي و عز و جرانة و المغربي ثم اتمسك باقي الشلة و اخيرا تم ترحيل جمال و علاء للسجن و تم التحفظ علي مبارك في المستشفي و بعد كل ده نجد انه للاسف
مازال الشك موجود
مازال القلق بيكتب و كأن من يملك زمام الامور الان ( نصابين ) مثلا
و اخيرا واحد يقول انه خايف يكون الموضوع لكي يهدي الناس
طيب ليه ( يوسف غالي ) هرب
و ليه حسين سالم هرب و ليه رشيد لم يعود و يسلم نفسه طالما الموضوع خدعة و انهم متفقين علي شئ
و لو فيه اي شئ به اتفاق او صفقة او اي شئ كان ظهر
احنا بس فينا ناس لا تهدئ ابدا
و لو البلد اعدمت مبارك اكيد تاني يوم فيه منهم هيطلع و يقول لا ده شبيهه هوه اللي اتعدم
و يطلع واحد الحج القادم يحلف ان جمال و علاء كانو بيحجو معاهم و بيطوفو و هما مربيين دقنهم و كان بالامارة مبارك علي كرسي متحرك ايوه احنا شفناهم يا عم
ده حتي ليهم حرس بس علشان لا يلفتو نظر الناس مخلينهم يلبسو نقاب
ارحمنا يا رب
ما تيجي بقي نتجمع و نعلن اننا مستعدين لمرحلة قادمة و اننا بنثق في من وقف بجانب الثورة و الشعب
و بأننا بنحلم بتغيير انفسنا

م.حاتم السباعي

عندك حق في الكلام اللي بتقوله .. النهاردة في الشغل على سبيل الهزار كان بنقول أن مبارك لو مات في الفترة دي محدش حيصدق والناس حتقول أنها لعبة علشان مايتحاكمش .. الناس للأسف (وقد أكون واحد منهم) عاوزة تنفذ الحكم بأيديها علشان تكون متأكدة .

بس عارف مرجع الشكوك دي كلها نتيجة ظلم وفساد سنين والناس مش مصدقة أن الفساد ده يتحاكم لأول مرة في مصر .. مش زي زمان فقط اللي كان بيتحاكم من الفاسدين هو اللي بيخرج عن النص أو مغضوب عليه لأي سبب ما .

وبالنسبة للي هربوا فدول هربوا لأن التهم لابساهم مليون في المية ومفيش أي مخرج ليهم بأي شكل .. ودول هربوا بعد الثورة في فترة الشفافية .. هههههههههه