الموضوع: صيانه الالف كيلو وما بعدها وبعض الملاحظات

امبارح روحت عملت صيانه الالف في ابو رواش والي لاحظته عندهم عدم اهتمام المهندس المختص بشكواك وكل ما اقوله علي شيء مش عجبني يقولي ده عادي وكانت التكلفه 310 وبعد مخلصت قولتله في شويه خدوش في العربيه عاوز اعملها قالي استني مهندس السمكره وبعدها قابلته قولتله ايه حلول الخدوش دي وهل فعلا في قلم من الشركه الام في كوريا بيعالج الخدوش دي قالي مفيش حاجه كده تماما وقالي سيب الخدوش احسنلك لان تكلفه رش العربيه كلها ب7000 جنيه قولتله دي مجرد خدوش قالي هو نظامنا كده كل قطعه ب400 زي الاكصدام الامامي او الخلفي والكابوت ب1000 المهم كبرت دماغي ومشيت نيجي بقي للنقطه التانيه بعد مخرجت من الصيانه قولت اعمل تفتيح للعربيه وبصراحه كنت خايف من حته ثبات العربيه الي كتير اشتكو منها علي المنتدي بس طلع كلام مش صحيح انا سوقت علي سرعه 150 وكانت العربيه قمه الثبات بس محبتش ازود اكتر من كده وعلي فكره نشوفيه العافشه قلت كتير عن الاول يمكن غيرو حاجه فيها في موديل 2011 وتجميع السياره جيد وصوت العربيه مش عالي ولا حاجه زي مقريت في المنتدي علي سرعات عاليه يمكن بس في صوت ظهر كده خفيف اول مبدور العربيه وعلي السرعات المنخفضه مش عارف ده ايه بظبط ولما سالت المهندس قالي العربيه زي الفل والحاجه التانيه ساعه التابلوه هنجت لمده يوم ورجعت اشتغلت تاني وكمان لما نفخت الاطارات علي 30 وفي شخص قعد في الكنبه الخلفيه العربيه حكت جامد اوي في مطب قولت ازودها ل32 واشوف هتفرق ولا ايه وفعلا فرقت شويه

شكرا علي مشاركتك
والله طمنتني انا كنت خايف وعلي وشك اخد واحده الاسبوع اللي جاي