الموضوع: محتار اوى اشترى مستعمل وصيانتها تخرب بيتى ولا اشترى جديد وقسطها يخرب بيتى

المشاركة الأصلية كتبت بواسطة mohammedabdallh

بص يا باشا
انا اول ما جبت جبت بيجو 504 وطلعت قرة بس دالى كانت معايا مش كل البيجو مع احترامى الشديد للبيجو
وصرفت عليها دم قلبى وفى الاخر بعتها بخسارة ودخاتها فى شاهين رخرة طلعت نص قرة وقلت خلاص اجيب زيرو قسط وبعت الشاهين برده بخسارة بعد ماصرفت عليها حوالى الفيين جنية
وقلت ادورعلى عربية زيرو قسط كويسه وبرده احترت مابين التيجو وجين تو ونيسان صنى وفى الاخر وانا بلف لقيت فى معرض عربية لانسر كرستاله والحمد لله اشترتها وطلعت حالتها فوق 85 فى المية وعلملتلها سرفس بحوالى 1500 والحمد لله مريحانى
المهم هنا وانت بتشترى عربية مستعمله لازم يكون معاك واحد ميكانيكى كيس وبيفهم فى كل حاجه العربية مش موتور وبس يعنى فى ميكانيكى يفتح الكبوت ويقولك العربية زى الفل والعربية متبهدله من تحت وما ادراك بعد كدا لما تمشى بيها المهم انت تقدر على ايه
المشكله فى الحل التانى وهو العربية القسط
حضرتك هتجبها بككام العربية لو 80الف جنية هتعرف عليك تقريبا فى 3 سنوات 12 الف جنية يعنى العربية بعد تلاث سنين وقفت عليك ب 80 سعرها الحقيقى + 12الف قسط زياده + شوية حاجات كدا يعنى ممكن تقفل 95 الف جنية ولو اتزنقت وجيت تبيعها خسارة ما بعدها خسارة ولو اتزنقت فى شهر مش هقولك ايه الى هيحصل
فراىى خليك فى المستعمل وتوكل على الله علشان الخسارة متبقاش كبيرة
اسف على الاطاله بس كنت بشرح وجهت نظرى
انا كنت ذيك كدا برده من شهريين

الف الف شكر يا أخى على ردك المشكلة ان لم العربية الاولى طلعت قرعة خفت اخش فى موضوع مستعمل تانى
يطلع قرعة برضه
وبالنسبة للجديد انا مش محبذه علشان القسط والدين والربا طبعا
على العموم ربنا يهدينى لحل كويس ان شاء الله