أية زيت الموتور و الفتيس المفضل للكليو

**medohai510** · 16-04-2008 12:31 PM

السلام عليكم ،

;) يا ريت لو كل واحد يوضح تجاربه مع زيوت الموتور والفتيس وإية أحسن زيت خصوصاً أن الصيف قادم ومعظم الناس بتحب تغير الزيت علي فترات متقاربة في حر الصيف.

**عمرو عمارة** · 16-04-2008 02:17 PM

السلام عليكم

انا كنت باحط زيت Mobil 1 5W50 ( كل عشرة الاف كيلو ) وده افضل طبعا لأى موتور - اخر مرة حطيت Shell Ultra 5W40 لأني عرفت ان ثقل الـ40 اخف من الـ50 وده احسن لحركة الموتور وفعلا حسيت ان صوت الموتور هدي شوية والعزم زاد...بس بفكر المرة الجاية احط Total 5W40 لانه ده الموصى به..بس لو انت يتقرص على العربية وسواقتك خشنة شوية حط Mobil 1
اما بالنسبة لزيت الفتيس فهو Total 75W80 للموانيوال وموجود فى بورسعيد بس ومش هتلاقي فى التوكيل ولا مراكز الخدمة....طبعا لو سالت الميكانيكية هيقولولك مش لازم يتغير وبتاع بلدها احسن!!....بس نصيحة مني غيره كل 80,000 كيلو ده هيحافظلك على الفتيس ويطول فى عمره

السلام عليكم
عمرو عمارة

**medohai510** · 16-04-2008 02:52 PM

أنا فعلاً لما أشتريت العربية البائع قالي أنة بيحط توتال وبيغيره كل من 4000 : 5000 كم، وأنا سمعت في المنتدي أن مفيش حد عندة زيت الفتيس الموصي به ألا في بورسعيد فقط، وبش عارف أزاي كدة أنا أعرف أن كل شركات البترول بتنتج زيوت فتيس بكل لزوجاته ودرجاته.
فهل في حد يعرف زيت الفتيس الموصي به موجود فين ؟