الموضوع: لى خبراء البيجو 305

اخي العزيز
لي تعقيب بسيط
بالنسبه للمقارنه دي احب اقولك شيء
العربيتين دول فعلا اقرب عربيتين يقارنوا ببعض
بص يا سيدي من حيث النعومه الاتنين تقريبا زي بعض
من حيث القوة 305 طبعا لانها اقوي و عفشه اقوي و اعلي
انا بقولك من حيث تجربه انا معايا 305 و والدي كان معاه 323 جايبها من الزيرو من السعوديه
بالنسبه للوسع تقريبا زي بعض ان لم تكن ال305 اوسع
بس خلي بالك لو ركبت معاك ناس هتلاقي المازدا بتجرجر في الارض
و لو ركبت علايات و الكلام ده مش صح لانها بتأثر علي اتزان العربيه
في المجمل ال305 كويسه فعلا بس انا هقولك المشاكل اللي فيها بامانه
اول شيء تتعامل مع ميكانيكي بيفهم و حط تحت بيفهم دي مليون خط يكون بيفهم في ال 305
ثانيا تكون عارف محل بتاع قطع غيار بيبيع جديد و محل يكون بتاع استيراد محترمين و قريبين منك
او يكونوا متوفرين في منطقه قريبه منك
و بالنسبه ان منطقه عملك واعره ارشح لك ال305 عفشه قويه و محترمه لو ظبطها
و ربنا ييسرلك الخير
و لا تنسي الاستخاره

و ابقي قولنا عملت ايه علشان ناخد لفه